[Hanyking]

خطيب و خطيبته بيحبو بعض اوى اوى اوى


الخطيب : بحبك ( يا بااااااي )

الخطيبة : وانا كمان ( داهيه تاخدك )

الخطيب : من اخر مره وانا بافكر فيكي ( يارب تغوري من وشي )

الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )

الخطيب : امال فين حماتي مش شايفها يعني ( الحربايه الكبيره )

الخطيبة : موجوده اندهها لك ( علشان تسم بدنك )

الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله )

الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )

الحماة : الف مبروك يا حبيبي ( ياما جاب الغراب لامه )

الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )

الخطيبة : وماله طبعا لازم نشوفها ( اكيد قد الحق وفي منطقه معفنه )

الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )

الحماة : وماله يابني بس مش لسه بدري ( جتك نيله مستعجل علي ايه )

الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )

الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتي انا حامشي دلوقتي ( افففففف انا اتخنقت من الوليه دي )

الحماة : ماهو لسه بدري ( في ستين داهيه )

الخطيب : باي يا حبيبتي ( حبك برص )

الخطيبة : مع السلامه يا حبيبي ( البلد اللي تودي )

الخطيب : كلميني في التليفون ( يا رب يقطعوا الحراره )

الخطيبة : اكيد يا حبيبي ( غور بقي )

المصدر: †† منتدى ارثوذكس †† - من قسم: الضحك والفرفشة

[وردة حزينة]

هههههههههههههههه
واضح فعلا الحب
هههههههههههههههههههه
ربنا يبعد عننا الحب للى اخره المستشفى ده

[zaza2006]

هههههههههههههههه حب ميه ميه

[Hanyking]

المشاركة الأصلية كتبت بواسطة وردة حزينة هههههههههههههههه واضح فعلا الحب هههههههههههههههههههه ربنا يبعد عننا الحب للى اخره المستشفى ده

ههههههههههه طبعا هو دة الحب على اصوله
ربنا يباركك ويعوض تعب محبتك وميرسى اوى على مرورك
كابوووووووو

[Hanyking]

المشاركة الأصلية كتبت بواسطة zaza2006 هههههههههههههههه حب ميه ميه

دوووووول روميو وجيولييت 2009 ههههههههههه
ربنا يباركك وميرسى كتير عالمشاركة والرد
كابووووو

[nona queen]

خطيب وخطيبته بيموتواااااااا فى بعض ....

ههههههههههههههههههههه
انت متاكد يا هانى ان حرف الجر (فى) ده موجود
خد بالك بعد الجواز دا اذا بقى فيهم نفس للمرحله دى
الزوجه :اخرس ولا اديك بابو ورده
الزوج :امرك يا حبيبتى وانا قلت حاجه
وهو ده بقى الحب الحقيقى ههههههههههه
ميرسى ليك وربنا يباركك

[Hanyking]

المشاركة الأصلية كتبت بواسطة nona queen خطيب وخطيبته بيموتواااااااا فى بعض .... ههههههههههههههههههههه انت متاكد يا هانى ان حرف الجر (فى) ده موجود خد بالك بعد الجواز دا اذا بقى فيهم نفس للمرحله دى الزوجه :اخرس ولا اديك بابو ورده الزوج :امرك يا حبيبتى وانا قلت حاجه وهو ده بقى الحب الحقيقى ههههههههههه ميرسى ليك وربنا يباركك

هههههههههه لا بجد يا نونا عندك حق انا مش عارف حرف الجر (فى) دة جه منين لانهم كدا بيموتو بعض مش بيموتوا فى بعض ههههههههههه
ليا استفسار صغير هو مين ابو وردة دة ؟؟؟ تفتكرى هو كان بيحب عليها وردة دى؟؟؟؟؟؟؟هههههههههههههه
ربنا يباركك ويعوض تعب محبتك وميرسى على ردك الجميل دة
كابوووو

[M@RCO]

امال لو مكنوش بيحبوا بعض كانوا عملوا ايه ههههههههههههه
شكرا يا هاني

[مرمر عزيز]

ههههههههههههههه جامدة بجد
ده شكلهم بيموتوا فى بعض مش بيحبوا بعض بس

[MeRooBe@r]

ههههههههههههههههههههههههه ههههههههههههههههههه
مسخرة بجد
تحففففففففففففففففففففففف ففففففة
ميرسي كتير