[elphilasouf]

نفسي اعرف يا [you]
انت بتستفيد ايه لما تشترك فى اكتر من منتدي

و تعمل past~copy للمواضيع الى فى

المنتدتيات التانيه وتجبها هنا والعكس

او حتى بتجبها هنا بس

امووووت واعرف بتستفيد ايه

اصل هى يا [you]مش بالكم لكن بالكيف

يعنى مش مشكله انك تجيب مواضيع كتير كده
من غير حتى متقراها وتستفيد منها

وتجبها هنا

كل ده ليه عشان عدد مواضيعك يزيد وخلاص
طب اقنعنى
هل ده شئ مهم ؟؟

هل ده هدف اشتراكك فى المنتدي؟؟

ولا هدف اشتراكك انك تستفيد بكميه المعلومات
والحجات الحلوه الى فى المنتدي

وكمان انت كده بتظلم اخواتك الاعضاء الى عندهم
مواضيع لانك بس بتجيب موضوعات

ومش بترد على موضوعاتهم

تخيل كده لو كل الاعضاء عملوا زيك

كده

تخيل

هقولك انا

هتلاقى المنتدي فيه عدد كبير جدا جدا

من المواضيع

غير المنسقه والمكرره

تحيل كده كمان

هتلاقى النسبه بين المواضيع والردود والمشاهدات كبير جدا ومش طبيعى

يعنى مثلا كل

100 موضوع هتلاقى 5 ردود وهتلاقى 10000 مشاهده

صح ولا انا بجيب كلام من عندي

يا [you] ??

المصدر: †† منتدى ارثوذكس †† - من قسم: صندوق مناقشات الاعضاء

[mina3338]

كل كلامك صح طبعا

بس ممكن تلاقي مثلا موضوووع حلو في منتدي تاني

فتحب تشرك بيه أخواتك اللي هنا و طبعا لازم نذكر انه منقووول

غير كده ممكن تلاقي واحد زي

لما بحط موضوع خصوصا لو فيه حاجه تحميل
بنزلها علي كذا منتدي
ودي متهيألي حاجه عاديه
لأن في النهايه الموضوع لنفس الشخص

[elphilasouf]

ميرسي لمرورك يا جميل
وحلو انك وضحت الحكايه دي

مش المشكله فى موضوع او 2 المشكله
انك ممكن فى 10 دقايق تعمل 5 مواضيع
من غير حتى ماتستفيد
او تدي فرصه لغيرك يحط مواضيع

[ELMAGEK]

موضوع جميل وجدا يا فيلسوف
وبجد الواحد بيلاقى موضوع
معمول مرتين بنفس النقط
وبجد نفسنا نفكر ونكتب ونقترح مش مهم
حتى لو فكر ممكن مش تعجب حد
لاكن اللى اكيد انك عبرت على الى جواك
سواء بالتعب فى رفع الحاجة او
المواضيع الى بتكتبها وشكرا مرة
تانية يا جورج يا جميل على الموضوع

[mmg]

لية يا فليسوف بتعمل
Copy>>>>> Paste

اكيد لما بتلاقى موضوع كويس
لية موضوعك بيتعملة
Copy>>>>> Paste
اكيد لانة مميز

وانا الصراحة بلاقى ان افضل وسيلة لعرض وحفظ الموضوع
هوالمنتدى وفايدة لية لما احب ارجع لموضوع حلو قريتة قبل كدة فى اى منتدى
وفايدة لاخواتى لكى يستفادوا منه .....بس !!!!!!!!!!!!!

[كيرو رافت]

صدقنى يا جورج انا بجد زهقت من المواضيع المنقوله لانها بقت كتيره قوى ومالهاش طعم
لانى بحب الموضوعات اللى صاحبها بحث ودور وتعب وجمع حاجات من هنا ومن هناك علشان يجيب لينا معلومه او موضوع او كلمه واحدة مفيدة
انا بجد بقيت بدخل اى موضوع بلاقيه منقول ما بقيتش اعلق عليه ولا اكمل قرايته لانى ما بحسش الموضوعات المنقوله
لكن الموضوعات التى يتم كتابتها وخروجها للنور من عقل كاتبها دى بجد اللى تستاهل المتابعه والقراءة
ساعات كتير بيكون فيه مواضيع منقوله بس مفيده ولكن ده قليل ومن اشخاص معدودة
غير كل اللى بيكتب لمجرد ان يكون ليه عدد مشاركات اكتر

انا اسف ان كنت قاسى بعض الشئ لكن بجد انا نفسى اشوف كل عضو يكتب من ابداعه ومن مجهوده بجد هايكون حلو قوى

ميرسى ليك يا جورج يا سكر انت على مواضيعك الجامدة موووووووووووووووت

[الناى الحزين]

لا انا اعترض بقى على كلامك يا واد يا جورج

لان ممكن اى حد يعمل لموضوع باست وكوبى وميستفدش منه لكن يفيد غيره

وفى مواضيع كتير بتحصل زى كدا

ومعلش بقى سيبهم يا اخى يعملوا كدا خليهم يجتهدو ويكتروا مواضعهم هنا افضل ما يفتحوا مواقع تانيه ما فيهاش اى افاده ولا ايه يا واد يا جورج
هههههههههههه

بجد موضوعك فعلا جميل وهايل كمان انا بشكرك عليه شكرا يا صديقى

[elphilasouf]

وبجد نفسنا نفكر ونكتب ونقترح مش مهم حتى لو فكر ممكن مش تعجب حد لاكن اللى اكيد انك عبرت على الى جواك سواء بالتعب فى رفع الحاجة او المواضيع الى بتكتبها

هو ده الى عوزه
ميرسي ليك يا احلى فادي

[elphilasouf]

المشاركة الأصلية كتبت بواسطة mmg لية يا فليسوف بتعمل copy>>>>> paste اكيد لما بتلاقى موضوع كويس لية موضوعك بيتعملة copy>>>>> paste اكيد لانة مميز !

مش هى ده المشكله
المشكله ان فى ناس كتير بتنقل وهى اصل مقرتش الموضوع
وكمان بتنقل بكمايات كبيره
بدون داعى

[elphilasouf]

المشاركة الأصلية كتبت بواسطة كيرو رافت صدقنى يا جورج انا بجد زهقت من المواضيع المنقوله لانها بقت كتيره قوى ومالهاش طعم لانى بحب الموضوعات اللى صاحبها بحث ودور وتعب وجمع حاجات من هنا ومن هناك علشان يجيب لينا معلومه او موضوع او كلمه واحدة مفيدة انا بجد بقيت بدخل اى موضوع بلاقيه منقول ما بقيتش اعلق عليه ولا اكمل قرايته لانى ما بحسش الموضوعات المنقوله لكن الموضوعات التى يتم كتابتها وخروجها للنور من عقل كاتبها دى بجد اللى تستاهل المتابعه والقراءة ساعات كتير بيكون فيه مواضيع منقوله بس مفيده ولكن ده قليل ومن اشخاص معدودة غير كل اللى بيكتب لمجرد ان يكون ليه عدد مشاركات اكتر انا اسف ان كنت قاسى بعض الشئ لكن بجد انا نفسى اشوف كل عضو يكتب من ابداعه ومن مجهوده بجد هايكون حلو قوى ميرسى ليك يا جورج يا سكر انت على مواضيعك الجامدة موووووووووووووووت

عندك حق يا كيرو فى كل الى قلته
فعلا عندك حق الموضوعات المنقوله
لو رديت عليها او مردتش مش بيكون مهمه او عند كاتبها
لانه متعبش فيها
لكن لو كاتب موضوعك انت و جالك حتى رد واحد بتكون فرحان اكتر