[nana222]

في يوم العيد وقفت اصلى في الكنيسة
كنت بطلب من ربنا البركة
ولحظة جة سؤال في بالى واتخديت قوى
هو لو المسيح مكنش جة و فدانا على الصليب كان اية وضعنا؟
كانت حياتنا شكلها اية؟
اية الوسيلة اللى كنا هانغلب بيها الشيطان
الارض كانت شكلها ازاى؟
لو مجاش يسوع كنا هانبقى ازاى؟
الصفات الجميلة اللى فينا دية كانت هاتبقى شكلها اية؟
محبة الاخرين و التواضع و الايمان و الرجاء كل دة كان هايبقى ازاى؟

وفى ثوانى عقلى راح في مكان تانى
طب هو جة و عمل كل دة و ادانا علامة النصرة احنا بقة عملنا اية؟؟!!!
اية مظاهر فرحتنا و سعادتنا؟
ازاى بنقدم الشكر للمسيح؟
الاجابة كانت مفزعة قوى
سينمات و ملاهى وخمور و ملابس غير محتشمة و سفريات و صوت عالى وشوية سجاير و كام تذكرة مخدرات مع جو بنات ولية لا دة العيد يا ناس
هى السنة فيها كام عيد؟
تخطيط و تظبيط هانعمل اية في اليوم دة قبلها بكام اسبوع
فلان يجى وفلان ميجيش
روح الامم ترف علينا
لكن روح ربنا لا موش وقتة ربنا النهاردة بقة
نشكر ربنا ! ماحنا حضرنا القداس وبطقم العيد الجديد المكشوف
بجد حاجة تكسف قوى قدام ربنا اللى بيتعمل دة
نسينا كل حاجة وافتكرنا انواع الاكل و الشرب و الفسح و اللبس

عايز اعرف رايكم اية لو سمحتوا
لو حد عندة اقتراح او عايز يوضوح نقطة دية فرصة انك تشارك
ربنا يبارك ايامكم ويملاها سعادة

المصدر: †† ارثوذكس †† - من قسم: التأملات الروحية والخواطر الفكرية

[adel baket]

حقيقى موضوع اكثر من رائع نانا
الرب يبارك تعب محبتك

[minabobos]

محبة الاخرين و التواضع و الايمان و الرجاء كل دة كان هايبقى ازاى؟

بجد موضوع جميل اوى ومهمه
اشكرك خالص عليك
وده بقت عاده فينا كل الحاجات الاهتمام بالارضيات
نطلب من ربنا ان يعطينا روحه النصرة الدام

[rozy lover]

نسينا كل حاجة وافتكرنا انواع الاكل و الشرب و الفسح و اللبس فعلاً هو دا اللى ماشى اليومين دول بنهتم باللى احنا عايزينه وبس ميرسى على الموضوع الرب يبارك حياتك

[mora]

احنا لازم نشكر ربنا فى كل وقت على محبته الكبيره لينا
ولازم الشكر ده يكون بطريقه عمليه شويه يعنى لازم نفكر ازاى نحاول نرضى ربنا و كمان لازم نعمل علاقه معاه و نتكلم معاه كل يوم زى ما بنحب نتكلم مع اصحابنا لازم كمان ندى ربنا حاجه من وقتنا و لو حتى عشور الوقت اللى كل يوم بنضيعه على الفاضى
بجد الموضوع جميل جدا يا نانا ربنا يعوض تعبك

[كيرو رافت]

نانا بجد هاتصدقينى لو قلت لك ان الموضوع ده من اجمل الموضوعات اللى قريتها بجد تفكيرك عالى جدا وموضوعاتك تحفة روعة اختارتى واتكلمتى عن الصراع اللى بيدور جوانا وخصوصا جوايا انا تحديدا ربنا عمل كل دا انا قدمت ايه عملت ليه ايه
اهتميت بكل ما هو للعالم ونسيت خالق العالم
بجد انتى رائعة يا نانا ربنا يبارك حياتك
انا بحب ادخل كل مواضيعك حتى وان ما رديتش الا انى بجد معجب بكل مواضيعك

[nana222]

شكرا عادل لمرورك الجميل

[nana222]

شكرا مينا لمرورك الجميل

[nana222]

شكرا روزى لمرورك الجميل

[nana222]

شكرا كيرو لمرورك الجميل