[عماد حسنى]

انا ماشى

انا ماشى واللى زعلان يجبها فىّ
انا ماشى واللى تعب منىّ حقه عليا
انا ماشى وسايب الدنيا دى
ماشى وياريت الكل يدعيلى
اللى ملقتهوش على الارض
الاقيه فى السما مستنينى

ماشى وافتكرونى بكل خير
افتكرونى وصلولى كتير
افتكروا انى كنت عايش بينكم
حبتكم اوى ومعرفتش اسعدكم

كان نفسى اسعد اللى يقابلنى
لما ابعد بالحب يفتكرنى
كان نفسى اعمل حاجه كويسه
لكنى ماشى وملحقتش اقول سلام ولا مسا

غصب عنى مفيش حل تانى
مش بأديا انى اعيش مكانى
اصلى تعبت من عالم فانى
مابيرحمش ضعف انسان بيعانى
صلولى وافتكروا حب كبير
ويشهد ربنا على انسان حب بضمير

---------------------------------
اسف يا جماعه على الكلمات دى
بس دى كلمات انا كتبتها يوم رحيل
اغلى صديق فى حياتى ولما جه ذكراه نزلتها
صلولواربنا ينيح نفسه

المصدر: †† ارثوذكس †† - من قسم: القسم الادبي

[ميلاد صدقى]

غصب عنى مفيش حل تانى
مش بأديا انى اعيش مكانى
اصلى تعبت من عالم فانى
مابيرحمش ضعف انسان بيعانى
صلولى وافتكروا حب كبير
ويشهد ربنا على انسان حب بضمير

---------------------------------
كلمات صبعة لكن صادقة با عماد
انا عارفة اللة يرحمة كان صديق بمعنى الكلمة
كان انتيمك يا عماد كان فى الصداقة باهر وماهر
ربنا يصبرك يا عماد ويصبرنى واللة يرحمة
صليلو يا صاحبة وانا كمان هاصليلو وانتم كمان صلولوا

[tigeregypt]

ذكري الصديق تدوم الي الابد
هذه الكلمات
لا يجب ان يقرئها انسان لا يفقه في الحب شيء

هذه الكلمات يجب ان توضع في القلب المخلص الوحيد

لا يجب ان تفاح هكذا مثل رائحة العطر التي تفوح

يجب ان تخزن داخل القلب لكي يعرف القلب كيف يحب

لكي يعيش حياته مليئة بالسعادة والفرح والمحبة
عماد
ليس بامكاني ان اشكرك علي وفائك

[@M@R!N]

انا ماشى واللى زعلان يجبها فىّ
انا ماشى واللى تعب منىّ حقه عليا
انا ماشى وسايب الدنيا دى
ماشى وياريت الكل يدعيلى
اللى ملقتهوش على الارض
الاقيه فى السما مستنينى

كلام مؤثر اوي يا عمااد
ربنا يصبرك على فراقه
وينيح نفسه
ميرسي ليك اوي

[اس اسامة عوض]

انت فكرتنى
با اعز ما لى فى الدينا بس سبنى ومشى وكلامك صح
لكنى ماشى وملحقتش اقول سلام ولا مسا

غصب عنى مفيش حل تانى
مش بأديا انى اعيش مكانى
( ماشى وافتكرونى بكل خير) فاكرك يا حيبيبى
حبتكم اوى ومعرفتش اسعدكم

كان نفسى اسعد اللى يقابلنى
لما ابعد بالحب يفتكرنى ...عمرى ما هنسك ابدا ...يا
(مــــــــــــــــــــلاك)
لية بس ياعماد

[aymonded]

نيح الله نفسه بسلام في فردوس النعيم
ووهبك قوة عزاء بمجد حضوره الخاص يا أجمل أخ واروع صديق
النعمة معك كل حين يا محبوب الله الحلو

[حنين سنين]

موضوع صعب اوى يا عماد
ربنا ينيح نفسه

[ZEZOMERO]

كان نفسى اسعد اللى يقابلنى
لما ابعد بالحب يفتكرنى
كان نفسى اعمل حاجه كويسه
لكنى ماشى وملحقتش اقول سلام ولا مسا



جامد اوى يا عماد صدقنى
ومحبتك دى لكل الناس
بجد جميل جدا

[M!SS N@NO]

انا ماشى وسايب الدنيا دى
ماشى وياريت الكل يدعيلى
اللى ملقتهوش على الارض
الاقيه فى السما مستنينى

كلام جميل اوى يا عماد
ومؤثر اوى
ربنا ينيح روح صاحبك
ويصبرك على فراقه
ميرسى كتير ليك وربنا يباركك

[nermos1982]

غصب عنى مفيش حل تانى
مش بأديا انى اعيش مكانى
اصلى تعبت من عالم فانى
مابيرحمش ضعف انسان بيعانى
صلولى وافتكروا حب كبير
ويشهد ربنا على انسان حب بضمير

بامانة يا عماد اتخضيت اوى وقلبى وقع لما قريت الموضوع لحد ماوصلت لاخر الموضوع.
كلماتك صعبة اوى ياعماد واحساسها صعب اوى
ربنا ينيح نفسه ويعزيك ويصبرك على فراقه وذكراه