[dr.salsa]

السلام والنعمه علي كل اعضاء ارثوذوكس
انا شوفت وسمعت حاجات كتيره قوي عن موضوع التوافق في الارتباط ده بس حبيت نتناقش معاكم يا احلي اخوه في نفس الموضوع ده.
كتير مننا بيسمع للانبا بولا وبرنامج بيت علي الصخر واوقات كتيره بيقول لازم يبقي فيه توافق في الارتباط من كل ناحيه التعليم...المستوي الاجتماعي... المستوي المالي ...وما الي اخره.
في نفس الوقت الاقي الانبا موسي اسقف الشباب مش كده خالص انا فاكره ان مره واحده كانت بتساله بتقوله انا بكالريوس ومتقدم لي واحد دبلوم اعمل ايه اوافق ولالا؟؟ رد عليها قالها وافقي يا بنتي البلد دي مبقتش بلد شهادات خلاص طالما بيشتغل ويقدر يفتح بيت ويصرف عليكي وافقي وربنا معاكي.
البابا شنوده كان برضه بيرد علي سؤال اتبعت له وكان رده انها توافق وهي بكالريوس واللي متقدم كان دبلوم.
انتوا بقي ايه رايكم؟؟ انا بجد بقيت محتاره
تفتكروا هي خلاص هتمشي كده؟؟ وانتي يا اختي لو كنتي متعلمه تعليم عالي ترضي ترتبطي بشخص معاه دبلوم؟؟؟؟
هي البنت ولا الولد هيبقي ايه في البيت دي زوجه وهو زوج جوه البيت مفيش وظايف.......

المصدر: †† منتدى ارثوذكس †† - من قسم: صندوق مناقشات الاعضاء

[نبيل نصيف جرجس]

مش موضوع كدة
اولا هل لما انت تعجبنى بانسان فى اى مكان هتعجبى بية عشان شهادتة ولا فلوسة
دى اول نقطة
ثانيا لو فية حب بجد هتبتدى معاة من الصفر
ثالثا مش بتفرق دبلوم من كلية لان بالعكس الدبلوم بقى بيتشغل احلى من الكلية
شوفى كام واحد كلية وقاعد فى البيت
مش عارف دا وجهة نظرى
موضوع جميل
ربنا يباركك

[dr.salsa]

ميرسي ليك يا نبيل علي ردك

انا كمان كتير بفكر كده

بس لو جينا بقي للنقطه الاهم هل الاهل بيوافقوا ولا لا؟؟

[gege28]

لموضوع مهم بجد وخاصة لما تكون البنت بتحب الولد وهو كمان بيحبها انا فى المشكلة وشايفة ان الموضوع مش صعب لكن الصعوبة عند الاهل يعنى رفضه بسبب الموضوع دهمع ان اب اعترافى موافق والموضوع واقف بسب رفض اهلى
صلولى ان الموضوع يتحل

[lolaemo]

موضوع جميل فعلا وانا مع نبيل ومع dr salsa
بس بردو الاهل بيبقو متشددين اوى من ناحية الخوف على بنتهم وعاوزين يضمنو لها مستقبلها عشان ميحصلش خلاف من اى نوع
لكن صدقونى معاهم شهادات من كليات القمة زى مابيقولو وبيختلفو مع بعض ومبهدلين بعض
ربنا يستر علينا وربنا يوفقك ياجىجى فى موضوعك ويعملك الخير

[مرمر عزيز]

انا من رائى لو بحبة طبعا لازم اوافق بيه
والاهل مش هيمنعوا طالما انا بحبةوهما شايفنى انى هكون سعيدة معاها

[kamer14]

مش الدبلوم ايلى هيوقف الجوازة يعنى طلما فى حب وطلما هو انسان مثقف ويقدر يفتح بيت وراجل بمعنى الكلمة يبقى ليه لا ماياما ناس معاها شهادات وكليات ومبيعرفوش يفكو الخط

[SAMOOOOO]

هو بصراحه من رايى

ان الفكره مش فى انه دبلوم وهى بكالوريوس

الفكره ان لو حصلت مشاكل بعدين هى ممكن تقول كلمه مش لذيذه هو مش هيقبلها اكيد

لكن لما يكون الزوج اعلى فى المؤهل العلمى عمره ما هيقولها انتى كذا وكذا لانه اختياره من الاول

وفى الاول والاخر هو توافق مش اكتر

يعنى لو فى ارتياح لبعض وحب هيقدروا يكملوا حياتهم بسعاده
وامثله كتيييييييييييير على كلامى ده

ده رايى باختصار

وميرسى للمناقشه

[Shosei]

بوصى انا لوشاب مش ممكن لو اتقطعت اخد واحده كمستوى مادى او تعليمى اعلى منى لانى هفضل حاسس انى فى فرق وهى احسن دا الراجل الشرقى

بس طبعا البنت عادى بقى طالما هو مش هيوافق هى مش هتلاقى اللى ترفضة بقى
يعنى الشاب يحب يكون هو الافضل مش هى

[elphilasouf]

انا بصراحه شايف ان التوافق بمعنى الاقتراب
يعنى مش شرط يكون هو بكلريوس عشان ياخد واحده ببكلريوس
بس هما قريبين من بعض وخلاص
بس عمتا مش دي القضيه القضيه قضيه الثقافه نفسها والمتسوي الفكر كمان لازم يكون قريب