[Dr.PeRO]

يا أخت مارينا معلش انا مافهمتش ردك معناه ايه بالظبط .. انتى قصدك انك لما قرأتى الموضوع والردود غيرتى رأيك و نفضتى لموضوع الرقص .. ولا قصدك العكس .. ولا قصدك ان الموضوع مش فارق معاكى اصلا (يعنى مش فى دماغك، والكلام اللى مكتوب انتى مش مقتنعة بيه) ؟؟؟؟
وشكراا لردك

[new.marina]

يعنى انا الموضوع اخد معايا فتره تفكير وكل اما كنت اقول لحد كان يضحك ويقولى ليه لاء

بس لما شوفت موضوعك ممكن يكون وضحلى الفكره كامله

يعنى انا من كام يوم كنت بفكر فى بعد كده خلاص

ليه شوفت موضوعك شوف الردود مع العلم ان محدش منهم يعرفنى ولا يعرف بفكر ازاى يعنى مفيهاش مجامله

بصراحه موضوعك جامد



وانا اسفدت منه

[Dr.PeRO]

طيب الحمد لله انك استفدتى منه ,, بس مش ده المهم .. المهم دايما هو استخدام كل القوى العقلية المخلوقة فى الإنسان من ذكاء وحكمة وضمير وإرادة فى التمييز بين ما يليق وما لا يليق .. والإرادة اهمهم عشان هى "القوى التنفيذية" ، اللى مسئولة عن اعمال الانسان ..
وخلى بالك من حاجة .. ان اللى على معرفة وعلم غير الجاهل .. يعنى اللى يعرف الخير والشر ويعرف يفرق مابينهم، غير اللى لسه مايعرفش .. وبعد الموضوع ده، يبقى انتى عرفتى الصح والغلط .. بعنى موقفك قدام ربنا بقى غير الأول !!
وربنا يوفقك و يرشدك لما هو صالح لنفسك

[مارولينا 2005]

فعلا هو موضوع مهمل بالنسبة للوعظ فى الندوات اوالخدمة

ولازم ياخد مننا اهتمام اكتر من كدة

ربنا يارك خدمتك

[Dr.PeRO]

المشاركة الأصلية كتبت بواسطة مارولينا 2005 فعلا هو موضوع مهمل بالنسبة للوعظ فى الندوات اوالخدمة ولازم ياخد مننا اهتمام اكتر من كدة ربنا يارك خدمتك

شكراا لمرورك ورأيك الجميل
الرب يبارك حياتك

[emmmy]

اية رايك الرقص انواع يا بيتر
وفى رقص بيبقى مقبول
اية رايك فى الكلام دة ؟

[Dr.PeRO]

اية رايك الرقص انواع يا بيتر وفى رقص بيبقى مقبول اية رايك فى الكلام دة ؟

آه طبعاً انا موافق ... اكيد فيه رقص مقبول .. عادى ايه المشكلة، زى الزنا كده .. فى نوع زنا مقبول (زنا القلب) ونوع تانى وحش ملناش دعوة بيه (الزنا الفعلى) ..
طبعاً هنا كلمة "مقبول" هى كلمة بيقولها البعض للتبرير وتجميل الصورة ليس إلا .. وهذا هو رأيي الشخصي

[رفقة شحات]

ميرسى يابيتر على موضوعك الرائع دا
انا فعلا استفدت كتير جدا جدا منه
بس انا اعتقد ان فى رقص مقبول اللى ما يسمى ب الرقص الهادى اللى مفهوش حركات كتير وجامده او ملفته

[Dr.PeRO]

المشاركة الأصلية كتبت بواسطة رفقة شحات ميرسى يابيتر على موضوعك الرائع دا انا فعلا استفدت كتير جدا جدا منه بس انا اعتقد ان فى رقص مقبول اللى ما يسمى ب الرقص الهادى اللى مفهوش حركات كتير وجامده او ملفته

لأ هنا انا كنت بتكلم على الرقص الشرقي، مش بتكلم على السلو والأنواع التانية .. واعتقد ان الرقص عامة غير لائق لكن فيه انواع ارحم بكتير من انواع تانية .. يعنى فيه حاجات مقبولة نوعاً ما
شكراا ليكي

[agab]

الله ينور عليك يا فندم بجد موضوع حلو بس اول مره اسمع عن حجه ذي كده انه ينفع نتكلم بيها في وسط ديني بجد