[MICKEY]

اهلا ومرحبا بيكم في ثاني حلقات برنامجكم من انا



انتظروا كل هؤلاء النجوم وأكثر







في برنامجكم
who i'm





برنامج من انا هو برنامج شخصي يخص الشخص وكل مايتعلق به



نود انا نعرف وندخل بداخل قلوب الجميع

فنتجه الي غواصة من انا اللي تدخل الي شريان ارثوزكس ومنها الي قلوب الاعضاء



ضيف حلقتنا اليوم في حلقة من انا

شخصية زو براعه عالية في مجال الكمبيوتر

استفاد منه الكثيرون

شخصية هادية الطباع قليلة الظهور ولكن قوية التأثير

رأيناه جميعا في الخروجه الشهرية الثامنة





من انا هو الكشاف الذي سنري به بطاقة العضو كاملة




ضيفة حلقتنا اليوم هي انسانه ردودها تعبر عن سن اكبر من سنها



ضيف حلقتنا هو



IO-MINA



برنامجنا يستضيف من يريد البقاء بعيدا
برنامجنا هو المغناطيس الذي يجزب العضو للجسد



اهلا بيكي يامينا معانا في حلقتنا
ونبدا الحلقة

ميكي : اسمك ايه
مينا :مينا عبود
ميكي : مواليد سنة كام يامينا
مينا : 16/11/1990
ميكي :مينا انت منين
مينا :انا من مدينه عين شمس
مينا :الى موجوده فى القاهره هههه وبالاخص من عين شمس الشرقيه
ميكي : مينا عبود ماذا تدرس
مينا :بدرس تكنولوجيا واداره اعمال متخصص فى نظم معلومات اداريه اول سنه
ميكي : انت برج ايه
مينا :انا برج عقرب
مينا :شهر 11 و 12
ميكي : انت فضلت تتولد لمدة شهرين ولا قصدك أيه مش واخد بالي
مينا :ههههههههه
مينا :لا انا بوضح العقرب بتاع شهر ايه وايه علشان بس بعدين لو فيه مقايلات تانيه تبقي عارف
ميكي : ههههههههههه ميرسي
ميكي : هل تؤمن بالأبراج وما يكتب بها من حظ للأنسان
مينا :كنت معتقد فى كده ايام اعدادى وثانوى لكن بعد مقريت عرفت انها كدب وبسبب ايات من الكتاب المقدس زى
مينا :لا تستشير عرافه او حاجه شبيه بيها
ميكي : انا لا اؤمن بها ايضا لأني في احدي المرات كنت انا وصديقي الانتيم نقرأ حظك اليوم
ميكي : وكان حظه خبر سار قادم اليك وبعد ساعتين من قرائة الجريده اتي له اتصال هاتفي من عمه يقول له البقية في حياتك والدك توفي ومن هنا انا لا اؤمن بالابراج كان هذا الحادث منذ ايام طفولتي
مينا :جميل رغم انه خبر صعب بس ده اكبر دليل انه كدب ووهم من ناس بتحاول تعتمد على عالم مش ربنا
ميكي : عزيزي مينا في احدي الايام كانت والدتك في الشارع ومعها بعض مستلزمات المنزلى وصاحت وهي في الشارع وقالت لك انزل يامينا شيل معايا الطلبات عشان راجعه تعبانه ومش قادرة اطلع بيها السلم
فقمت ونزلت وتركت باب الشقة موارب يعني مش مقفول اوي وقد تسلل ميكي منزلك ودخل بالداخل اثناء فترة نزولك للسلم وصعودك التي لا تستغرق ثواني واختبئ وراء احدي الأبواب
ميكي : احكي لنا ماذا رأي ميكي طوال هذا اليوم داخل منزلكم
مينا : لو كان احد الايام ده هو وجود الاسره بكاملها في المنزل فسوف يري ...
والدى / وهو شغال ميكانيكى للمعدات الثقيله زى البلدوزارات والحفارات والسيارات ...
والدتى / وهى تعمل بجهاز القوات المسلحه المدنى وهى متخصصه فى اى شئ فيه بيع شراء ...
اما اختى فهى فى كليه تربيه تعليم اساسى
ده كيوم اجازه للبيت كله ... اما لو كان باقى الايام... هتلاقينى قدام الكومبيوتر والتليفزيون واختى بتتفرج عليه وانا قاعد على الكومبيوتر ووالدتى مشغوله فى البيت او بترتاح
ميكي : مينا عبود
ميكي : انت ذو عقلية خارقة في مجال الكمبيوتر والتصميمات
ميكي : اشهد لها بنفسي وكثير ماطلبتك واجدك دائما بجواري ودائما تفيدني
مينا : انا مش عقليه خارقه ولا حاجه .. الى بيحصل كالاتى :
مينا : لما يجيلى تصميم او طلب تصميم الى بعمله بطلب ارشاد ربنا علشان احاول اعمل حاجه جديده مش حد عملها .. او يكون التصميم النهائى حلوة
مينا :اما بالنسبه لمجال الكومبيوتر السبب فى كده منتدى ارثوذكس
لو تعرف سبب معرفتى بمنتدى ارثوذكس هتستغرب وتقول ياراجل
ميكي : لا بالعند فيك مش هقول ياراجل ههههههههههه
مينا : هههههههه كنت داخل محل نت كافيه جمب الكنيسه
مينا :مفيش يعنى مسافه صغيره ... وقابلت صحبى اسمه مينا وهو هنا فى المنتدى بس مش بيدخل كتير ...
مينا :وانا كان ساعتها معايا موبايل 6600 وكنت عايز اجيب حاجات ليه فقولت ادخل اشوف اى حاجه فمينا قالى شوفت الموقع الجديده ده وكده وانا كنت محتاج حاجات للموبايل ومتعتمد انى هادخل هالاقى حاجات
مينا :المهم ملقتش حاجه
مينا :وكنت اول مرة اتعرف على نظام المنتديات كنت جديد فى الحكايه ده
مينا :فلقيت المنتدى مفهوش حاجه فروحت مسجل
مينا :وقولت انا اعمل بحث وانزل فى المنتدى حاجات بالمره
مينا :وابتدت حكايتى مع المنتدى بقسم الموبايلات ثم الكومبيوتر
مينا :وده الى كان بيشجعنى انى اختبر حاجات جديده علشان اضيفها فى المنتدى
ميكي : اجابتك غريبة عن اي حد يتصورها فعلا
ميكي : المعظم دخل المنتدي عشان يدور علي حاجه علي المنتدي وينزلها عنده
ميكي : لكن انت دخلت عشان تجيب حاجه من بره وتحطها علي المنتدي
ميكي : حقيقي احييك يامينا علي هذه الحركة

ميكي : مينا عبود ماهي طموحاتك في الحياة
مينا :بالنسبه للطموحات محتاجه بحث منى معاك دلوقتى
مينا :لكن بصفه عامه اخلص الدراسه واشتغل بس وكان نفسى
مينا :اعمل مشروع كبير على النت زى موقع بيع وشراء وخصوصا يكون بالمصرى فى كل شئ
مينا :علشان الحاجات ده مش موجوده كتير :بالنسبه لبلدنا بس لسه وغير كده محتاج راس مال كبير
ميكي : ربنا يوفقك ياحبيبي
مينا :ويوفقك
ميكي : مينا عبود قد قدم في شركة كمبيوتر كبيرة
ميكي : وقال له المدير اثناء عمل الانتر فيو
ميكي : ماذا تعرف من برامج خاصة بالحاسب الالي
ميكي :ما هي اجابتك
مينا :
بالنسبه لبرامج الحمايه / عندى معرفه ببرامج مختلفه وجميعها مشهور زى المكافى والنورتن والسيمانتك الكاسبر سكاى والبيت دفندر
اما من البرامج مش المشهورة شغال ببرنامج اسمه كومودو وو برنامج مجانى 100 فى 100 وكمان قوى لحد ما استخدمته ...
بالنسبه للصوت والفيديو / برامج للتسجيل صوت وفيديو ومونتاج زى برنامج Camtasia Studio وبرامج التصفح / استخدم برنامج firefox وبعض الاوقات البرنامج الجديد من جوجل كروم نظرا لخفته الشديده وسهولته
وبالنسبه لتشغيل الصوت والفيديو / يوجد برنامج Winamp وهو مشهور جدا وبرنامج اسمه The KM Player وده برنامج جامد جدا لكن لسه بيتطور وفيه خواص جميله جدا مش موجود فى اى برنامج تانى بالنسبه لطريقه عرضها
وللتحميل السريع من النت بستخدم برنامج Free download Manager
ميكي : وماذا عن برامج التصميم والمونتاج
مينا :التصميم / برنامج فوتوشوب المعروف طبعا ولكن
مينا :انا حاليا بحاول اتعلم على برنامج مشابهه له بالتمام اسمه Gimp وهو برنامج مجانى 100 فى 100
مينا :لكن الفرق عن الفوتوشوب انى المصطلحات مختلفه ومعقد حبتين صغيرين مش يفرقوا مع حد يتعلموا
مينا :ام المونتاج / انا مش بشتغل على ملفت صوت وفيديو كتير
مينا :لكن برنامج Camtsia Studio هو البرنامج الى هاجربه فى الاول لو حبيت اعمل مونتاج لحاجه
مينا :لكن لو حبيت اضيف تاثيرات كبيره جدا
مينا :هابحث عن برنامج جيد ولكن الاهم مجانى مش مشكله لو مش كان
مينا :لكن انا دلوقتى بركز على المجانى قوى وبيطلقوا على البرامج ده بالانجلش
مينا :Open Sources مصادر مفتوحه
ميكي : اها
مينا :وحلاوتها بجد
مينا :انها يمكن تقدم مميزات البرامج الى بفلوس وغير كده
مينا :معظمها دعمها مجانى وليك الحريه فى تطويرها وكمان تتصل بفريق العمل وتشاركهم فى تعديلاتهم للبرنامج مهما يكن وتعدل فيها حتى لاستخدامك الخاص وتوزعها على الاخرين
مينا :بس ده بيكون طبقا للقوانين الخاصه بكل برنامج ومعظمهم يستخدم حقوق الطبع Gpl
ميكي :انت اسطورة في مجال الكمبيوتر حقيقي
مينا :انت باين عليك عايز البرامج الى عندى يا ميكى
ميكي:ههههههههه
ميكي:كل هذه التكنولوجيا التي تمتلكها في مجال الكمبيوتر اتت بك عندما كنت تبحث عن برنامج 6600
مينا :اه فى الاول
مينا :كان الواحد بيلقط من هنا وهنا من اصحابه وكده
مينا :لكن انا بحثت بحماس كبير
مينا :لما ادخل على مواقع اجنبيه واتفاعل معاهم واتعرف على الحاجات الجديده ده

ميكي : لو اديتك عربية ومفتاحها ورخصها وقولتلك خليها معاك اسبوع
ميكي : اي الاماكن اللي هتفضل انك تروحها في خلال الاسبوع
مينا :هاحب اروح الاماكن الى فيها خضرة وهدوء ومايه
ميكي : ولو مصيف ؟؟
مينا :بالنسبه للتصيف كنا بنروح ايام زمان اسكندريه مع العيله لكن دلوقتى فين وفين واخر مرة كنت باردوا فيها بس مع اصحابى بس ... وهما بقى عارفين الباقى المناطق وكده
ميكي : وماذا عن الاماكن الدينية ؟؟
مينا :احب اروح قوى دير الانبا انطونيوس الدير الى كنت بروحه
مينا :يمكن كل سنه او اكتر لما كان معانا العربيه
مينا :هناك فيه اب كان سمه ابونا سريال بحبه قوى
مينا :هو لسه موجود ابونا سريال
مينا :والدير ده فعلا راحه
ميكي : انا من عشاق اديرة البحر الاحمر الانبا بولا والانبا انطونيوس
مينا :جميل جدا ومين مش بيعشقة
ميكي : وعن الاماكن السياحية ؟؟
مينا :الاماكن السياحيه
مينا :بصراحه مش كنت بروحها او اعرف عنها كتير ... كل الى اسمع عنه الأهرامات وابو الهول وحتى كمان مش روحت
ميكي : مينا قول لنا اسم واحد لكل من الشخصيات الاتية
ميكي : افضل مغني
ميكي : تحب تسمعله
مينا :نانسى عجرم بحب صوتها
مينا :ولا انت قصدك راجل
ميكي : لو راجل مين ولو موزة مين
مينا : ههههههههههه
مينا :الرجاله مش بحب اسمعلهم
مينا :صوتهم ممتاز مش ممتاز
مينا :مش برتاح
مينا :احب اسمع الصوت الناعم
ميكي : ههههههههه
مينا :ومن القديم فيروز
ميكي : اوك يبقي نانسي جديد وفيروز قديم
ميكي : وافضل ممثل وممثلة
مينا :الممثلين كتير
مينا :مش بحب اشوف العربى كتير
مينا :لكن بحب احمد حلمى
مينا :وياسمين عبد العزيز
ميكي : افضل اكله وافضل مشروب
مينا :بحب قوى السمك وافضل مشروب بيبسى لكن مضر بجد بالصحه
مينا :والقلب كمان
مينا :مش بخوك
مينا :بخوفك بس حقيقه
ميكي : احكي لنا موقف كوميدي داخل منزلك او خاص بك مع الاسرة
مينا :يوم ما كنا بنتفرج على الاسكتشين الى عملتوه فى ارثوذكس
مينا :صدقنى
مينا :على اد ذاكرتى
مينا :مش بنقعد كتير نتكلم ما بعض
مينا :وانا كنت شفت الاسكتشين
مينا :وقولت افرجهم عليه
مينا :واقعدنا نضحك مع بعض قوى
مينا :لكن مفيش حاجه افتكرها عمرى 18 سنه ومفيش مواقف
ميكي : هههههههههههه دي تشججيعه جميلة يامينا وجاري تصوير مزيد من الاسكتشات
مينا :بجد بامانه فكره جميله وجميل انى حد يكون ايجابى ومش يتردد يعمل حاجه حصوصا فى البلد
ميكي : مينا قبل ماخد منك العربية اللي ادتهالك
ميكي : العربية تشيل راكب ايضا بجانب السائق
ميكي : من تأخده معك من المنتدي في خلال هذا الاسبوع
مينا :انا المنتدى علاقتى بالاعضاء فيه مش كبيره قوى .. وده واضح .. لكن افضل اخد ابراهيم لانه بجد انسان جميل وبيحتمل كتير ... وممكن معاه ازنق مينا نارمر لانى حبيت شخصيته قوى
ميكي : ههههههههههههههههه
مينا :هههههههههههههه
ميكي : بخصوص نارمر احب ان اقول لك
ميكي : اني كنت ابحث عنك منذ يومين كي اعمل معك الحلقة ولم اجدك
ميكي : وبالصدفة قال نارمر لي عاوزك تجيب الواد مينا اللي هو انت
مينا :ههههههههههه

ميكي : معاك المايك لمدة دقيقية ماذا تقول به سواء للمنتدي او لأسرتك او لأي شخص
مينا :اقول للمنتدى انه مليان بناس كتير وكنوز كتير ربنا حافظها ومستنيه تنفتح اكتر ... بالنسبه لاسرتى نفسى نعيش كلنا فى هدوء وفى علاقه مترابطه ...
مينا : كفاية كده لحسن الدقيقة زادت ههههههه

ميكي : تحب تسأل حد من المنتدي سؤال وتنتظر اجابته عند نزول الحلقة
مينا :بالنسبه لو احب اسال حد ..
مينا :معنديش اى سؤال ... لكن ليك ... انت جايب الضحك ده منين .
ميكي : من البقال اللي تحتينا نياهاهاهاها كركركركر
مينا :انت بجد دماغك مليانه افكار يا ميكى .... وده بتكون موهبه مش مجرد شئ كده وخلاص
ميكي : اشكرك عزيزي ولكن صدقني انا مش مولود كده حدث كثير من الأشياء التي جعلتني اغير من جلدي
ميكي : واصبحت من انسان منطوي ومنعزل الي شخصيتي هذه
ميكي : اشكرك حقيقي يامينا علي هذه الحلقة الممتعه وكل سنة وانت طيب

شكرا مينا علي صراحتك وكل سنة وانت طيب
وانتظروني في حلقة اخري قريبا في برنامجكم

who i'm

الأنسان قبل دخوله البرنامج يكون انسان لم نعرفه وبعد خروجه نجد انفسنا نعرفه من زماااااااااااااان

من انا
برنامج خفيف خفيف يتاكل أكل

ولسه التقيل جااااااااااااااااااي

انتظرونا الحلقة القادمة ونجم جديد في برنامجكم

who i'm
?

لقرائة من انا ( 1 ) اضغط هنا

لقرائة من انا ( 2 ) اضغط هنا

لقرائة من انا ( 3 ) اضغط هنا

لقرائة من انا ( 4 ) اضغط هنا

لقرائة من انا ( 5 ) اضغط هنا

لقرائة من انا ( 6 ) اضغط هنا

المصدر: †† ارثوذكس †† - من قسم: البرامج والخروجات الخاصة بالاعضاء

[nermos1982]

حلقة بجد جميلة اوى يا ميكى وضيف لذيذ اوى ميرسى يا مينا انك استحملت ميكى واسئلته
ميرسى يا ميكى على الحلقة الجميلة دى.ربنا يباركك ويقويك

[حنين سنين]

بجد حوار رائع ميرسى ليك يا ميكى ها يا ميكى على الحلقه الجميله
دى وبجد انا بصراحه مكنتش اعرف مينا بس اكيد
دلوقتى عرفته ومنور الحلقه والمنتدى كله

[كلوديا]

هههههههههههههههههههههههه
سكر يا ميكى بجد
مش قولتلك قلبك من دهب
لم بدخل بحب اتفرج على من انا والخروجات
ربنا يساعدك يا ميكى وعايزن حلقات كتير
وشاطر يا مينا بجد معلوماتك واسلوبك مميز اوى
ربنا يساعدكم

[عماد حسنى]

شكرا جدا جدا يا ميكى على الحلقه وشكرا لمينا ضيفك العزيز
ومنتظرين الاكثر من موضوعاتك وحلقاتك وضيوفك الرائعين

[اسامه سمسم]

مينا يادى النور يادى النور
حلقه مش هتقدر تغمض عنيك عنها بجد

[kottah_sh]

حلقه جميله بجد يامكمك
وفعلا مينا من النجوم المختفيه
شاكرين مهللين على الحلقه الجميله اوى دى
وميرسى يامينا

[Malak sokar]

جميلة اوي الحلقة دي ياميكي وبجد مينا نجم مختفي من نجوم ارثوزوكس
وكمان خدوم اوي
ربنا معك ويحقق لك كل امانيك

ربنا يباركو

[KATKOTA2020]

ميرسى على الحوار الصريح

[aymonded]

جميل اللقاء لأنه لقاء الأحباء
ومينا من الشخصيات الرائعة عن صدق بلا مبالغة فعلاً
ربنا معاك يا أجمل مينا ويفرح قلبك ويملأك من كل مسرة حلوة

وأشكرك يا أروع ميكي على حلقاتك الحلوة جداً فعلاً
أقبل مني كل تقدير يا محبوب الله الحلو جداً
النعمة معك كل حين