[اللة يرعانى]

....لماذا تخرج البنت مع الولد وتمحو سمعتها.........

كثير ما نسمع عن الحوادث التى تحدث بين الشباب والبنات...تصور فيديووفضائح لا لها اول من اخر
تفككت اسر باكملها بسبب تهور بناتهم كل هذة الحوادث لم تكون عبرة للبنات
ولم تتوقف عن الخروج مع الشباب واى شاب يتعرف على بنت ولو بالخطا على المحمول ومن بعدها يسمعها كلام منسق ويقول لها صوتك حلو ويسحرها ويجذبها بسحر كلمات الغزلوانتى وانتى حتى تخضع البنت للشاب
ولا يمر اسبوع الا وهى معة وياخذها الى حيث لا يراها احد....

وبعد خروجها معة ترجع وهى تجر جيبتها
ودموعها على خدها وتدعو اللة ان تموت
وهذة المشاهد نسمع عنها كل يوم تقريبا

ماذا تريد البنت من الشاب عند خروجها معة...
لماذا لا تتعظ من القصص التى تسمعها من غيرها
لماذا تنخدع من كلام الشباب
وهى تعرف جيدا ماذا تريد منو
نعلم ان سوء التربيةهى الاصل بكل ما يحدث وانشغال الاب والام عن اولادهم

لماذا كل هذا ولماذا تهيئى نفسك وانتى على يقين بما سيحدث ومن ملاك تتحولين الى ممسحة بل اسواء من ذالك..

المصدر: †† منتدى ارثوذكس †† - من قسم: الموضوعات الشبابية

[Team Work®]

موضوع حلو وشيق جدا جدا اشكرك جدا علية

[zaza2006]

ربنا يرحمنا ويحمينا ميرسى ليكى ربنا يعوضك

[شمعة]

ياة موضوع صعب اوى

بس اظن مش شرط نوع التربية عارفة فى ناس كويسة جدا ومحترمة جدا
والبنت اية امام اهلها ملاك ومن هنا تفتقد البنت سوال من اهلها (اين كنتى .لماذا هذا التاخير . قلقاتنى عليكى )
فتكون مشتاقة انة تشوف دة
فجاءة اتعرفت على شاب لم يسالة دة غيرة
فتحبة ربما لحد عدم التميز بين الذى يليق والذى لا يليق
وتخرج معاة مش اجل قلبة الذى ينبض بحبة
وهو لها غرض وحيدا هو تكسير قلبة وتكون جارية لة
ومن هنا بتخسر كل شى اولهم نفسة
بجد بجد لا فائدة من كل هذا
اعلم ان البنات بتعيش على حلم انة تتحب وتحب
لكن صدقينى مش هو دة الحب
دة غباء قلب
ربنا يفك عننا رباط الشرير
ويرحم بناتة ويقيم من فى الموت
ربنا يعوضك

[الناى الحزين]

شوفى يا مريم

انا رائيى ان ده اولا تقصير من الاهل
وخصوصا الام
لان لازم الاهل يعرفوا بنتهم رايحه فين ورايحه مع مين

الوقت اللى احنا فيه ده وقت صعب جدا
ممكن تتخيلى فيه اى حاجه تحصل فى ثانيه وبعد كدا نرجع نندم عليها بمعنى

ان ممكن البنت تصدق كلام شاب وميمنعش برضوا انه يكون مسيحى
تسمع كلامه ويعجبها اسلوبه وشويه بعد شويه تحبه
وصدقينى ساعات بيحصل وبيقعوا فى الغلط
والاهل بيبقى نايمين فى العسل نوم
البنت بتقول البنات كلها بتعمل كدا وانا مش حرام انى احب واعيش حياتى
وده نتيجه من عدم ارشاد الاهل للبنت وبرضوا ممكن نقول تقصير من الكنيسه اللى بقى دلوقتى بقينا نقول ان كان فيه زمان ياعينى على زمان حاجه اسمها افتقاد بيها نرجع كل الخراف الضاله لبيت ربنا من جديد
ربنا يحمينا اسف على الاطاله
وشكرا على الموضوع اللى اكيد هنسمع فيه اراء تانيه كتير
ربنا يعوضك يا ماريوم

[kottah_sh]

بجد بقت حاجه تخلى الواحد يمشى يكلم
نفسه من كتر اللى بنسمعه من الحكايات دى
بصراحه انا شايفه ان البنت بتكون مفتقده
الحب والحنان والاهتمام فى البيت
وتقعد تدور تلاقيهم فين ومع مين لحد متلاقى
الشخص اللى بتطلق عليه فارس احلامها وتعتقد انها
خلاص لقيت اللى هيعوضها عن الحاجات اللى محرومه
منها فى البيت وهوه مابيصدق يستغل نقطه ضعفها
لحد ماتقع الفاس فى الراس وتقول ياريت
اللى جرى ماكان
ربنا يرحمنا ويسترها على ولاده ويحافظ عليهم

[اللة يرعانى]

مبسوطة جدا بكلامكو كلامك فعلا جميل يا ناى احنا فى زمن صعب جدا
مرسى ليكو وعلى ارائكو ربنا يعوضكو

[روفــــا]

هى بجد موضوع مهم علشان البنت بيتعمل اللى هى عايزاه بسبب انشغال الاهل او دلع زيادة عن اللزوم وبعدين البنت تتعلق بالناس الللى برة تبحث بينهم على اللى هى عايزاه من اهلها وموش لقياه فبالتالى بتلاقيه فى الشاب اللى يقبلها وهى تعجب بيه وبعد كدة الشاب ينتهز الفرصة وكدة وبعد كدة البنت تندم على معرفته وكانت عايزة حاجة لو قالت عليها لاهلها هتلقيها بس برضة طلعت برة علشان تدور عليه واديها طلعت وندمت وبعد كدة تروح تطلب اللى هى عايزاه من اهلها بعد فوات الاوان على فكة انا قصدى اللى هى عايزاه دة يعنى الحنان والحب والاطمئنان والخوف عليها موش قصدى اى حاجة غير كدة او يمثل بكدة يعنى
والمفروض الاهل فى الوقت اللى احنا فيه دة يخافوا على بنتها اوى محدش يطمن حد برضة مهما كانت الاسباب
اسف على الاطالة واسف لو ردة معجبش حد او ضايق حد
اذكرينى فى صلواتك يا حبيبة المسيح

[اللة يرعانى]

مرسى على كلامك يا روفا بجد عندك حق فى كلامك ربنا ينور حياتك