[مايكل عبد الشهيد]

النهارده حصل حاجه غريبه

المعلم (ميكى ابو عرف ) اكبر تاجر فراخ فى الحاره اتسرق يارجاله........

كان مروح بأيراد المحل بتاع الاسبوع وهو داخل على السلم حد ضربه على دماغه ولما فاق اكتشف ان الايراد بتاع المحل مش فى جيبه

طيران اتصل بالمفتش كرومبو وقاله الحقنى ايراد المحل اتسرق منى..... 1500 جنيه اتسرقو .... ضربونى على دماغى تعلالى يا كرومبو مش عايزنى اطلع من المستشفى وبيقولى جالى ارتجاج فى المخ......

على ما وصل المفتش كرومبو هو والمساعد بتاعه العضو (zezomero) الشهير بسحس بوند اللا ولقى المعلم (ميكى) ماسك فى واحد وبيقوله انت اللى سرقت الايراد

ولما هدى المفتش كرومبو المعلم (ميكى) سأل الناس اللى جانب العماره قالوله ان ماحدش دخل ورا المعلم لما دخل البيت وهنا اتاكد ان اللى سرق الايراد مش هايخرج عن التلاته اللى ساكنين مع المعلم( ميكى) فى البيت وهما......

1_ العضو( minabobos) الحلاق اللى عنده محل تحت البيت

2_العضو( bolalover) الجزار

3_ العضو( كيرو رأفت) صاحب مطعم كشرى (خد طبق وسيبها على الله)

ولما سالهم التلاته .....

(minabobos)

_ لا ولله انا كان تحت ايدى زبون ساعتها حتى انا لما سمعت الدوشه جريت اشوف فيه ايه ولسه ماخلصتوش تعالى اسأله.... باقولك ايه ماتيجى اخدلك دقنك وشين تنعيم

2_( bolalover)

_ ياعم انت شوفته وهو بيقولى انى انا اللى سرقته اسرق مين بس هو لاقى ياكل وبعدين بزمتك فى جزار محتاج انه يسرق معلش هاسيبه لربنا ....... ماتيجى تاخدلك اتنين كيلو بتلو

3_ ( كيرو رأفت)

......لا حول الله لاحول الله.. بقى المعلم ميكى يضرب ويتسرق ويجيله ارتجاج فى المخ وانا معرفش ياحول الله ... انت بتتكلم بجد جاله ارتجاج فى المخ( جاله منين المخ ده) ياحول الله ثم ايه اللى يخليه يمشى بمبلغ 1500 جنيه بحالهم مش كان سابهم فى البيت ....ماتيجى ياسحس تاكلك طبق كشرى

(سحس )..لا شكرا انا لسه واكل سندوتش ملوخيه اول امبارح

لما سأل المفتش كرومبو المساعد بتاعه (zezomero) الشهير بسحس بوند على اللى سرق ؟

قاله ..

طبعا عرفت اللى سرق هو ( ابراهيم هيمه مؤسس المنتدى ) .... صح طبعا دانا بوووند سحس بوند......

سحس معرفش مين اللى سرق بس انا عرفت....

وانتو كمان لو عرفتو اتصلو بيا على رقم (زيرو اربع اصفار صفرين)....

وادى دقنى لو حد فيكو
كسب حاجه ههههههههه

المصدر: †† ارثوذكس †† - من قسم: البرامج والخروجات الخاصة بالاعضاء