[klara]

الفرق بين باباكى وجوزك

مع بابا.. دخلتى المطبخ ما دخلتيش .. كله واحد وممكن باباكى يساعدك
انما مع جوزك ..مش بمزاجك .. ها تدخلى .. هاتدخلى

مع بابا .. فى العيد بيديلك العيديه وفوقيها بوسه ..
لكن مع جوزك .. بيقول انت خلاص كبرتى على الحاجات دى

مع بابا.. بتنامى وتصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى اصلا

باباكى .. كلمه حلوه ترضيه ..
وجوزك .. طول الليل تحايلى فيه

باباكى وانتى عيانه .. سهران جنبك طول اليوم
انما جوزك بيروح ينام فى الاوضه التانيه.

بابا .. لما تدلعى عليه .. بيفرح بيكى
انما جوزك .. بيقولك ..اكيد عايزه حاجه...

باباكى.. لما تقولى له .. ده حصل كذا وكذا .. بيهتم ويصدقك
انما جوزك ... بيقولك .. الموضوع دا وراه ان .. ويشك فى كلامك

بابا .. لو شافك بتعيطى ها يمسح دمعتك
انما جوزك .. ها يقولك ياااادى النكد مش هنخلص النهاردة

مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك ههههههههه شكلك زى عروسة المولد ويقعد يضحك عليكى

مع بابا .. لو طلبتى دوا من الصيدليه . جرى ها ينزل يجيبه
لكن جوزك ها يسالك بكام الأول؟

بابا .. لو طلب منك كوباية ميه .. بيقولك لو سمحتى عايز ميه
انما الباشا يقولك قومى هاتى ميه

لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
لكن المحروس .. مافيش قدامك غير يا الاخبار يا الكوره .. يا ميلودى

بابا لو نازل مشوار .. بيعمل ليكى اعتبار ويديكى خبر
لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه ويجري

لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو جالك مكالمه غلط على موبايلك.. بابا ها يقولك حصل خير
لكن جوزك .. ها يتهمك بالخيانه ...

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى

لو اتزحلقتى على الارض ..باباكى ها يجرى يشيلك
جوزك ها يقعد يضحك عليكى ويسخسخ ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقوللك عنك دى تقيله عليكى
لكن جوزك ها يقولك مش ضرورى وجع القلب دااا

لو العربيه عطلت بيكى .. بابا... ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى

لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله
انما جوزك .. ها يقولك انتى اللى ماشيه مش محترمه وعملالي زى الرقاصة

لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

باباكى لو لاحظ انك متخانقه مع اختك .. ها يصالحكوا على بعض
لكن جوزك هيقولك خليهم يولعوا دول عيله عجب

مهما باباكى كان متضايق .. لا يمكن تكلميه وتلاقيه مكشر
لكن جوزك.. لو متضايق .. مصر كلها هتنكد عليكي استحملى بقى
المعترض يقووووووووووووووووووووووو ووول.

المصدر: †† منتدى ارثوذكس †† - من قسم: الضحك والفرفشة

[SAMOOOOO]

ههههههههههههههههههههههههه هههههههههههههههههههههههه
ههههههههههههههههههههههههه ههههههههههههههههههههههههه هههههههه
مش عارف اقولك ايه
بس بجد موت من الضحك يا كلارا

[أميرة عبده]

حلوه اوى اوى اوى بجد بجد ربنا يخليلى بابا

[zaza2006]

باباكى .. كلمه حلوه ترضيه ..
وجوزك .. طول الليل تحايلى فيه


ههههههههههههههههههههه فظيعة بجد

[rmio]

ههههههه
حلو او او
بس بلاش تبصونا نظرة تشاءم
هههههههههههههههههههههههه

[klara]

لالالالالالالالالالا
دى مش بصة تشاؤم ولا حاجة
دى الحقيقة ........احنا مابنكدبش
ههههههههههههههههههههههههه هههههههههههههههه

[miramera]

اول مرة الاقي حد ضد الرجال فى المنتدى ده
بس بجد احسن هما يستاهلوا اصلا
بس بجد ياقمر تسلم ايدك وعاوزين حاجات تانيه كمان

[b o b b a]

ههههههههههههههههههههههههه هههههه
حلو اوي
وانا مش معترض
ههههههههههههههههه
شكرا كلارا

[princess 22]

كلارا على فكرة كول الرجالة زى بعض ان كان باباكى او جوزك الاتنين مورفين فى طلباتهم

[klara]

ههههههههههههههههههههههههه هههههه
يعنى الرجالة كلهم طينة واحدة من الاخر
لا نافع لا اب ولا جوز