[gogo_micho]

عندي المرة دي خبر حلو :
هو ان المشكلة اتحلت وبعتلي مدير الموقع برسالة ودي نصها :
(((( طبعا انا زعلان منك جدا ودة ان كان يدل فعلا انك بتهتم بالمنتدى وبتخاف علية لازم تعرف حضرتك ان المنتدى دة تعرض للاختراق من قبل المواقع الاسلامية كثيرا ونحن ببركة اصحاب المنتدى تغلبنا على هذة المشكلة وفعلا واجهنى مشاكل كثيرة وتغلبنا عليها اما بخصوص المكتوب فهذا ممكن تعديلة اما نحن حاليا مشغولين بصد الهجمات على المنتدى من قبل الجمعات الاسلامية وزم تعرف ان حضرتك فى وقت ما انت بتهتم بكتابة شكرا على الموضوع نحن نصد عنك هجومات لنحمى اسماء قديسينا الذى المنتدى باسمهم فتعليقك ليكن بالبناء وليس بالهدم لانك قرات شئ لا يلق فى حاجة حضرتك اسمها الرسائل الخاصة ممكن مراسلتى او مراسلت مديرة (ملحوظة مهمة جدا لم يتم مراسلتى على الرسائل الخاصة من قبل الموضوع دة) ولازم تعرف ان المحبة لا تظن اسوء
لازم حضرتك تعرف ان المنتدى دة بمجهود ذاتى يعنى ولا هو تابع الى كنيسة ولا لى مكان نحن رفعنا المنتدى دة لنمجد اسم ربنا من خلالة وتكريما للشهيد العظيم ابو سيفين وامنا الغالية تماف ايرينى ولو كنت حضرتك بتعرف تصمم استايل ياريت تقول لينا
تم حل المشكلة )))
وفعلاً يا أخوتي انا ضيفت موضوع جديد ما لقيتش القوانين دي وفرحت جداً إن ربنا موجود معانا في حربنا ضد عدو الخير وانا من هنا بقول أي حد يعرف يصمم استايل او له في البرمجة يشترك في المنتدي ده عشان يستفيدو منه ومن خبراته وده اسم المنتدي ( منتدي أبو سيفين وتماف ايريني )
www.abocefen-tamf.com
وشكراً ليكم ولمشارتكم في الموضوع عشان انا بجد كنت محتاج أراءكم ليا وصواتكم كمان اللي حركت مشاعري جداً بس بجد ياريت علي طول نكون ايد واحدة ضد اي حد ونقف كلنا مع بعض في الشدة والفرح هي دي القوة روح الجماعة والتعاون والمحبة المتبادلة
أخوكم
جورج

المصدر: †† منتدى ارثوذكس †† - من قسم: المنتدى العام

[aymonded]

سلام لنفسك يا محبوب يسوع
كان لنا موقع زمااان واتهكر عليه واتكتب في أوله آيات قرآنية على أنه أتهكر عليه من مسلمين ؛ ولكن اكتشفنا صدفة أن من هكر عليه ولد مسيحي عنده حوالي 19 سنة ومسيحي وهو من اعترف بهذا وارانا كيف هكر على المنتدى ...
وأوهمنا – في البداية - أن التهكير من واحد مسلم أساساً وكان واخد الموضوع مجرد مزحه

ربنا يرحمنا من طياشة المراهقة ؛ وعلى فكرة معظم اللي بيهكروا ما هما إلا مجموعة من المراهقين ؛ لأن معظم الأعمار تتراوح من 17 إلى 21 سنة

ويا محبوب يسوع : إيه المشكلة لو اتهكر على منتدى ، الأهم إننا نحيا حياة التقوى ولا ننفعل ونحيا بأعصابنا ، بل لنا أن نصلي من أجل إخوتنا ومن لا يعي المحبة ؛ ولا ننسى الرب يسوع نفسه غفر لصالبيه ؛ وأيضاً القديس استفانوس أول الشمامسة وأول الشهداء غفر لراجمية ، أفلا نغفر نحن أيضاً لكل من أساء إلينا !!! بل ونصلي ونصوم من أجلهم !!!

النعمة معك

[جرجس رمزي]

شكرا ليك على الخبر الحلو ده
بجد انا فرحت جدا جدا
وده بيأكد ان ربنا معانا في كل وقت
وفي اي مشكله بيمد ايده ويحل
شكرا ليك
وانا هاشترك في المنتدى
صلي من اجلي

[جرجس رمزي]

يااااااااااااا جورج
ياريت تعدل لينك المنتدى لأنه تقريبا في مشكله
انا حولت ادخل منه مش عارف

[gogo_micho]

شكراُ ليكم وعلي اهتمامكم بالموضوع وده يعلمنا ان لما يكون في مشكلة لازم نتحد ونصلي
وبالنسبة للموقع مكن تدخلو من البحث في جوجل علي ( منتدي ابو سيفين وتماف ايريني )
وربنا معاكو

[rinar]

انا مكنتش عارفه المشكله ايه لانى اشتركت بيه واتبعتلى على الايميل
عشان افعل العضويه وكان مكتوب فى اولها السلام عليكم ورحمه .............
انا استغربت جدا سعتها
لكن دلوقتى فهمت ربنا يستر علينا وعلى كل المنتديات المسيحيه
وينجينا من عدو الخير ويبعد عننا
ربنا يباركم