مممكن حد يفهمنى انا حسة انى فى حاجة غلط بس مش قدرة افهمها لية كل ميحصل خطوبة عندنا مش بتم او تتاجل او تتفك انا بجد تعبت مش قادرة افهم حسة انى فى حاجة غلط بتحصل معانا هو فرح بيبقى غالى على الانسان وربنا عارف انى محتااااجين للفرح وبتحصل اى شى يعوق هذا الفرح ياترى العيب فينا ولا احنا ملناش حظ زى باقى ناس بجد تعبت

المصدر: †† ارثوذكس †† - من قسم: حوار من الاعماق

[aymonded]

يا محبوبة الله الحلوة ، الموضوع مش موضوع حظ ، ولكن ربما يكون هناك مشاكل أو عدم توافق في أي شيء ، لأن أي مشكلة ممكن تنهي العلاقة بسهولة ، وربنا أكيد هايوفقك ...
وليكن لكِ ثقة في الله الذي يحبنا جداً ، وأوعي تصدقي أن الله ممكن يتخلى عن إنسان نهائياً ؛ وأكيد هايجي الوقت تجدي من يقدرك وتقيموا علاقة صحيحة في نور الله الحلو ، أقبلي مني كل تقدير بمحبة ، النعمة معك

[aymonded]

لنستمع لكلمات الرجاء ونتمسك بها
+ الذي به أيضا قد صار لنا الدخول بالإيمان إلى هذه النعمة التي نحن فيها مقيمون و نفتخر على رجاء مجد الله (رو 5 : 2)
+ و الصبر تزكية و التزكية رجاء (رو 5 : 4)
+ و الرجاء لا يخزي لأن محبة الله قد انسكبت في قلوبنا بالروح القدس المعطى لنا (رو 5 : 5)
+ لأننا بالرجاء خلصنا و لكن الرجاء المنظور ليس رجاء لأن ما ينظره أحد كيف يرجوه ايضا (رو 8 : 24)
+ فرحين في الرجاء صابرين في الضيق مواظبين على الصلاة (رو 12 : 12)
+ و ليملأكم إله الرجاء كل سرور و سلام في الإيمان لتزدادوا في الرجاء بقوة الروح القدس (رو 15 : 13)
+ إن كان لنا في هذه الحياة فقط رجاء في المسيح فإننا أشقى جميع الناس (1كو 15 : 19)
+ الذين أراد الله ان يعرفهم ما هو غنى مجد هذا السر في الأمم الذي هو المسيح فيكم رجاء المجد (كو 1 : 27)
+ و أما المسيح فكابن على بيته و بيته نحن إن تمسكنا بثقة الرجاء و افتخاره ثابتة الى النهاية (عب 3 : 6)
+ لنتمسك باقرار الرجاء راسخا لان الذي وعد هو امين (عب 10 : 23)
+ مبارك الله ابو ربنا يسوع المسيح الذي حسب رحمته الكثيرة ولدنا ثانية لرجاء حي بقيامة يسوع المسيح من الاموات (1بط 1 : 3)
+ لذلك منطقوا احقاء ذهنكم صاحين فالقوا رجاءكم بالتمام على النعمة التي يؤتى بها اليكم عند استعلان يسوع المسيح (1بط 1 : 13)

[miso]

ازاى ربنا مش عايزنا نفرح وهو مش بيستحمل دموعنا
بس ساعات الانسان بيعمل حاجة ربنا مش بيكملها لانه مفيهاش خير ليه
ولربنا خير تانى ممكن يتاخر شوية بس احسن من اللى كان الانسان نفسه عايزه ليه
ومتنسيش
لكل شىء تحت السما وقت

[misho]

المر الذى يا ختاره لنا الله خير من الشهد الذى نختاره لى انفسنا

[Mr.MarCoo]

سلام المسيح للجميع

انا جديد فى المنتدى الجميل وبحب اقول ارائى فى المواضيع دى واسمع اراء الغير لكسب افكار جديدة وفكر جديد اتقبلونى كأخ ليكم

انا ممكن اقول رئى الخاص فى الموضوع دة بس عن تجربة شخصية بشكل مختلف

كتير بمر بأوقات فيها كل شىء ضدى وكل حاجة يبقى فيها مشاكل كتير لدرجة انى بغضب اوى لدرجة لا تحتمل

بس بعد وقت او زمن او فترة الاقى كل شىء بقى احسن من ما كنت عايزة وفى ساعتها افتكر وقت غضبى واعرف انى كنت غلطان

اكيد ربنا بيدبر كل خير للانسان بس الانسان فى اوقات مش بيقدر يفهم حكمة ربنا

اهم شىء ان الانسان يبقى واثق ان ربنا معاة ومهما حصل متهتزش الثقة دى

[انسطاسيا]

كل الاشياء تعمل معا للخير للذين يحبون الله
بلاش تتضايقي كده حكمه ربنا كبيره قوي وهو شايف الاحسن لكل ابن من ابنائه
ياريت تكوني واثقه فيه انه عمره ما هيكون فرحان وانتي مضايقه او حاسه انه في غلط منك او من اي حاجه تاني
ويخليكي تشكي في حاجات مش صح لكن لكل شيء تحت السماء وقت متقلقيش الوقت لما هيجي ربنا بيكمل الموضوع
ربنا معاكي ويحافظ عليكي و يعطيكي سلام داخلي يهديكي للفكر الصحيح
صلي من اجلي

[تونى كويك]

اختى لا تيأسى من رحمة ربنا ده رحمته واسعة
واكيد انه شايف ان الموضوع مش فى صالح اى طرف من الاطراف
لذالك فهو بيسمح بكدا لاكن صقى دائما ان الله بيعمل لصالحنا

[أميرة عبده]

يا حبيبتى اشكرى ربنا دايماً انتى لسه متعرفيش ربنا مدبرلك ايه صقى تمام الصقه انك ليكى خطه ربنا مدبرهالك والاستعجال وخصوصاً فى مواضيع اللارتباط مش لصالحك ابدااااااً وفيه اية مش متذكره الشاهد بتاعها بتقول فى وقته يسرع به ومعناها فى الوقت المناسب ربنا مش هيتأخر عليكى بالعكس هيسرع به ربنا بيحبنا اوى اوى وعمره مبيتأخر على حاجه فيها الخير والفرح لينا صدقينى ودى عن تجربة انتى بس متسمعيش كلام اللى يقولولك حظ وبخت والكلام ده وتتعبى نفسك بيه بالعكس افرحى وتأكدى ان ربنا بيدبر لك كل حاجه فى حياتك ومش سمحلك تدخلى تجاربه هتتعبى فيها باقى عمرك ربنا يفرح قلبك وباذن المسيح نسمع منك اخبار حلوه خالص قريب