انا عندي مشكلة اني مش بعرف اتحكم فى مشاعري مع ان كل اللى يعرفوني بيقولوا ان شخصيتي قوية وارداتي قوية الا فى النقطة دي ورغم اني بمارس كل وسائط النعمة واختبرت ربنا في حياتي ودوقت حبه ودايما بصلي اني اشبع الا انه اوقات بابحث عن الحب زي الشحاتين ولا كأني بنت الملك ..هل ده بسبب اني رومانسية وحساسة زيادة عن اللزوم ولا دي نقطة ضعف ومحتاجة للجهاد الروحي , ياريت حد يساعدني ؟

المصدر: †† منتدى ارثوذكس †† - من قسم: حوار من الاعماق

[iyiy]

هو انا مش فهمت مشكلتك اوى ياريت توضحى شوية بس من خلال ايلى فهمتة اقدر اقولك ان كلنا محتاجين الحب وبندورة علية وبنطلبة بس ندورة علية ونطلبة من عند ايلى هانلاقي عندة الحب انا هاقولك مثال انتى لو عطشانة ومعاكى زجاجة مليانة هاتشربى منها ولة هاتروحى تدورى على مياة من حد تانى دة على اد مافهمت مشكلتك حاولى توضوحى شوية ومعلش انا ثقافتى ومعلوماتى على قدى ويارب اكون قدرت ان افيدك باى حاجة

[ملكه الاحزان]

مشكله عدم القدره في تحكم المشاعر بتبقي ناس شخصيتها غير قويه عاطفيا ودي الحل انك تحاولي تشغلي وقتك بائ شي اخر بدل الحب

[Malak sokar]

المشاركة الأصلية كتبت بواسطة غير مسجل ..هل ده بسبب اني رومانسية وحساسة زيادة

صدقيني مش عارفة اقلك اية لان انا مش ليا خبرة كبيرة بس كل الحكاية ودة من وجة نظري يمكن تكوني حابسة نفسك في شي معين مثلا بتقعدي علي نت
كتير مش بتشوفي اصحابك يعني حياتك فاضية ومش مليانة
وطبعا رومانسيتك لها دور كبير طبعا مش عيب تبقي رومانسية بس العيب انك تسيبي نفسك كدة للمشاعر تلعب بيكي وعقلك ركناة
و تسيبي نفسك لناس تستغل المشاعر دي وتتحكم فيكي اكتر واكتر
انت طبعها بنت الملك وانا بنت ملك عشان كدة لازم تصلي ان ربنا يشبعك بحبة وصدقيني مهما دورتي علي حب مافيش اجمل من حب و حنية ربنا مش بقلك ماتحبيش
بس الحب لما يبقي نابع من الطرف التاني هو الي بيعترف بية بيبقي افضل ماتشحتيش حب من حد
ادي حب للي حوليكي وشيلي حبك للي يستاهلة للي يقدرك ويقدر حبك
اتمني اكون فهمتك صح الة اعلم
سامحيني لو طوت عليكي اهلا بيكي وسطينا وربنا معك ازكريني في صلاتك

[com2me]

كيف تتحكم فى المشاعر

اذا اردت ان تتحكم فى مشاعرك فيجب عليك أولا ان تعرف كيف يحدث التغير فى المشاعر, الخطوات التالية هى التى تحدث قبل ان تتغير حاله شعورك:

• حدث خارجى يححدث (التواجد فى مكان مظلم مثلا)
• يبدأ عقلك فى تحليل الموقف عن طريق التحدث الى الذات (ماذا او خرج لى لصا فى الظلام؟)
• Yمشاعرك تبدا فى الظهور (فى هذه الحاله الخوف)
• يصبح لديك الاختيار فى ان تجعل المشاعر تزيد و ان تمنعها من الزياده ( فى الحاله الاولى يمكن ان تقول لنفسك "هذا شىء غير واقعى و لا يوجد لصوص هنا", فى الحاله الثانيه ستقول لنفسك "أجرىىىىىىىىىىىىىىىى")

كما رايت فان هناك نقتطان تستطيع فيهم ان تتحكم فى مشاعرك , الاولى هى عند التحدث للنفس حيث كان يمكنك ان تغيير من تفكيرك نفسه الذى سبب لك هذا الخوف و الثانيه عند شعورك بالخوف اول مره حيث كان يمكنك منع الشعور من التفاقم.
خطوات عمليه للتحكم فى المشاعر

بناء على ما سبق نستطيع ان نقول ان خطوات التحكم فى المشاعر هى:
1) تحكم فى تحدثك الى ذاتك
2) اذا حدث و جاءك شعور غير مرغوب فيه فلا تخف, فقط أعرف أنه مازال يمكنك منعه من التفاقم
3) التحكم فى المشاعر قد لا يكون سهلا جدا و لكن فى كل مره تحاول فيها ستجد أنه أصبح أسهل بكثير.
أذا نجحت فى التحكم فى مشاعرك فستتواصل بشكل أكثر فعاليه و ستصبح أكثر سعاده. بعض الناس ليس عنده قدره جيده على الاتصال , لا لانه لا يعرف ماذا يجب عليه فعله و لكن لانه يفشل فى فعله بسبب عدم قدرته على التحكم فى مشاعره

[sasaamad]

سلام الرب لكى اختى او ابنتى واطلب من يسوع المسيح الفادى ان يكون معك ويرعاك وتقعى فى انسان يقدرك ويحبك حب حقيقى مش تسالى والمفروض لانك بنت المسيح لازم تتحكمى بمشاعرك والرب يقويك فى الايمان وينير لك عقلك وفكرك من كل خطية وشر امين

[جرجس البغدادي]

مرحبا فيكي أُختنا في الرب .الرب يبارككي على صراحتك ...
انا بصراحه عندي تفسيرين لمشكلتكي وانا لست اعلم ايهما ينطبق عليكي ولكن ارجو ان تقرأيهما .
1:-
اختنا يجب ان تعلمي ان محبه الرب عندما تفيظ بألواحد تنسية حتى نفسة
والحل لمشكلتك هذه من الناحية الروحية انه انتي لا تحتاجين ان تشبعي من حب الاخرين بعدما غمرتكي محبه المسيح لانه فاض بكي ,, فيجب ان تفحصي هل علاقتك مع ربنا هل هي تمام ام ؟
والاهم خلوتك الشخصيه اليوميه
2:-
احب اقول لكي انة الشيء الذي يواجهكي اكيد اكيد انتِ بحاجه اياه اي الحب لكن هذا لا يأتي قبل الارتباط و الزواج بل يأتي بعدهم هذا افضل طريق للسلوك بألحكمة الالهيه ,, اما الان يجب عليكي ان تظبطي نفسكي من ناحيه المشاعر والحب وكله في الوقت الحاضر وظبط النفس هو احد ثمار روح ربنا (غل22:5) فيجب عليكي كبنت للرب ان تقمعي هذه المشاعر الان بمثابرتك بألجهاد الروحي ضدها وخاصتا ضروري جدا ان يكون لديكي خلوه شخصيه مستمره مع الرب ,و كلما كثرت الجهاد زادت نصرتكي والعكس صحيح واذا اصابكي التعب والعجز ضدها تذكري ما قالة الرب لمعلمنا بولس الرسول عندما تضرع للرب ثلاث مرات من اجل مرضه وكانت اجابه الرب له :في الضعف تكمل قوتي . دائما اطلبي نعمة الرب على حياتكي , فاذا عملتي بهذا ! الله سوف يقويكي ويشجعكي دائما في حياتكي, ولكن خلي وعود الرب امامكي بأنه سوف يختار لكي الزوج المناسب والافضل وسوف يتحقق هذا لكن بألصبر فان صبرتي تنالين وان ظجرتي فالحذر واجب لانه ديه مش من عند ربنا ,, ويجب ان تعلمي يا اختنا انه الانسان اذا تصرف بنفسه يفشل لكن اذا اتكل على الرب وتعاليمه ينجح مع تمنياتي لكي بالنجاح . اخوكي في الرب
جرجس البغدادي

[joseph_tno]

السلام النعمة لكى اختى
يارب اكون فهمت موضوعك صح واحاول انى اقول حاجة تنفعك
احيانا كتير بندور على الحب ودة بيكون نتيجة لحاجات كتير منهم
1- ممكن لانك رومانسية وحساسة زيادة عن اللزوم ذى ما انتى قولتى ودة ممكن يخلى مشاعرك تتحرك مع اى كلمة او اى فعل
2- ممكن يكون علشان اللى حواليكى عايشين قصة حب وانتى لا فتحسى انك فاقدة للجزء دة و محتاجة تعوضية فتبتدى تدورى على الحب
3- انك ممكن تكونى بتدى اللى حواليكى حب كبير ومشاعر كتيرة ومش حاسة منهم بنفس المقدار فتفتكرى ان الحب هو اللى هيديكى
الاحساس دة
4- او انك مش لاقية نفسك مع اللى حواليكى سواء البيت او الاصحاب او الوسط الدراسى او الوسط العملى
5- ممكن يكون عدم الامان انك ممكن متكونيش حاسة بالامان فتتجهى للحب علشان تحسى بالامان

اما بالنسبة لنقطة الجهاد الروحى

الحب مش خطية علشان نجاهد لها روحيا انما ممكن عن طريق الحب نقع فى الخطية لاننا ممكن نعمل حاجات كتير غلط علشان اللى بنحبهم

الرب قريب لمن يدعوة

ربنا وجد فى قلوبنا المحبة و هو اكيد مش هيوجد فينا حاجة وحشة لاكن احنا اللى بنستغلها غلط
اطلبى من ربنا انة يقف جنبك و يخليكى تقدرى تتحكمى فى مشاعرك و يا ريت تصرحى اب اعترافك باى مشاعر جواكى
وحاولى تطلبى من ربنا انة يقف جنبك ويساعدك انك متقعيش فى خطية قوليلة يا رب اقوينى علشان مضعفش


دورك انت

حاولى تعملى زى ما واحد من الاعضاء قال انك تحاولى تشغلى نفسك حاولى تشغلى نفسك فى شغل فى خدمة فى اى حاجة بس تكونى حابة الحاجة دى لانك طول ما انت بتحبيها طول ما انت بتفكرى فيها وحاولى تمسكى مشاعرك كويس حاولى و خلى عقلك يفكر قبل قلبك

صدقينى الحب هيجى لوحدة من غير ما انت تدورى علية

[nnissrena]

ممكن اختى العزيزة تقولى يارب انت عالم بضعفى يارب انت قادر يارب ان تحول من ضعفى زلك الى قوة لانك يارب حاسس انى ضعيفة يارب امام زلك الموقف ليس لدى اى شىء من الممكن ان افعلة سوا ان اقول لك يارب مد ايدك وغيرنى انا يارب عارفة انى مليش غيرك وعلشان كدة مش عاوزة محبة العالم تسيطر عليا لان مازا ينتفع الانسان لو ربح العالم كلة وخسر نفسة