[keroo82]

الصحوبية والأصحاب .. بنات وأولاد .. أيه الغلط في كده ؟

موضوع جديد علشان نعرف ازاي نتعامل مع بعض صح .. ونعيش حياتنا من غير أي خساير


ـ إيه الغلط في كده ؟
ـ لو مش مكتوب في الكتاب المقدس إنه غلط يبقى أكيد صح
ـ طب لو خرجنا مع بعض إيه حدودعلاقتنا ؟
ـ فين الخط اللي نوقف عنده ؟
ـ طب ممكن أصاحب حد مش مسيحي ؟

1ـ هل في اعتقادكم إن في ضغط على الشباب والشابات إنهم يصاحبوا ويحبوا ؟
2ـ إيه الفرق بين الحب والاعجاب ؟ وبين الاعجاب والشهوة ؟
3ـ الكتاب المقدس بيقول لنا لا تكونوا تحت نير مع غير المؤمنين 2كور14:6
4ـ ازاي ممكن الصحوبية تأثر على صورتك الذاتية ؟
5ـ إيه مواصفات الشخص اللي تحب تتصاحب عليه ؟


هتصاحب مين وهتصاحب إزاي .. دي حاجات كثيرة قوي هتقول عن صورتك الذاتية وعن علاقتك بربنا


هتقوللي : ما هو علشان ابقى طبيعي لازم يا إما احب يا إما أصاحب .



أصحابك هيقولوا لك: يا حرام ماعندكيش boy friend .. ياحرام ما عندكش girl friend


يا جماعة مش الشلة هي اللي هتقول لي هصاحب ولا لأ


وعلى فكرة فيه احصائية إن50% من بنات ثانوي و40% من أولاد ثانوي عمرهم ما صاحبوا

بس حتي لو قررت تصاحب وده في حد ذاته مش غلط .. فيه 3 شروط للصحوبية :


الشرط الأول:


لا تلمس

ما نلمسش بعض تحت أي ظروف من الظروف ولا حتى " كفك " ليه ؟ لأن لما نبدأ كده
ولأننا معجبين ببعض .. طبيعي إن بعد شوية عايزين نتمادي.

الأول نمسك ايدين بعض وبعدين نحضن بعض وبعدين مين عارف إيه اللي هيحصل.

الكتابالمقدس بيقول في نش12:4
" أختي العروس جنة مغلقة عين مقفلة ينبوع مختوم "

أوعى تفتكر إن ده بينطبق على العروسة بس.

قول لنفسك النهاردة أنا أستاهل إنك تنتظريني وتحافظي على نفسك علشاني. وأنت
قولي لنفسك أنا استاهل إنك تنتظرني.




الشرط التاني :


لا تعتزل

عايزين نخرج .. نخرج في مجموعات مش لوحدينا ليه ؟

لأن الخروج لوحدينا بيعرضنا إننا نتجرب في علاقتنا .. وثانياً لأن اللي بيحب حد
لازم يحترمه ويحافظ عليه.

الشرط التالت :

لا تنعزل عن اصدقاءك

كثير مش بنكلم غير بعض ومش بنخرج غير مع بعض..

بنسيب كل حاجة: أصحابنا ومذاكرتنا وأهالينا..........

ولما العلاقة بتنتهي بعد شهر ولا سنة بنلاقي نفسنا لوحدينا خالص وفقدنا كل
الناساللي بنحبهم.

العلاقة الأنانية هي علاقة غير سوية..

ليه الصديق أو الصديقة بيطلبوا إن ما تخرجوش إلا لوحديكم؟

العلاقة الصح تنميك و تكبرك

المصدر: †† منتدى ارثوذكس †† - من قسم: الموضوعات الشبابية

[maro52]

ميرسي ليك بجد موضوع حلو اوي ومهم

[melanora]

الله الله بجد موضوع رائع وحلو اوي اوي
ميرسي ليك يا كيرو

[sarsora]

صح الكلام يا كيرو
100 100

[مرموره]

مبدائين انا عايزه اشكرك جدا على موضوعك الروعة و كلامك حلو جدا و كلامك روعة
بس ليا تعليق صغير
كلمة صحوبية كلمة غير صحيحة بتدى معناه بعدم الجدية و التسلية
و نبقى بنظلم كلمة الحب الطاهر و الحقيقى لو ربطنا الكلمة دية بيه



ـ إيه الغلط في كده ؟
محدش قال انه غلط بس فى حدود


ـ طب لو خرجنا مع بعض إيه حدودعلاقتنا ؟
مش اتنان لوحدهم واحترام السمعة خصوصا البنت

ـ فين الخط اللي نوقف عنده ؟
خطوط كتيرة مش خط واحد بدام مفيش حاجة بتربطهم قدام البشر كلهم

ـ طب ممكن أصاحب حد مش مسيحي ؟
صداقة او زمالة متتعداش حدودها لان الدين ده خط احمر كبير بسبب مشاكل كتير


1ـ هل في اعتقادكم إن في ضغط على الشباب والشابات إنهم يصاحبوا ويحبوا ؟
ضغط من نحية اية و ازاى
دية حاجة بيتحكموا فيها الشباب
والعاقل الى يفكر مليون مرة

2ـ إيه الفرق بين الحب والاعجاب ؟ وبين الاعجاب والشهوة ؟
الحب من غير انتظار مقابل و فهم العيوب و محاولة تصحيحها و بيكون فى النور قدام الناس و الاهل و مش بينتهى
الاعجاب : مجرد اعجاب خارجى مظهر او شخصية و بينتهى فى وقت قصير اما بيتحول لحب
الشهوة عكس الحب 180 %

3ـ الكتاب المقدس بيقول لنا لا تكونوا تحت نير مع غير المؤمنين 2كور14:6
4ـ ازاي ممكن الصحوبية تأثر على صورتك الذاتية ؟
جامد جدا بدام هتعدى الحدود بطريقة سلبية
و بطرية اجابية لو كانت حسب الشروط

5ـ إيه مواصفات الشخص اللي تحب تتصاحب عليه ؟
كاصداقة لازم يكون قريب من ربنا
كحب لازم يكون قدام العالم و اكيد قريب من ر بنا و يتحرم السمعة





ميرسى تانى بجد لموضوك و تعبك
ميرسى كتير

[بنت الراعي]

بصراحه كده مش لاقيه كلام اقوله بعد رد مرموره
بس بجد موضوع جمييييييييييييييل جدا
ومفيد جدا
ميرسي اووووووووووووووي كيرو
ربنا يعوضك ويباركك ويفرح قلبك