نبتدى بكمبيوتر البنات
تلاقى قاعدة الماوس على شكل دبدوب أو قلب أو الماوس ذات نفسه غريب
وعليه كريم دوف أو فازلين عشان مايبوظش ايدهم
وعلى شاشة الكمبيوتر عرايس ودباديب وصور قلوب وقطط وعصافير
ولون الشاشة احمر أو اصفر أو اخضر وعليها مرايا ومشط
وأول ماتشغل البنت الكمبيوتر بتاعها بيكون صوت التشغيل اغانى رومانسية
أو صوت عصافير
نيجى بقى لخلفية سطح المكتب تلاقيها قلب احمر كبير أو صور فنانيين زى اليسا وهيفا ونانسى كمان ومعاهم عم تامر أو ممثليين
وياعينى على الملفات بتكون محفوظة باسامى اغانى أو قصائد شعر
ولما تيجى البنت تحب تقفل الكمبيوتر تروح قافلة كل صحفة بشويش وكل ملف براحة وتتدوس برقة ونعومة على انهاء التشغيل وتكون موسيقة قفل الجهاز
(باى باى ياأحلى بنات الكون)
وتستنى عليه لحد مايقفل وتقوم مغطية كل حاجة براحة وتحط عليه الدباديب
وتغطيهم وكانها بتقوله نام ياحبيبى نام
ده بقى بالنسبة لكمبيوتر البنات
نيجى بقى لكمبيوتر الولاد
أولا الفارة مالهاش قاعدة وتلاقيها خربانة وبتقول ياما ارحمينى من كتر الهبد بيها فى الالعاب وتلاقى الطرابيزة بتاعت الكمبيوتر كلها بقع مطرح الشاى والقهوة والاكل وتراب
بالنسبة للشاشة فتلاقيها متربة ومعفرة وكلها علامات صوابع او علامة دبانة او ناموسة مضروبة عليها
اما الكيس تلاقى مصارينه وقلبه طالعين بره ياحراام ومفتوح على اخره واول مايشغل الكمبيوتر تلاقى الصوت صوت فرملة عربية أو كسر وخبط أو اغانى اجنبى
من بتاعه فيفتى سينت او ايمنيم باشا
اما الخلفية فتلاقيها كلها صور دبابات وعربيات مكسرة أو مصارعين أو لاعبين كرة
اما الملفات تلاقيها باسامى غريبة كتير زى حنكورة .اللى بالى بالك. أو اسامى تستفيذ
واخيرابقى ساعة مايجى يقفل الجهاز يروح خابط زرار الباور أو يقوم يشد الفيشة من الكهربا ومش بعيد يقطعها وتلاقى موسيقى القفل بتاعت الجهاز
اغنية بالسلامة لسميرة سعيد
كمبيوتر البنت ــ كمبيوتر الولد (ايهما افضل )
المواضيع المتشابهه
العرض الشجري