[soso love]

لو حد باس قدم انسان حرام ولا لا؟ ارجوكوا ساعدونى

المصدر: †† ارثوذكس †† - من قسم: حوار من الاعماق

[emmmy]

يعنى اية يا سوسو ؟
سؤالك مش واضح خالص قدم يعنى رجلية قصدك
بصى لو انا فهمت صح هجاوبك على هذا الاساس اوك
بصى انتى ترضى حد يبوس رجليكى سيبك من حلال وحرام دلوقتى ولو ان احنا معندناش فى المسيحية حلال وحرام عندنا يليق ولا يليق يوافق او لا يوافق بس مش دة موضوعنا
قوللى لو حد باس رجليكى هتعملى اية وهتحسى باية ؟ هقولك انا افكر معاكى بصوت عالى وبمحبة هتحسى ان الشخص اللى بيبوس رجلك عمل حاجة ميعملهاش غير عبد لسيد يعنى لو فرضنا انتى وافقتى بدة ولا اقولك خليها انا لحسن تزعلى لو وافقت ان حد يبوس رجلى وحسيت انى مبسوطة بية ابقى مغرورة ومتكبرة ومعجرفة كمان لكن لو انا متواضعة هرفض دة اكيد وهحس بمضايقة من الموقف وبزعل من الطرف التانى اللى حملنى الخطية دى
بس فى مواقف تانية مختلفة تماما لو واحد بيبوس رجل امة المريضة او اللى غلط فى حقها وظلمها مثلا او ابوة هنا يبقى فيها كلام تانى خالص على حسب الموقف يعنى فهمتينى يا سكرة ياريت اتمنى اكون جاوبتك على سؤالك

[soso love]

اولا ميرسى يا ايمى
ثانيا هى واحدة صحبتى هى اللى عايزة تعرف لانها عايزة تبوس رجل اللى هترتبط بيه عشان هى بتحبه اوى لكن هو قالها ان السيد المسيح قال للرب الاهك تسجد واياه وحده تعبد هفى عايزة تعرف هى لو عملت كدة بعد مارتبطوا ربنا هيزعل ولا لا فهمتى وانا عايزة اساعدها فبليز لو حد عارف ياريت يعرفنى
وميرسى ليكى مرة تانية يا ايمى

[soso love]

هى واحدة صحبتى عايزة تعرف لو باست رجل اللى بتحبه بعد مايتجوزوا ربنا هيزعل ولا لا

[samerco75]

هاهاهاها
صدقينى يا جميل لو كل واحدة باست رجل جوزها وغسلتهاله بعد يوم شاق ومتعب
دة هيحطها فى نن عينه من جوة..
عموما بعد الجواز بيبقوا الاتنين واحد فى المسيح والاتنين لازم يدفع كل واحد الاخر نحوالمسيح واى امر لا يعترض علاقتهم بالمسيح ما يمنع؟ طالما الاتنين بيقدروا بعد وبيحفظوا على بعض وبيحترموا بعض.
دة مراتى لما بتغسل رجلى يبقى نعمة كبيرة مستحقاش من عند ربنا .... تقوم تبوس رجلى !! ماشى يا ستى كتر خيرك ..الله يباركك يا زوجتى الحبيبة

[soso love]

يعنى ربنا هيزعل لو عملت كدة ولا لا؟

[مينا اوحنا]

سلام ونعمة ومحبة ربنا يسوع المسيح لجميعكم
وايه اللى هيزعل ربنا, ان كان السيد المسيح بنفسه غسل ارجل تلاميذه من اجل ان يعلمهم المحبة, يعنى الزوجة هتعمل كدا بدافع المحبة, ولو هى خايفة انها بكدا بتكون وضعت جوزها فى منزلة مقاربة لربنا لا طبعا , دا مجرد فكر عدو الخير,هى لو باست رجل جوزها كل يوم هذا لا يقلل من خضوعها لمسيحها والهها بالعكس السيد المسيح اوصى بان تكون المحبة اساس الرباط بين الزوجين,فى النهاية اقولك كلمة تقوليها لصاحبتك ليس التعبير عن الحب هو انها تبوس رجل زوجها,وانما تحفظ وصية الأنجيل فى زوجها وتنظر سيرة النساء القديسات فى الكتاب المقدس لتتعلم, ابيجايل ونعمة وراعوث كنتها وكثير من القديسات واكيد امنا سارة زوجة ابينا ابراهيم كيف كان ابراهيم يحبها ويطيعها , قوليلها مش تقلق ولا تخاف وتبوس رجل جوزها ذى ماهى عايزة دا كله مجرد تعبير عن الحب والأمتنان وعهد بالوفاء بالحب ودا مسرة الله وليس مكرهة امام الرب وهذا ليس معناه السجود لغير الرب ,مهو احنا بنعطى مطانيا للأساقفة, هل دا سجود لغير الله؟
اسف للإطالة

[samartarek]

asfa lw bady ra2yi ana masthlsh bas balash 7abebty, oly lsa7btk balash.. rabna ma3ako