ده ميعاد اللقاء السادس لبرنامج الوجه الاخر
حلقة النهاردة مع عضو شاعر وموهوب
الاعضاء القدام اكيد عارفينه
هو بجد شخصية جميلة هنتعرف عليها اكتر من خلال لقائنا
العضو
اسامة ثروت
اهلا وسهلا بيك يا اسامة نورت البرنامج ونحب نتعرف عليك اكتر
الوجه الاخر: الاسم؟
اسامة:اسامة ثروت صداك امين
الوجه الاخر: السن؟
اسامة:24 سنة وشهر
الوجه الاخر: ايه هو مؤهلك؟
اسامة:دبلوم فنى تجارى شعبة عامة
الوجه الاخر: وياترى ايه هى هوايتك؟
اسامة:الكتابة سوء خواطر او قصص او مسرح والتمثيل والقراءة
الوجه الاخر: ومين هو مثلك الاعلي؟
اسامة:عمى رومانى ومستر ايمن
الوجه الاخر: ايه هى صفات شخصية اسامة؟
اسامة:انسان عادى جدا
الوجه الاخر: وايه هى صفات شريكة حياتك؟
اسامة:تكون بنت المسيح تكون ذكية طيبة وحنينة تكون جميلة بالروحها قبل المظهر
الوجه الاخر: ايه هو الحلم اللى كان نفسك تحققه وفشلت؟
اسامة:اكون رئيس اول دولة قبطية مسيحية بمصر
الوجه الاخر: ههههههههههه يالهوى هندخل فالسياسة وشكلى هروح فداهية قبل ما اتشهر دا انا لسه مذيعة مبتدئة عامة انا معرفكش ههههههه
طيب اسامة انت شايف انت ليك اكتر من وجه؟
اسامة:اكيد مفيش انسان ديما طيب او شرير اوملوش اكتر من طريقة فى معاملة الناس
الوجه الاخر: وياترى ايه صفات الوجه الاخر؟
اسامة:حسب الى بتعامل معاة يعنى بحاول استخدمة الحكمة
الوجه الاخر: وايه الكلمة اللى نفسك تحذفها من قاموس حياتك؟
اسامة:الظروف والقدر
الوجه الاخر: لو طلبنا منك امنية تقولنا ايه؟
اسامة:المنتدا ترجعلة المحبة الى كانت بتميزة زمان
الوجه الاخر: ياريت يا اسامة وهو احنا بنحاول
لو رجع الزمن بيك لورا نفسك تعمل ايه معلمتهوش زمان؟
اسامة:امحى فترة سرقة من عمرى كتير وسط الاحزان
الوجه الاخر: لو حبيت توعد ربنا بوعد توعده بايه؟
اسامة:انى هحاول اكون مستحق لى ابوتة واسمة الى منحهولى واطلب منة يسعدنى فى دة لانى ضعيف
الوجه الاخر: ايه هو حلم حياة اسامة ؟
اسامة:اعيش فى عالم بتملاة المحبة بدون اغراض او مصالح
الوجه الاخر: دول شوية كلمات تحب تقولها ل مين ؟
بحبك
اسف
خسارة فيك حبى
كداب
اتمنى اعيش معاك
اسامة:
بحبك: لالهى مصدر الحب الحقيقى
اسف: لكل واحد غلطت فى حقة سوء بقصد او من غير
خسارة فيك حبي: حب الحياة
كداب:العالم بعيدا عن اللة عالم كداب
اتمنى اعيش معاك:ل انسانة مش عارف بجد احساسى بيها اية واعزورنى من ذكر اسمى
الوجه الاخر: اسامة لو كنت مكان وزير العدل كنت هتعمل ايه؟
اسامة:كنت هغير الدستور ومواد القانون الى الشريعة القبطبية شريعة الرحمة والحب
الوجه الاخر: ايه معنى الحب من وجهه نظرك؟
اسامة:الحب مع الرغم من صغر اسمة الا ان معنها حار فية كل الفلاسفة منذ البداء ولم يعرفو ان يصفوة الحب الحقيقى تجلى بكل معانية فوق الصليب
الوجه الاخر: هل حبيت قبل كده؟
اسامة:اكيد ومكنش فى نصيب
الوجه الاخر: هل انت حاليا فى حالة حب؟
اسامة:حاليا انا جوايا حاجة غريبة احساس باحتياج لشخص معين الرحة فى الحديث معاة شوق لية رضاء بوجودة ولو دقايق سعدة فى اى تعامل معة بس مش عارف اية احساسى بالظبط او خايف انى اجرحة بحبى دة او يكون سبب الم لية فدة محيرنى
الوجه الاخر: ليه اسامة فى وقت من الاوقات سمى نفسه وليد الاحزان؟
اسامة:كان وقت صعب وكانت شايفة الدنيا من وراء نظارة سوداء وبظرة ياس والم وتذمر
الوجه الاخر:ايه اكتر موقف مضحك حصلك؟
اسامة:صديق ليا مفهم بنت معجب بيها انة بيكتب شعر وكان بيطلب منى اكتبلة حاجات وبيقدمهلها على انة الى بيكتها ويوم كانت مضايق وطلب منى اكتبلة قصيدة فكتب قصيدة مستفزة اسمها لا تطلبين منى قصيدة ونزلتها هنا فى المنتدا ولما قدمهالها وقرتها بكلماتها الاستفزازية دى هزقتة وضربة لما جالى وهو زعلان كان شكلة مضحك اوى
الوجه الاخر: ههههههههههه يعنى ضيعت الواد حرام هيردهالك اكيد الكدب اخرته وحشة هههههههه
طيب تدى الاقاب دى لمين من اعضاء ارثوذكس
صبور؟
طيب؟
نشيط؟
حنين؟
اسامة
صبور: بيتر كميل
طيب: مانو
نشيط: عمو كامل ونرمو وانتى وكيرو وميكى
حنين: مستر ايمن بلا منازع
الوجه الاخر:هل اسامة دمعته قريبة؟
اسامة:لا بالعكس
الوجه الاخر:وايه الشىء اللى ممكن يبكيك بجد؟
اسامة:دموع طفل صغير لانها بتكون صدقة
الوجه الاخر: لو قلنالك نفسك فى ايه دلوقتى تقول ايه؟
اسامة:محدش يزعل منى ابدا والناس تفتكرنى بالخير
الوجه الاخر:اسامة شاعر جميل وكلنا عارفين كده
ايه اكتر قصيدة كتبتها بس حستها قريبة من شخصيتك؟
اسامة:اصرخ ياقلبى وقول
وهى قصيدة دينية
الوجه الاخر:هل كل كتاباتك من وحى الخيال ولا تجربة شخصية؟
اسامة:الاتنين وكمان من تجارب او مواقف بشوفها حوليا
الوجه الاخر: لو طلبنا منك تقولنا جزء من شعر تقول ايه وتهديه لمين؟
اسامة:ممكن اقول
اشكرك ياملاكى من قلبك يهوكى
انك قد اعادنى الى بيتى ومكانى
كم كانت اشتاق للرجوع
وينزف قلبى اهات ودموع
ولكن لم املك شجاعة الفرسان
وتمنيت برجوع الزمان
لادخل ثانيا الى عالمى الجميل
الى ارثوذكس بيتى الذى بحبة القلب اسير
اهديها لمين دى بقا الحدق يفهم
الوجه الاخر: مين اقرب حد لقلب اسامة فالفترة الحالية؟
اسامة:من المنتدي
انتى ومستر ايمن وبيتر وعماد حسنى وعمو كامل ديما بنسال على بعض
الوجه الاخر: ايه الحاجة الحلوة اللى استفدتيها من ارثوذكس؟
اسامة:المحبة
الوجه الاخر: اايه الكلمة اللى تحبى تقوليها ل اعضاء منتدى ارثوذكس؟؟
اسامة:بجد بجد وحشتووووووونى
الوجه الاخر: لو حبيت تقول كلمة لبرنامجنا تقول ايه؟
اسامة:اقولك انى بشكرك وبشكر البرنامج انة كان سبب ارجع تانى لاحلي اخوات فى الدنيا
وليكى انتى فبقولك كانت سعيد جدا وانا فى برنامج بتقدمة اجمل واروع مذيعة فى الدنيا واخيرا تحياتى
الوجه الاخر :ميرسى اوى يا اسامة وحقيقى كانت حلقة جميلة بس بلاش تتكلم فالسياسة تانى يحسن تروح ورا الشمس ههههههه ربنا يوفقك فيحاتك ويبعد عنك اى حزن وتكون وليد الافراح مش الاحزان
ولو اى عضو حابب يوجه سؤال ل اسامة يتفضل وهو هيجاوب عليكم
الحلقة دى قربنا شوية من شخصية اسامة انتظرونا الحلقة
القادمة مع عضو جديد نعرف عنه اكتر واكتر
اتمنى تكون الحلقة عجبتكم
لو اى عضو حابب يكون ضيف معانا فالبرنامج يبعتلنا رسالة
مع تحيات