[MICKEY]

اهلا ومرحبا بيكم في ثاني حلقات برنامجكم من انا



انتظروا كل هؤلاء النجوم وأكثر




اولا احب اقولكم كل سنة وانتم طيبين
والسنة الجديده تبقي جديده عليكم في كل حاجه
جديده في المحبة وجديده في التفائل وجديده في الصداقة

يعني كل حاجه تبقي جديده لان دايما الحاجه الجديده بتكون افضل من القديمة

في برنامجكم
who i'm





برنامج من انا هو برنامج شخصي يخص الشخص وكل مايتعلق به



نود انا نعرف وندخل بداخل قلوب الجميع

فنتجه الي غواصة من انا اللي تدخل الي شريان ارثوزكس ومنها الي قلوب الاعضاء



ضيف حلقتنا اليوم في حلقة من انا

هو شخصية جميله جدا جدا كلنا حبناها
شخصية ليست مختفيه من امام القلوب لأنها حقا بداخل القلوب


من انا هو الكشاف الذي سنري به بطاقة العضو كاملة





ضيف حصل مرتين علي التوالي علي لقب افضل اعضاء ارثوزكس

اكيد كلكم عرفتووووه

ضيق حلقتنا هو




كيرو رافت



برنامجنا يستضيف المختفيين قبل المشاهير
ولكن ضيف حلقتنا هو رافت بمناسبة فوزة بلقب افضل عضو لعام 2008 في منتدي ارثوزكس



اهلا بيك يارافت معانا في حلقتنا وكل سنة وانت طيب

ونبدا الحلقة

ميكي : اسمك ايه
كيرو رأفت :رافت شكر زخارى
ميكي : مواليد كام
كيرو رأفت :16/8/1973
ميكي : رافت شكري انا جيت عندكم البيت يوم العيد وكانت كل الاسرة ملمومة
ميكي : ممكن تعرفني عليهم
كيرو رأفت :اهااااااااااااااااا
كيرو رأفت :هاتلاقى طبعا والدتى قاعده على السفره وجنب منها اخواتى
كيرو رأفت :اخويا اكبير اسحق واللى بعده حنا وكمان ابراهيم واخويا اللى اكبر منى بسنتين رفعت واختى الوحيده ام ريمون واسمها امل
كيرو رأفت :طبعا وزوجاتهم ولاولادهم
كيرو رأفت :كلهم متجوزين علشان ماحدش يعشم فى حاجه

ميكي : رافت شكري
ميكي : والدك شغال ايه
كيرو رأفت :رافت شكر بس من غير الياء دى
كيرو رأفت :والدى الله يرحمه بقا كان شغال موظف فى الوحده الصحيه فى بلدنا فى المنيا
ميكي : لماذا تم كتابة الوالد شكر وليس شكري
كيرو رأفت :انت عارف بقا موظفين الوحده الصحيه زماااااان هما كويس اصلا انهم كتبوا كل الحروف دى ونسيوا حرف واحد بس
ميكي : كنت متفوق زمان وانت في المدرسة ؟
كيرو رأفت :زمااااااااااان وانا فى ابتدائى اه وكمان لغايه النصف الاول من تالته اعدادى كنت من اوائل الطلبه لكن تم نقلنا الى مدرسه اخرى وهنا بدأت اولى مراحل الفشل الدراسى
ميكي : شربت سجاير قبل كده
كيرو رأفت :زمااااااااااان وانا طفل صغير حبيت اشوف ايه اللى بيجذب الناس للسيجارة كنت فاكر ان ليها طعم كويس بجد
كيرو رأفت :لكن بعد كدا عمرى ما شربتها لانى موش بحب ريحتها
ميكي : بعد الاعدادية دخلت ثانوية ام صنايع
كيرو رأفت :قسم تشغيل على الماكينات ( خراطه ) فنى صناعى
ميكي : بعد انهائك للمرحلة الدراسية
ميكي : هل دخلت الجيش وسلاح ايه لو دخلت
كيرو رأفت :دخلت الجيش سنتين وشهرين بالظبط وكنت سلاح الكعب العالى قوات جويه
ميكي : امتي اول مرة خرجت فيها من المنيا
ميكي : لوحدك
ميكي : بمفردك
ميكي : بشنطة هدومك
كيرو رأفت :كانت بعد الدراسه مباشرة روحت مرسى مطروح للعمل وليس للفسحه فى منطقه اسمها واحه سيوة بس بجد عايز اقولك انى قضيت اجمل ايام حياتى على الاطلاق فيها لانها اجمل مكان فى العالم بجد
ميكي : اشتغلت ايه هناك
كيرو رأفت :واحه سيوة بتشتهر بحاجتين مفيش غيرهم الزراعه ( بلح وزيتون ) والسياحه
كيرو رأفت :انا اشتغلت فترة فى عمل وتعبئه البلح والزيتون
ميكي : كم مدة العمل هناك
كيرو رأفت :السيزون عندهم من شهر 8 الى اول شهر واحد
ميكي : اشتغلت كم سيزون
كيرو رأفت :سنتين وراء بعض 1991 و 1992
ميكي : وبين الفترات دي كنت بتعمل ايه
كيرو رأفت :اشتغلت فترة فى المنيا فى مصنه للحلاوة الطحنيه والطحينه
ميكي : وليه سبته ورجعت تاني مطروح
كيرو رأفت :كان مرهق جدا جدا جدا والمرتب كان ضعيف لاقصى مدى ممكن تتخيله
ميكي : وبعد انتهاء السيزون التاني
ميكي : ماذا فعلت
كيرو رأفت :دخلت الجيش وبعدها جئت الى قاهرة المعز حاملا معى كل الامال متخطيا حدود الجبال
كيرو رأفت :ههههههههههههههههههههه
كيرو رأفت :على فكرة
كيرو رأفت :اول عمل ليا فى القاهرة كان فى مصنع للملابس الجاهزة فى العباسيه
كيرو رأفت :بس قعدت فيه تلات ايام فقط لا غير وسيبت لهم المرتب كله موش عايزه يتبرعوا بيه لمستشفى 57357

ميكي : لماذا ؟
كيرو رأفت :لانى بعد ثلاث ايام جات لى فرصه العمل بشركه اوراسكوم بادارة المشتريات
ميكي : استمريت بالعمل هناك كم يوم
كيرو رأفت :فى اوراسكوم من سنه 1995 الى عام 2002
ميكي : ماذا كان البوزيشن بتاعك في هذه الشركة العملاقة
كيرو رأفت :مساعد مدير المشتريات بقطاع اوراسكوم للمنشأت السياحيه
ميكي : ولماذا تركتها
كيرو رأفت :انا ما سيبتهاش ولا حاجه بس الشركه فى ايامها الاخيرة مرت بظروف صعبه من خلال اللى بيديروها وبسببهم تم انهاء هذا القطاع تماما وتسريح الاصطاف كله
ميكي : اين مقر هذه الوظيفة
كيرو رأفت :كان فى مركز التجارة العالمى كورنيش النيل
ميكي : واين قضيت فترة غربتك في هذه الاثناء
كيرو رأفت :اشتغلت فترة فى اسوأ شركه سياحه فى مصر اسمها سيتى فيرست صاحبها خال نجيب ساويروس اسمه مجدى حنين برضه فى المشتريات بس كانت شركه زباله ودى كانت اسوأ فترة فى حياتى فى الشغل
ميكي : وكل الفترات دي كنت قاعدها فين
كيرو رأفت :قعدت اول فترة فى مصر لمده سته شهور فى كوبر القبه دير الملاك
كيرو رأفت :وبعدها لمده تلات سنين بمنطقه شبرا جنب زيزو كاوتش حبيبى بس طبعا ماكنتش اعرف الاشكال دى
كيرو رأفت :وبعد كدا استقريت فى عين شمس تقريبا من سنه 1999
ميكي : وبعد سنة 2002
ميكي : ماذا فعلت
ميكي : في سلسلة الوظائف
كيرو رأفت :اشتغلت فى الشركه الفاشله بتاعه سيتى فيرست وسيبتها بعد كام شهر واشتغلت فى المطعم اللى انا فيه حاليا
ميكي : وهتسيبه امتي ؟؟
كيرو رأفت :ودا بجد من اجمل الاماكن اللى انا مرتاح نفسيا جدا جدا فيه وموش هاسيبه ابداااااا
كيرو رأفت :من غيره اعضاء ارثوزوكس هايتلطموا فى الشوارع
ميكي : هههههههههههههههههههههه
ميكي : كيرو رافت 34 سنة لماذا لم ترتبط حتي الان من بلدك

ميكي : في الوقت اللي انتي فيه جاهز
ميكي : وربنا يسترها بعد ماسأل السؤال ده
ميكي : اللي هتهزق بسببه جامد
ميكي : وهيتقالي وانت مالك خليك في حالك ؟؟
ميكي : بس اكيد مش انت اللي هتقولي كده حد تاني اهئ اهئ
كيرو رأفت :بص يا سيدى انا بقالى اكتر من18 سنه برا البلد
كيرو رأفت :وكمان ماديا الارتباط فى البلد مكلف جدا البنت اكتر حاجه بتهمها كميه الدهب والعفش والحاجات دى
كيرو رأفت :يعنى موش مهم الشخصيه قد الفلوس والماديات
ميكي : يعني انت بتعترف انك يوم ماهترتبط من القاهرة
ميكي : يبقي السبب انك تهرب من التكاليف
كيرو رأفت :لالالالالالالالالالالالا� �الالالالالالا
كيرو رأفت :موش التكاليف بس
كيرو رأفت :عمر الماديات ماكان ليها اعتبار عندى
كيرو رأفت :لو كانت بتهمنى كان زمانى بقيت مليونير وانا فى اوراسكوم وانت عارف كدا كويس
ميكي : ربنا يزيد ياكيرو
كيرو رأفت :انا طوال الاربعه والتلاثين سنه اللى فاتوا بدور على الانسانه اللى تفهمنى وافهما تحبنى واحبها
كيرو رأفت :والحمد لله لقيتها
كيرو رأفت :وحسيت معاها بجد ان سنين عمرى اللى فاتت ماضاعتش هدر
كيرو رأفت :انها تستاهل استناها وادور عليها عمرى كله
ميكي : رافت شكري ماهي امنية حياتك وانت صغير وطموحك
ميكي : امنية واحده وطموح واحد
كيرو رأفت :وانا صغير كان نفسى ادخل كليه اعلام واكون صحفى بجد
كيرو رأفت :وطموحى انى اعيش حياه هاديه كويسه انا واللى اختارها قلبى وعائلتى فى مكان هادئ بعيد عن الصخب والدوشه
ميكي : رافت شكري احكيلنا عن موقف كوميدي حدث لك داخل منزلك
كيرو رأفت :والدى الله يرحمه كان شديد جدا معانا بمعنى الكلمه على قد حنيته على قد شدته
كيرو رأفت :كنا لما نحب نروح رحله او خروجه ماكانش بيعرف بيها لانه كان بيبقى يوم اسود لو عرف اننا خارجين وهانتعرض للشمس ونركب عربيات وكدا كا بيخاف علينا جدا
ميكي : وايه الكوميدي في كده يارافت
كيرو رأفت :المهم روحت رحله ورجعت بس هو عرف هو من طبعه انه ماكانش بيضربنى لو نايم او باكل وهو دخل البيت عليا وانا باكل فضل واقف فوق دماغى قاللى كل براحتك خالص خالص انا موش ورايا اى حاجه

كيرو رأفت :وانا قعدت اكل فى العشاء اكتر من ساعه ونص وهو واقف فوق راسى
كيرو رأفت :واخر مازهق عدل وشه الناحيه التانيه والبت كله بيتحايل عليه
كيرو رأفت :وانا طلعت اجرى من قدامه ودخلت نمت
كيرو رأفت :وسمعت صوته وهو بيقولى عامل نفسك نايم لينا صبح يجمهنا
ميكي : ههههههههههههههههههههه
كيرو رأفت :بس كان بمجرد ان اليوم يعدى كان بينسى اللى حصل اليوم اللى قبله
ميكي : رافت شكري اسأل نفسك سؤال وجاوب عليه
كيرو رأفت :يا ترى يا رافت انت راضى عن نفسك كل الرضا فى حياتك وفى اختيارك لشريكه حياتك ؟
ميكي : جاوب
كيرو رأفت :انا ساعات كتير جدا جدا بكون موش راضى عن نفسى خالص لكن الشئ الوحيد اللى بجد انا راضى عنه جدا هو اختيارى وبتمنى من ربنا انه دايما تكون ايديه ممدوده فيه ويتم على خير
كيرو رأفت :وباقى امورى فى منحنى تصاعدى مرة وتنازلى مراااااااات
ميكي : تهدي ترنيمة ايه ولمين ؟؟
كيرو رأفت :يا صاحب الحنان بهديها الى قداسه البابا المعظم الانبا شنوده الثالث ولوالدتى وللانسانه اللى بحبها
ميكي : رافت شكري اختار صديق من المنتدي تحبه يطلع معاك رحلة تلات ايام
كيرو رأفت :همااااااااااا كتير قوى بجد بس انا هاختار ابو الفدا فدان الفدادين
ميكي : اخر سؤال في حلقتنا يارافت
ميكي : بعد حلقة مينا 3338 كلمني الكثير وقالوا لي
ميكي : اسئلتك سؤال وجواب دون عمل اي حوار ممتع
كيرو رأفت :اهاااااااااااااااااااااا� �ااااااااااااااا
ميكي : وكان ردي عليهم
ميكي : انا مش داخل ادردش انا داخل اخد معلومة واخرج
ميكي : اريد سماع نصيحة منك افعلها في الحلقات المقبلة
ميكي : حول تغيير الاسلوب
ميكي : ام هذا افضل
كيرو رأفت :الاسلوب ده كويس بس لو كل كام مرة ممكن يبقى التسجيل صوتى او مرئى هايكون افضل طبعا ويكون زى مقاطع الفيديو يوتيوب
ميكي : مش فاهم
كيرو رأفت :انا عارف انه صعب لكن مجرد اقتراح
كيرو رأفت :يعنى ممكن تسجل صوت وصورة مع العضو
ميكي : تقصد زي يوم المعادي
كيرو رأفت :اهااااااااااااااااااا
كيرو رأفت :بالظبط
ميكي : اتمني ذلك فعلا ولكني ليس محاور شاطر انا بحاول اتصنع


ميكي : عرفت طريق المنتدي ازاي ؟؟
كيرو رأفت :كالعاده بحث عن ترنيمه عن طريق جوجل وكان لازم التسجيل
ميكي : ومعك الان الميكروفون
ميكي : لكي تقول كلمة
ميكي : لأورثوزكس
كيرو رأفت :بجدا انا سعيد جدا انه ممكن تتاح لى فرصه انى اشكر وادين بالفضل لمنتدى ارثوزوكس فى الكثير والكثير من المواقف فى حياتى
كيرو رأفت :بجد ارثوزوكس موش مجرد موقع اليكترونى على النت دا حياه انا بعيشها واستمتعت انى اكون احد اعضاء هذا الكيان الضخم الرائع بكل المقاييس
كيرو رأفت :اورثوزوكس علمنى فى شهور اللى عجزت عنه الكنائس والمدارس فى سنين
كيرو رأفت :من كل قلبى بجد ميرسى اورثوزوكس وكل القائمين عليه
كيرو رأفت :وميرسى يا اجمل واحلى واغلى انسان عرفته فى حياتى بجد وموش مجامله ليك يا مايكل

ميكي : شكرا عزيزي علي هذا اللقاء الممتع

شكرا رافت علي صراحتك وكل سنة وانت طيب
وانتظروني في حلقة اخري قريبا في برنامجكم

who i'm

الأنسان قبل دخوله البرنامج يكون انسان لم نعرفه وبعد خروجه نجد انفسنا نعرفه من زمان



من انا
برنامج خفيف خفيف يتاكل أكل





انتظرونا الحلقة القادمة ونجم جديد في برنامجكم

who i'm
?


لقرائة من انا ( 1 ) اضغط هنا

المصدر: †† ارثوذكس †† - من قسم: البرامج والخروجات الخاصة بالاعضاء

[Malak sokar]

جميل اوي ياميكي بجد بتختار شخصيات عن جد تستاهل انها تظهر واننا نعرفها


كل سنة وانت طيب ياميكي وكل سنة وانت طيب يارافوووووووت
ياملاك
وعاوزينك تعلن الخبر الي قلت عنة بسرعة بقي
ههههههه

ربنا يباركو

[nermos1982]

بجد لقاء جامد جدا يا مايكل وضيف بجد عزيز علينا كلنا .معلش يا رافت ميكى تعبك اوى فى الاسئلة هو على طول كده متعب استحمله زى اخوك برضه
ربنا يفرح قلبك يا ميكى انت ورافت واخلص منكم انتم الاتنين فى يوم واحد قادر يا كريم

[الماكس مايكل]

شكرا يا ميكى باشا على البرنامج الجميل ده
وشكرا طبعا لضيق حلقتنا الجميل جدا
كيرو رافت
بجد حوارحلو جدا
ربنا يفرح قلبكم
وكل سنه وانتم طيبين

[وردة حزينة]

حلقه جامده بكل المقايس ياميكى
بجد يارفت انا فرحانه اوى بوجودك فى الحلقه ده اللى عرفتنا عليك اكتر
وربنا يتمملك بالخير مع اللى قلبك اختارها بس يالا مستنين الخبر الجميل اللى هايفرحنا كلنا
والموقف الكوميدى بتعك هلكنى من الضحك انا لو منك كنت قعت اكل اليوم كله وميش مهم انتفاخ انتفاخ المهم انفذ من العليقه ههههههههههههههههههههههههه هههه
نورت البرنامج يارافت
والبرنامج بتاعك ياميكى زى زى العسل ياباشا استمر وعرفنا على الناس الجميله ده
كل سنه وانتم طيبين

[ELMAGEK]

كيرو رأفت :همااااااااااا كتير قوى بجد بس انا هاختار ابو الفدا فدان الفدادين


بجد يا رافت انا الى حبى ليك بيزيد يوم عن يوم
بحبك يا رافت اكتر حد فى الدنيا والله بموت فيك ربنا يخليك ليا
وندرا عليا لا هنرقص فى فرحك للصبح
ونشرب كانز من بتاع الواد بولا وهنخربها بس انوى انتا
ربنا يخليك لينا ويكرمك ويديك على قد حب الناس ليك
وهيبقى كتير عليك اوى والله لانك بجد
افضل عضو فى المنتدى وفى الدنيا كلها
وربنا يخليك ويكرمك يا رافت يا خويا ويسعدك طول حياتك
مع الانسانة الى اختارها قالبك
وبجد بقولها انتى واخدة جوهرة ربنا بيحبك جدا
ربنا يخليك لينا يا رافت

[عماد حسنى]

جميل طبعا يا ميكى فى كل موضوع
وكل شىء جديد بتعمله فى المنتدى
والاجمل ضيفك الغالى والقريب من قلوبنا كلنا
استمر فى احلى برنامج يا ميكى ومنتظرين ضيوفك دايما
وربنا يحققلك كل خير وصلاح فى حياتك يا اجمل واحلى رافت فى الدنيا

[rozy lover]

بجدبجد حلقه هايله جداً وجامده اوى اوى يا ميكى
واجابه كيرو كانت حلوه اوى اوى
ميرسى يا كيرو وميرسى يا ميكى
وكل سنه وانتو طيبين

[elphilasouf]

فيك صفات جميله اوي يا واد رافت مش موجوده فى ناس كتير
ربنا يخليك يا قمر انت والانسانه الى اخترها قلبك وتعيشوا فى تبات ونبات للابد
وتخلفوا رأفيت صغننه
ميرسي مكوكى ع الموضوع

[جاسيكا]

بجد جميلة الحلقة دى بجد
ويارب يا اجمل كيرو تحقق كل اللى بتتمناة ويكملك الطريق مع شريكة حياتك اللى انت اختارتها على خير
وتعيشو اجمل ايام عمركم مع بعض يارب سوع ويوفقكم يارب
ويكون معاك ميكونش عليك