[totty fruity]

انا اليوم عاوزه احكيلكم عن معجزه حصلت معايا وربنا اتمجد فيها بشكل عظيم وفرح قلبى بشفاعة القديسين القصه تبدأ كالاتى :

بعد ان انتهيت من دراستى وربنا تمجد معى فى دراستى وانجحنى بتفوق كان عليا ان اكمل الطريق اللى بدأه معى الله وكنت عاوزه اكمل دراستى وفعلا كنت اريد ان اكمل تمهيدى ماجستير ولكن اكتشفت ان التمهيدى تم غلقه باسيوط فقلت فى نفسى ده ارادة ربنا يمكن ربنا مش عاوزنى اكمل السنه ده ولكن كنت فى قرارة نفسى افكر فى عمل التمهيدى فى المنيا وهى ليست بعيده عن اسيوط ولكن كنت اضع ده فى ايد ربنا واصلى من اجل ان ربنا يرشدنى ولكن وجدت عدم تشجيع من اهلى وانا كنت غير متشجعه علشان انا مش متعوده ابقى فى بلد غريبه بمفردى وخلاص انتهى الموضوع ولكن صلاتى مع الهى المسئول عنى دائما فى كل امورى لم تنتهى وطلبى من اجل ان يرشدنى فى الموضوع ده كانت مستمره وفجأه وجدت البيت يشجعنى والاصحاب وقلبى تشجع وفعلا روحت وربنا كمان اظهر لى تشجيعه لما اكتشفت ان فى واحده اعرفها هتكمل معايا وهنسافر مع بعض شكرت ربنا وحاسيت بصوته واضح جدا فى الموضوع ده وبدأت الدراسه ولكن بسبب ظروف البلد التى كانت فيها كنت لا استطيع مذاكرة دروسى والاصعب ولا انكر ان كل ما اصحى الصبح علشان اسافر ببقى مضايقه اوى ولان الموضوع جديد عليا فهو صعب جدااا وعندما اتى اخر شهر قبل الامتحانات بدأوا الدكاتره يدونا كتييييير بشكل صعب ويطلبوا ابحاث وتحضير فكنت لا اعلم هل احضر دروسى ولا اعمل ابحاث ولا اذاكر كان الموضوع كبير اوى عليا وكنت دايما اقول لربنا يارب انت اردت انى اروح خليك معايا مانكرش انى عدت عليا لحظات كنت مضايقه انى فكرت اكمل دلوقت وفضل الحال ده لغايه اسبوع قبل الامتحان كنت بحاول اذاكر وكنت بسافر لان المحاضرات ماخلصتش وبعمل ابحاث واحضر ولكن انا ماكنتش فرحانه لانى انا بطيئه فى المذاكره ولان انا متعوده اذاكر مرتين لان المره الاولى مش بتركز فى دماغى وغير انى مريت بظروف عطلتنى وهى ان اخى خطب وكانت خطوبته قبل الامتحانات بيومين فقط ولكم ان تتخيلوا..... ماكنتش عارفه هعمل ايه فى الامتحانات غير انى كنت بطلب ربنا يجى يقف جنبى وكنت بتشفع بالعدرا وبالبابا كيرلس ومارمينا والانبا كاراس وفعلا بدأت الامتحانات وكانت توجد مشكله اخرى ان الامتحانات مفهاش فواصل حتى يوم كان فى بعض المواد تبقى قصادها نصف يوم فقط وانا كنت بسافر وارجع فى نفس اليوم وده برضوا كان صعب جدا صدقونى وانا بكتب دلوقتى انا مش عارفه ازاى كنت بقدر اخلص مذاكرة المواد لكن ان كان الله معنا فمن علينا....

وفى يوم كان عندى ماده دكتورها صعب شويه غير انه قبل الامتحان باسبوع كان ظالمنى فى شئ وزعق لى وانا كنت مضايقه وقلقانه اوى لكن فى يوم امتحان الماده ده كان عيد الانبا توماس السائح فكنت بصلى ان ربنا يساعدنى والانبا توماس مايسبنيش ودخلت الامتحان ولا انكر فكان فيه حاجات كتيره صعبه وكنت بنده على الانبا توماس والبابا كيرلس والانبا كاراس والعدرا ام النور ،كان الجميع من حولى يغشون ولكن انا جوايا كنت بقول لربنا يارب انا مش عاوزه ايد الشيطان تتحط بالغش لاء انا مش هغش وحط ايدك انت وايدك هتبارك القليل اللى انا كتباه ، مانكرش انى كان جوايا قلق كبير و لكن انتبهت للماده اللى بعدها وكانت الماده عباره عن بحث شفوى يتقال قدام اكتر من دكتور وكان من بينهم الدكتور اللى انا كنت قلقانه منه جداوكنت خايفه اوى لانى عمرى ماعديت بماده شفوى قبل كده وقبل ما ادخل فتحت كتاب البابا كيرلس ولقيت عنوان معجزه جميله وهى روح يابنى انت ناجح وفى الصفحه اللى قصادها ان كان الله معنا فمن علينا.... بصراحه اطمنت ودخلت وعدت الماده ده على خير ولكن عدو الخير لم يتركنى كده.....فضل كابوس الماده اللى قلقانه منها يحطمنى وكنت اصلى دايما ان ربنا ينجحنى صافى ولكن الشيطان كان بيصورلى حاجات كتير صعبه وكنت خايفه جداااا ولكن كانت فترة انتظارى النتيجه فتره عجيبه كنت كل لما اروح حته اشوف صورة البابا كيرلس حتى لو راكبه تاكسى مايكنش فيه صور الاقى سياره تانى وقفت جنبه فى صورة البابا كيرلس ومتجهه ناحيتى وبصراحه ده كان بيطمنى وكنت بتشفع بالبابا كيرلس وبلاقيه بيطمنى من خلال كتبه وعناوين معجزاته وكنت بتشفع بالانبا كاراس وفعلا الانبا كاراس كمان ماسبنيش كنت بلاقى صور كتيره جايلى من ديره وزيت وده كان بيطمنى غير انى كنت بطلب من ربنا ان النتيجه تتأخر شويه علشان تظهر فى عيد الانبا كاراس وفعلا النتيجه ظهرت بعد عيد الانبا كاراس بحوالى ثلاث ايام ولان واثقه ان شفاعتهم قويه وربنا مش هيسبنى وفى يوم حلمت حلم جميل : حلمت اننى كنت فى ضيقه وانا بصرخ واقول يارب اظهرلى مجدك ، اظهرلى مجدك يارب ولقيت الغرفه مليانه نور احمر وبصيت لقيت شخص زى الانبا توماس السائح ولابس لبسه الاحمر وانا عرفته فى الحلم انه الانبا توماس وادانى قلب من دهب محفوره فيه ايات جميله ومعزيه صدقونى صحيت من النوم مبسوطه لانى حاسيت ان الانبا توماس بيطمنى وبالاخص على مادته اللى انا قلقانه منها واطمنت ان احبائى القديسين مش هيسبونى وان ربنا هيتمجد فيا ومش هيسبنى زى ما انا دايما متعوده على محبته العظيمه ليا وفعلا ظهرت النتيجه ونجحت صافى نشكر ربنا وبتقدير كمان ...

فعلا هو ده الهنا اللى بجد مش بيسبنا ابدا فى ضيقتنا وهى ده شفاعة القديسين اللى لازم نتمسك بيها

ورساله لكل انسان صدقنى ربنا عمره مايسيبك للظروف ربنا بينجيك وهينجيك وهيكون هو ليك اعظم صديق بس اتمسك بيه وبشفاعة قديسيه وربنا هو القادر ان يفعل فوق كل شئ اكثر جدا مما نطلب او نفتكر

اشكرك يارب على محبتك وعلى رعايتك وليتمجد اسمك القدوس دائما والى الابد امين واشكر شفاعتك ليا يا بابا كيرلس ويا انبا كاراس ويا انبا توماس ويا عدرا يا ام النور ويا مارمينا ويا انبا بيشوى ويا انبا شنوده لانكم بجد ماسبتونيش وبركة صلاتكم ادتنى كتيراشكرك يارب امين
صلوا من اجلى

المصدر: †† ارثوذكس †† - من قسم: معجزات القديسين والقديسات

[الناى الحزين]

اجمل ما فى الموضوع
السلام اللى انتى فيه دلوقتى
ربنا معاكى ويفرح قلبك كمان وكمان

[مانـــوو]

ورساله لكل انسان صدقنى ربنا عمره مايسيبك للظروف ربنا بينجيك وهينجيك وهيكون هو ليك اعظم صديق
ربنا معاكى وشفاعه قديسيه تسندك ومن نجاح لنجاح.

[MRAMER]

المجد ليك يا رب بجد
متعرفيش المعجزه اللي حصلت معاكي دي اثرت فيا ازاي
فعلا ربنا عمره مايسيب اولاده ف محنه او ضيق ديما جنبهم ساندهم وشايلهم ف عيونه
ربنا يعوض تعب محبتك

[totty fruity]

المشاركة الأصلية كتبت بواسطة mramer المجد ليك يا رب بجد متعرفيش المعجزه اللي حصلت معاكي دي اثرت فيا ازاي فعلا ربنا عمره مايسيب اولاده ف محنه او ضيق ديما جنبهم ساندهم وشايلهم ف عيونه ربنا يعوض تعب محبتك

شكرا جدا على مشاركتك
صدقينى انا بكتب المعجزه ده من اجل انى اعترف بحاجه صغيره اوى من اللى ربنا بيعمله معايا و بيتمجد فيه لان ربنا عمل معايا كتييييييييييير
و اشكر ربنا انه فعلا بيظهر مجده فينا والحمدلله ان المعجزه اثرت فيكى بجد لانى بجد نفسى اشهد لاسم المسيح وصدقينى انا نفسى لما بفتكر كل ده بحس بمحبه عظيمه بتسندنى فى وقت الضيق وتفكرنى دايما ان ربنا عمره ما بينسانى
ربنا يباركك ويفرح قلبك

[totty fruity]

المشاركة الأصلية كتبت بواسطة مانـــوو ورساله لكل انسان صدقنى ربنا عمره مايسيبك للظروف ربنا بينجيك وهينجيك وهيكون هو ليك اعظم صديق ربنا معاكى وشفاعه قديسيه تسندك ومن نجاح لنجاح.

ميرسى جداااااا على مشاركتك
ربنا يباركك ويفرح قلبك
صلى من اجلى

[totty fruity]

المشاركة الأصلية كتبت بواسطة الناى الحزين اجمل ما فى الموضوع السلام اللى انتى فيه دلوقتى ربنا معاكى ويفرح قلبك كمان وكمان

ميرسى جدااااااااااا على مشاركتك
صدقنى السلام ده نابع من ان ماينفعش اشوف ربنا بيعمل معايا كده واقلق على اى حاجه
صدقنى انا فى حياتى كانت فى حاجات الكل بيقولى مستحيل لكن صوت ربنا كان اعلى من صوت المستحيل بتاعة العالم علشان كده انا لما بيدخل جوايا القلق ربنا بيفكرنى بكل اللى عمله معايا واللى انا مستحقهوش وفعلا ان كان الله معنا فمن علينا
اشكر ربنا واشكر مشاركتك الجميله
وصلى من اجل ضعفى

[بنت الراهب الصامت]

جميله اوى بجد المعجزة دى

انا كمان بحب اوى اتشفع بيهم
صلاتهم تكون معانا امين

[مهرائيل بنت البابا]

[size="<font><font>6</font></font>"]بجد جميله خالص
بركتهم تكون معنا امين
الرب يبارك حياتك[/size]

[totty fruity]

المشاركة الأصلية كتبت بواسطة مهرائيل بنت البابا [size="<font><font>6</font></font>"]بجد جميله خالص بركتهم تكون معنا امين الرب يبارك حياتك[/size]

شكرا على مشاركتك الجميله
ربنا يباركك ويفرح قلبك