[elphilasouf]

من اخطار التيار الكهربى
electric current hazards

1- الحرائق fires
المجرم المظلوم ديما فى الحروق الىبتحصل فى المنشأت والمبانى هو الماس الكهربى
لكن ازاي ممكن يكون الماس الكهربى سبب فى الحرائق؟؟

أ- جزء من التيار الكهربى الى بيمر ف السلك بيتحول لطاقه حراريه والطاقه دي بتسخن السلك
وكل ما التيار او الامبير كان عالى كل ماكانت الحراره المتولده اكبر
وفى اجهزه بتحتاج امبير او تيار عالى شويه زي مثلا السخان او الغساله فى البيت
ومجرد تواجد مواد ممكن تتحرق جمب الموصلات او الاسلاك الساخنه دي بيعرضها للاشتعال

ب- التيار المار فى الاسلاك بيزيد بزياده سمك السلك
يعنى كل ماكان قطر السلك اكبر كانت التيار المار اكبر واعلى

وعند الاماكن الى بيكون فيها السلك ملحوم او متضفر " بغرض تطويله مثلا " مع سلك تانى بيكون السمك فيها كبير
يعنى التيار الى هيمر فى الحته دي هيكون كبير
يعنى هتتولد درجه حراره عليه واحتمال يحصل شرز او او شرار كهربى يعنى اشتعال
ووجود مواد قابله للاشتعال جمبها مكمن ينتج حرايق

جـ - وجود نقطتين او سلكين المسافه بينهم حوالى 2 ملى
ويمر فى السلكين تيار عالى بيعمل برده درجه حراره عاليه


ولو مثلا عندنا مفتاح تشغيل مش كويس
لما نجى نفصل مثلا ممكن يكون الفرق بين نقطتين التوصيل
3 ملى او 3 فهيعمل درجه حراره عاليه



وبتالى ممكن المفتاح الى فى الغالب مصنوع من البلاستيك هيسيح و هيولع برده و بكده ممكن تعمل برده اشتعال


د- كمان وجود شورت او قفله فى التوصيل بيزيد شده التيار فى السلك لدرجه عاليه جدا لدرجه انها بترحق السلك النحاس
وبتالى برده ممكن تحصل حريق


يراعى عند حدوث حريق بسبب التيار الكهربى
1-قطع التيار الرئيسي للكهرباء " المفتاح العمومى "
2- عدم أطفاءه الحرائق بالمياه لان الماء موصل جيد للكهرباء وبتالى
يعنى لو حوت تطفى حريق بسبب ماس كهربى بالمياه يبقى هتتكهرب لامحال
لكن الطريقه الامثل والامان هى الرمل الجاف او عن طريق طفايات الحريق " الى جواها بودره جافه DRY POWDER او ثانى وكسيد كربون CARBON DIOXIDE "

المصدر: †† منتدى ارثوذكس †† - من قسم: قسم المناقشات الثقافيه والعلميه

[aymonded]

انا اتكهربت خلااااااااااااص
ززززززززززززززززز

شكراً يا جميل على الموضوع المكهرب ده ، ولو أن الكلام باللغة العامية الفصحى ، ولكن هانعديها لك برضو هههههههههه
أشكرك يا جميل ومنتظرين الملحق يا غالي

[elphilasouf]

ههههههههههههههههههههه

ززززززززززززز دي يعنى لسا هكمل
انا كنت بعدل فيه لسا ملحقتش اخلصه

وبعدين مالها العاميه مهى زي الفل
واحنا هنعقد الناس ليه
انا لو طولت اسجله صوت كنت عملتها
ههههههههههههههههههههههههه

[aymonded]

هههههههههههههههههههه
صوت وصورة طبيعي
لأ بلاش تهور تتكهرب بعدين

[elphilasouf]

هههههههههههههههههههه
طيب طيب
عشان خاطر حضرتك بس

[kamer14]

ميرسى يافيلو على الموضوع المهم ده وكتير كنا بنسمع ان فى حريقه نتيجه ماس كهربائى ومش فاهمين حاجه ميرسى على توضيحك

[elphilasouf]

ههههههههههههههههههههه
اي خدمه
العلوم نور
وانا لمبه
هع هع هع