انتى قاسيه
لما اتعب واحزن علشانك .. لما اعاند الدنيا واختارك
لما اتحمل كل المسافات ..لما ابقى معاكى فى كل الاوقات
وانتى بكل بساطه بترفضينى .. بدوسى على حبى وحنينى
بتبعينى برخص التراب ..وانا اللى كنت شايلك فى عينى
يبقى انتى قاسيه
لما احس ان احنا واحد .. وكلامنا واحساسنا يبقى واحد
لما استناكى ليل نهار .. ويبقى بعدك عنى انتحار
وانتى عادى مش فارقه معاكى .. لا ضمير ولاحب ولا هواكى
ابقى بنسبالك شويه ايام .. عدوا وخلاص وكفايه اوهام
يبقى انتى قاسيه
لما اوعدك وأموت نفسى .. علشان اسعدك واعتبرك نفسى
لما اجرى عليكى واحكيلك .. وانسى كل اتعابى واشكيلك
وانتى تبدلينى بشويه حاجات .. تسبيلى بس الذكريات
لما يبقى همك نفسك .. وتقسى على اللى قولتى عليه عمرك
يبقى انتى قاسيه
لما ابقى فى كل لحظه مستنيكى .. طول الوقت بنادى عليكى
لما بدموعى اترجى فيكى ..وابقى ف عذاب ومش بلاقيكى
وانتى فى الاخر بشويه دموع .. تقولى اسفه مفيش رجوع
تختارى بسهوله اللى قدامك .. وتمحينى من ماضيكى وكل ايامك
تبقى انتى قاسيه