[miso]

خلصت الجامعة وجالى عريس
كتبت الكتاب يوم الخميس
شغلنا مزيكا وعلقنا فوانيس
قالى احلى كلام ففترة الخطوبة
بس كنت دايما اقول
يارب الطوبة ما تيجى فالمعطوبة
حددنا معاد فرحنا
كنا خلاص فرشنا شقتنا
بس ياريتنا ما اتجوزنا
دى حصلت عجايب ليلة دخلتنا
يوم الفرح روحت للكوافير
اعمل شعرى وباديكر ومانكير
كلمته قولته انا جهزت
لقيته اتاخر خلانى اتنرفزت
فالاخر جالى متعور
والمفروض راييحين نتصور
ركبت العربية وانا متغاظة
ببص لقيت تحت الكرسى ازازة
اتاريه بيشرب من ورايا
مع انه مشربش وهو معايا
عديت المووضوع وهديت
بس حلفت لاوريه فالبيت
وصلت الفندق والناس واقفين بيهنونى
وعلى جمالى عمالين يحسدونى
دخلنا القاعة زى الملكة والامير
مع انه كان مليان طعاوير
اصله اتخانق عند ميدان سفير
ابتدينا الحفلة برقصة رومانسية
ضمنى بايديه وبص فعنيا
بس ختمها بانه داس على رجليا
غنى فالحفلة شعبان عبد الرحيم
جت وراه مـــــــى سليــــــــــم
المعازيم جاعت وفتحنا البوفيه
بصراحة قامو بالواجب ومخلوش فيه
قالولى يالا ارمى الورد
المضحك جه فوش ابو العريس الحج سعد
الناس اكلت وابتدت تنام
بالزمة برضو ده اسمه كلام
قولتلهم دخلو سعد الصغير اوام
فجاة لقيت كل واحد من مكانه قام
غنى العنب والبرتقال واوعى حد يزعل امى
المصيبة ان العريس ابتدى ينام جنبى
وخلص الفرح خلاص وباركولنا
وبالسعادة والهنا اتمنولنا
استنونى بعد خمس سنين
هحكلو مغامرات الحياة بعدين


"استنو شوفو ايه حصل بعد شهر العسل"
"بقلم ميسووووو"

المصدر: †† منتدى ارثوذكس †† - من قسم: القسم الادبي

[الناى الحزين]

ههههههههههههه

يخرب عقلك

دى جوازه ولا جنازه


ههههههههههههه

بجد تحفه ومنتظرين الجزء التانى من حكايه الملكه والامير

ههههههههههه

[tony_algamid]

من الطبيعى إن العريس يشرب
فى ليلة الدخلة

لكن السؤال اللى بيحشر نفسه

هل العريس بيشرب مياه معدنية
(حياه - بركة - داسانى) ؟؟؟







































إلــــــــــــغــــــــــ ــــاء

[miso]

المشاركة الأصلية كتبت بواسطة الناى الحزين ههههههههههههه يخرب عقلك دى جوازه ولا جنازه ههههههههههههه بجد تحفه ومنتظرين الجزء التانى من حكايه الملكه والامير ههههههههههه

هههههههههههههه للاسف جواز
هههههههههههههههههه بس بعد الجواز ابعيد عنك ربنا ما يوريك هههههههههه هتشوف ايه اللى حصل

[miso]

المشاركة الأصلية كتبت بواسطة tony_algamid من الطبيعى إن العريس يشرب فى ليلة الدخلة لكن السؤال اللى بيحشر نفسه هل العريس بيشرب مياه معدنية (حياه - بركة - داسانى) ؟؟؟ إلــــــــــــغــــــــــ ــــاء

بيبسى يابنى ايه الانواع دى
بيشرب بيسى
ميرسى تونى على ردك

[عماد حسنى]

موضوع طبعا جميل اوى
دايما موضعاتك لذيذه يا ميسو
ودمها خفيف جدا
عايزين من الموضوعات دى على اد ما تقدرى
وربنا مع العريس هو ايه اللى خلاه يشرب يعنى اكيد طبعا الليله الالوان اللى مستنيه

[MICKEY]

المصيبة ان العريس ابتدى ينام جنبى

قوليلي مستعجل علي ايه يامنيل علي عينك
ههههههههههههههههههههه

بجد يابت ياميسو اشعارك كلها جامده جدا
وطوزل مانا بقراها ببقي مش عاوزها تخلص من جمالها
المهم منتظرين منك احداث شهر العسل بالتفصيل الممل
يوم يوم
ولو تقدري ساعه ساعه يبقي ياريت

قولي مثلا
وبعد ما سلمت علي صحباتي وتهريت ابواس
وخد عريسي في ايدي وودعت كل الناس
واتمشينا شوية علي كبري عباس
وارغي ارغي لحد مالفاس ماتقع في الراس
نياهاهاهاهاهاههاها

[miso]

المشاركة الأصلية كتبت بواسطة عماد حسنى موضوع طبعا جميل اوى دايما موضعاتك لذيذه يا ميسو ودمها خفيف جدا عايزين من الموضوعات دى على اد ما تقدرى وربنا مع العريس هو ايه اللى خلاه يشرب يعنى اكيد طبعا الليله الالوان اللى مستنيه

ههههههههههههههههههههههههه ههههههه ماشى يا عماد
ميرسى على ردك السكر ده

[miso]

المشاركة الأصلية كتبت بواسطة mickey قوليلي مستعجل علي ايه يامنيل علي عينك ههههههههههههههههههههه بجد يابت ياميسو اشعارك كلها جامده جدا وطوزل مانا بقراها ببقي مش عاوزها تخلص من جمالها المهم منتظرين منك احداث شهر العسل بالتفصيل الممل يوم يوم ولو تقدري ساعه ساعه يبقي ياريت قولي مثلا وبعد ما سلمت علي صحباتي وتهريت ابواس وخد عريسي في ايدي وودعت كل الناس واتمشينا شوية علي كبري عباس وارغي ارغي لحد مالفاس ماتقع في الراس نياهاهاهاهاهاههاها

هههههههههههههههههه لا لو تفاصيل اكتب انت
ميرسى على الرد الجميل ده سعيدة ان مواضيعى بتعجبك
على فكرة حلو الجزء ده كمله على كدة انا اللى كتباه غير كدة خالص
ههههههههههههههههههههههه انا هكبت بعد شهر العسل يا فقر

[جاسيكا]

هههههههههههههه
جميلة يا ميسوووووووووو