[do7a_mzk]

صوت حزين والبومات وشوية زكريات
وقلب مجروح ودموع مليانه اهات
حتى الورد اللى بيفكرنى بيها بعدها مات
وانطفى نور البيت ومابقاش فيه غير السكات
والصورة على الحيط بتسألنى فين اغلى الحبايب
االحياه مافيهاش حياه طول ما حبيبك عنها غايب
اسكت وما اتكلمش الاقى دموعى بتجاوب
وابعد عن الصورة واحاول ادارى الدموع
واروح عند الركن اللى فيه الشموع
الاقى الشموع عليها بتسألنى
وتقولى مين بعدها اللى هاينورنى
الاقى الحنين بيعصرنى وافتكر ايام زمان
لما كانت حبيبتى بتستنانى فى نفس المكان
احس بوحدتى وتكتر عليه الاحزان
اسيب البيت وانزل امشى بين الناس
واقول يمكن انسى على الاقل النهاردة وخلاص
الاقى الناس تشوفنى من بعيد
تسألنى انت ليه عايش وحيد
تصحى المواجع والنار جوايا تزيد
وارجع تانى للبيت معايا جرح جديد
يخلص اليوم واتعزب علشان انام
الاقى حبيبتى جيالى فى الاحلام
اقوم من النوم مشتاقلها
واجرى واروح لغايه عندها
واندهلها لكن مش بترد عليه
بس هى اكيد حاسه بيه
اقولها مش هايدخل قلبى حد غيرك
لحد ماتنتهى حياتى على الارض واجيلك
وهو دة الوفا اللى كان بينى وبينك

المصدر: †† منتدى ارثوذكس †† - من قسم: القسم الادبي

[عماد حسنى]

روعه يا دوحه
بجد بجد روعه
كانت فين الحاجات دى من زمان
ربنا معاك ونشوف دايما اعمالك المميزه الجميله اوى اوى دى

[وردة حزينة]

اقولها مش هايدخل قلبى حد غيرك
لحد ماتنتهى حياتى على الارض واجيلك
وهو دة الوفا اللى كان بينى وبينك

اللة اية رقة الاحساس دة يادوحة والوفاء لحبك اللى ملية كلامك
ميرسى بجد القصيدة بتاعك جميلة جدا
وفى انتظار جديدك

[nermos1982]

مش لاقية كلام اقوله يا دوحة.بجد راااااااااااااااااااائعة .
ربنا يباركك ويفرح قلبك

[كيرو رافت]

اقولها مش هايدخل قلبى حد غيرك
لحد ماتنتهى حياتى على الارض واجيلك
وهو دة الوفا اللى كان بينى وبينك
ايه يا ابنى الكلام الجااااااااامد ده
الله على قمه الوفاء اللى انت بتعبر عنه
حقيقى بجد انا مبسوط ان لسه فيه حاجه كدااااااااا
هو دا معنى الوفاء
ربنا يسعد كل ايام حياتك يا قمر

[do7a_mzk]

المشاركة الأصلية كتبت بواسطة وردة حزينة اقولها مش هايدخل قلبى حد غيرك لحد ماتنتهى حياتى على الارض واجيلك وهو دة الوفا اللى كان بينى وبينك اللة اية رقة الاحساس دة يادوحة والوفاء لحبك اللى ملية كلامك ميرسى بجد القصيدة بتاعك جميلة جدا وفى انتظار جديدك

شكرا ليكى ياوردة على مرورك وعلى ردك الرائع اللى حقيقى اسعدنى جدا جدا
ربنا يبارك حياتك

[do7a_mzk]

المشاركة الأصلية كتبت بواسطة nermos1982 مش لاقية كلام اقوله يا دوحة.بجد راااااااااااااااااااائعة . ربنا يباركك ويفرح قلبك

شكرا ليكى نيرمين على ردك اللى بجد بجد فرحنى كتير
وانا اللى مش لاقى كلام اقوله على مرورك واهتمامك
ربنا يبارك حياتك

[do7a_mzk]

المشاركة الأصلية كتبت بواسطة كيرو رافت اقولها مش هايدخل قلبى حد غيرك لحد ماتنتهى حياتى على الارض واجيلك وهو دة الوفا اللى كان بينى وبينك ايه يا ابنى الكلام الجااااااااامد ده الله على قمه الوفاء اللى انت بتعبر عنه حقيقى بجد انا مبسوط ان لسه فيه حاجه كدااااااااا هو دا معنى الوفاء ربنا يسعد كل ايام حياتك يا قمر

حقيقى يا كيرو مش عارف اقولك ايه كلامك دة كتير عليه فعلا
وانا اللى مبسوط بمرورك ومشاركتك اللى نورت الموضوع
وربنا يبارك حياتك

[سمسم 24]

رائع انت يا دوحة بجد كلمات جميلة
واحساسك رائع جدا وعايزين متبعتش
عننا بكلامك الجميل ده
الرب يكون معاك ويحافظ عليك

[do7a_mzk]

المشاركة الأصلية كتبت بواسطة سمسم 24 رائع انت يا دوحة بجد كلمات جميلة واحساسك رائع جدا وعايزين متبعتش عننا بكلامك الجميل ده الرب يكون معاك ويحافظ عليك

شكرا حبيبى سمسم على مرورك الجميل وعلى تشجيعك
ربنا يبارك حياتك