[emmmy]

الانتحار وفوائده

اكتشف معنا ماهو الأنتحار وماهى فوائده وتعالى نتعرف سوا على اهم طرق الانتحار المتاحه !!!!!!!!

انت تعبان وعايز تخلص من الحياة؟
مليان عيوب .. مكروه ومرفوض؟
سببت مشاكل كتير لناس كتير في حياتك؟
ذكرياتك جوه عقول الناس سيئة؟
وذكرياتك جوه عقول اهلك وعيلتك سيئة؟
عايز تهرب من نفسك ومش عارف ازاي؟
حتي لو بعدت عن الناس وقعدت لوحدك مش قادر تهرب منها
وحاشتك ماشيه معاك وعيوبك ملاحقاك في كل مكان
شايف ان الحل الوحيد انك تموت وتموت معاك عيوبك
وتموت ذكرياتك جوه قلوب وعقول الناس؟
فكرت كتير تنتحر ويمكن حاولت وماقدرتش؟
عندك حق .. الحل الوحيد انك تموت مفيش حل تاني
وبكررهالك تاني انت صح عندك حق الحل الوحيد انك تموت
...
اسمحلي اقولك المفاجأه الكبيره
ربنا كمان عايزك تموت
مش عايزك تعيش ابدا
وده كلامه وياما كتير قال موتوا نفسكوا .. موتوا نفسكوا
بس مش انك تاخد كمية حبوب او ترمي نفسك من مكان عالي
او تطعن نفسك بأداه حاده او تاخد جرعة مخدر كبيره
لا .. انت كده هاتخلص من تعب الدنيا البسيط اللي ربما ممكن تستحمله
وتواجه عذاب ابدي إلي ما لا نهاية .. نار ابدية ودود لا يموت
شوف الناس اللي ماتوا ورجعوا للحياة تاني وزاروا الجحيم لقوا إيه هناك
ومش كل حاجه طبعا هم شافوها لأنهم مايقدروش يشوفوا كل حاجه
ودي من رحمة ربنا عليهم
...
ربنا عايزك تموت فعلاً بس بطريقة تانيه هاقولك عليها
إداهم مثل في الأول وقالهم إن لم تقع حبة الحنطة في الأرض وتمت
فهي تبقى وحدها ولكن .. إن ماتت تأتي بثمر كثير
…
بيقول إن كنتم بالروح تميتون اعمال الجسد فستحيون
غير كده ماينفعش .. خلي بالك .. لو ماكنتش تموت مش هاينفع
الذين هم للمسيح قد صلبوا وقتلوا الجسد مع الأهواء والشهوات
وبيقول كمان
احسبوا انفسكم امواتاً
إنت عرفت الحل انك تموت .. إكتشفته لوحدك .. مظبوط جداااااااا
بس اعمله صح بقه .. ماتعملوش غلط
هاقولك تموت نفسك ازاي
كل مره حد يهينك فيها ماتردش .. هاتموت من الألم
كل مره تشتهي خطيه معينة ماتعملهاش .. هاتموت من التعب
كل مره جسدك يقولك عايز ارتاح ماتريحوش ..وقفه يصلي بالعفيه ويسجد كمان
كل مره جسدك يقولك عايز اكل صومه ولما تيجي تأكله اوعي تأكله حاجه نفسه فيها
كل مره تلاقي وقت عندك انك تخرج وتتفسح ارفض وانزل موت جسدك في الخدمة
كل يوم صبح وليل اجبر جسدك انه يقعد يقرا الإنجيل
من الآخر .. اعمل كل حاجه جسدك بيرفضها .. هايموت .. اخلص منه من فضلك
لأن لو ماخلصتش منه هو اللي هايخلص منك للأبد
مكتوب إن عشتم حسب الجسد فستموتون .. ستموتون
ملحوظه .. الكلام ده مش اي حد يقدر يعمله إلا اللي فعلا عايز يموت نفسه
لو عايز تنتحر وتموت نفسك وتخلص من الدنيا .. هي دي الطريقه
مفيش طريقه تانيه ابداااااااا
و أوعدك بكلام المسيح .. ان الشخص اللي انت بتكرهه ده هايموت
وهايعيش شخص تاني مختلف مثمر ثلاثون وستون ومائه
إناء للكرامه بدل إناء الهوان .. علي حسب قلب السيد
...
يله ابتدي وانا معاك

المصدر: †† منتدى ارثوذكس †† - من قسم: التأملات الروحية والخواطر الفكرية

[nana222]

موضووع راااااااااائع
يستحق التقييم

[emmmy]

مرسى يا نانا على تشجيعك الجميل ربنا يخليكى

[بشارى]

بجد موضوع جامد قوى. اول مرة اجد عنوان غريب يشدنى كده

[emmmy]

مرسى يا بشارى على مرورك الجميل
ومنور المنتدى كلة بوجودك معانا
ربنا يبارك حياتك

[elphilasouf]

حلو في الاول نغضب نفسنا ع الحاجات الجميله دي
لكن بعد فتره مش كبيره هنستمتع واحنا بنعمل كده
هنستمتع واحنا بنصلي وبنقري الكتاب المقدس ونصوم
موضوع حلو اوي ايمي
ميرســــــــي

[emmmy]

العفو يا فيلو مرسى ليك انت على تشجيعك الجميل