[اشرف وليم]

الادوات :
صورة للسيد المسيح
صورة لشيطان من الكرتون و الستان الاسود
رغيف عيش
جبن او حلاوة
زلط

التمهيد :

1- اضع حلاوة فى الرغيف و ابدا فى الاكل امام الاطفال
و اقول للاطفال : رغيف محشى حلاوة ممكن ناكله هايقولوا : ايوة و طعمه ايه طعمه حلو
2- اضع الزلط فى الرغيف ابدا اكل امامهم و انا مش عارفة اكل الزلط و اوريهم انه مش ممكن اكله
- حد ياكل الزلط
- لا يا مس محدش
- طب عارفين الشيطان الوحش كان عايز ايه من بابا يسوع
- ايه
- تتصوروا عايزه ياكل الزلط فيه حد ياكل زلط
- طبعا لا

دى قصتنا يا ولا د النهاردة

احط الشيطان امامهم بحجم صغير و الرب يسوع بحجم اكبر منه مرتين لان الطفل بومن بالحجوم يعنى اللى حجمه اكبر هوة الاقوى و لما يكون حجم الشيطان اضعر من ربنا يعنى الرب يسوع اقوى منه كتير

و الحوار ده بين خادمتين واحدة تلعب دور الرب يسوع و التانية تلعب دور الشيطان


بابا يسوع يا ولاد قاعد صايم نقاله فترة طويلة
و مااكلش حاجة
يعنى جعان
جاله الشيطان و هو على الجبل
- الشيطان : ياه انت قاعد صايم من ساعتها
- بابا يسوع : ايوة
- الشيطان : لكن انت اكيد جعان اوى اوى اوى
- بابا يسوع : انا فعلا جعان ( الطفل هنا يدرك ناسوت المسيح )
- الشيطان : هوة انت ابن الله فعلا
- بابا يسوع : ايوة
- الشيطان : طب لو انت ابن الله فعلا انا هاديلك رغيف الزلط ده و انت حاول تاكله
- بابا يسوع : فيه حد ياكل الزلط
- الشيطان : ما هو انت ابن الله زى ما بيقولوا و اكيد تقدر تحوله لرغيف محشى جبنة مثلا
- بابا يسوع : ابعد عنى يا شيطان
و هرب الشيطان من اما بابا يسوع

الخاتمة :
حاول تشرح معنى ( نجرب الرب )
ممكن يا ولاد اننا نجرب بابا يسوع - نجربه يعنى نشوف اذا كان هو فعلا يقدر يعمل حاجات كتير
طبعا مش ممكن
لو انا فى العيد نفسى فى هدوم حلوة هل اقدر اقوله ان ماجبتليش يا بابا يسوع هدوم حلوة تبقى انت مش ربنا
مش ممكن اقوله كدة لانه بابا الطيب لو شايف ان الطلب ده حلو ليه هايعمله لو لاقيه طلب مش حلو مش هايعمل


الاية : " لا تجرب الرب الهك "

المصدر: †† منتدى ارثوذكس †† - من قسم: قسم مدارس الاحد خدمة ابتدائى

[emmmy]

موضوع ظريف وجميل
مرسى يا اشرف

[اشرف وليم]

شكرا لتعب محبتك
ومرورك الغالي
شرفت الموضوع
الرب يبارك حياتك
emmmy

[tonyplk]

ربنا يبارك خدمتك الجميلة و تستمر دايما في الدروس الجميلة ديه علشان نقولها للاطفال في مدارس الاحد و نقدملهم الافضل دايما علشان يستفادوا بس انا عندي اضافة ممكن نستخدم الداتا شو بدل من الستان و انا هاعمل بور بوينت عنها و سوف اضع الرابط علشان الكل يستفيد

[اشرف وليم]

+ شكرا لتعب محبتك +
+ ومرورك الغالي +
+ شرفت الموضوع +
+ الرب يبارك حياتك +
+ tonyplk +