[remon_samir8]

مِش مُمكِن

مِش مُمكِن أخَّلِي حاجَه تِبعِدنِي عَنِّك
دَه أنا طول عُمرِي مِترَّبِي جُوَه حُضِنَّك
دَه إنتِ الأم مَصدَر الحَنان
فِيكِ المَحَبَه وِفِيكِ الأمان
وَأنا بَرضُه يا أمِي هاأفضَل إبنِّك
وِمِش مُمكِن أخَّلِي حاجَه تِبعِدنِي عَنِّك
يا إكليسيَّا

قَرار
يـا إكـلـيـسـيَّـا ثابِتَه وِقَوِيَّه عَالصَخر مَبنيَّه
وِده صَخر الإيمان
إسمَّك غالِي مَرفوع وِعالِي وِعايِش يا أمِي
جُوايا مِنْ زَمان
يا إكليسيَّا

قَلبِي إتغَيَّر مَعاكِ بَقَي غير كُل القُلوب +
أوَّل لَمَّا ألمِس إيديكِ فِـ ثانيَّه قَلبِي بِيدوب
وِبِدَمْ إلهنَا الغالِي مَفديَّه
يا إكليسيَّا

وِلَو يوم بِعدِت رِجلَيَّ عَنَّك وِمابَقيتشِ وَيَّاكِ +
ألاقيكِ بِسُرعَه نَدَهتِ عَليَّ وباأسمَع يا أمِي لِنِداكِ
وِأشوفِك فاتِحَه دِراعاتِك ليَّ
يا إكليسيَّا

وِإنتَ يا مَلِكنا عَظيم وِسيرِي..سيرِي يا مَركِبي +
وِإنتِ عَلي أبواب الجَحيم أكيد يا كِنيستي هاتِغلِبي
ماهو إللي بَناكِ رَب البَشَرِيَّه
يا إكليسيَّا

كَلِمات
ريمون سمير

المصدر: †† منتدى ارثوذكس †† - من قسم: القسم الادبي

[عماد حسنى]

الله بجد
حلوه جداً جداً
يا
ريمون
اشكرك جدا جدا على الكلمات الجميله دى
ربنا معاك ويباركك

[minabobos]

اشكرك جدا جدا على الكلمات الجميله دى
ربنا معاك ويباركك

[kamel]

كلمات جميلة ياريمون
الرب يباركك ويبارك حياتك الروحية

[dolagy_jesus]

شكراااااا ليك كتير ريمون على الكلمات الجميلة دى
ربنا يباركك ويعوض تعبك
صلى من اجلى