[كيرو رافت]

لكل شئ تحت السماء وقت
اله السماء قادر ان يقيمها من جسد المرض مثل ما قام من جسد الموت ثق فى ذلك
ربنا يحقق لك كل ما تتمناه

[جورج أنور جورجي]

يستطيع كل شئ ولا يعثر عليه أمر
لا يخزي منتظروه
شكرا يا كيرو لمتابعتك وصلاتك لسما دايما

[MICKEY]

طمني يااستاذ جورج
اخبار سما ايه
سامحني علي التقصير الفترة اللي فاتت

[جورج أنور جورجي]

واحشنى يا ميكى عامل ايه كل سنة وإنت طيب وكل أعضاء المنتدى الجميل وخاصة اللى شاركوا فى موضوع سما بالصلاة وتعب محبة إللى وضعوا اسمها على المذبح واللى كلموا كهنة ورهبان مشهود لهم بالبركة
سما دخلت شبه غيبوبة فأكيد الألم خف شوية والدكاترة سايبـينا خالص لدرجة رحنا المستشفى قعدنا 4 ساعات وروحنا من غير ما يفيدونا بحاجة وقالولنا بتعبيرات الوجه إن معندهمش حلول وإحنا معندناش أى حيلة غير اللجوء لربنا " ده وقته خالص ومستنينه "
البابا شنودة ليه مقوله جميلة
" حينما لا توجد حلول بشرية ، تبصر يد الله تعمل "
الجديد إن فى سلام جوانا كلنا حاليا معرفش ده معناه ايه ؟؟؟؟؟؟؟؟؟؟؟؟؟؟؟؟؟؟؟؟
لكن نشكر ربنا عليه ده نتيجة صلواتكم أكيد ربنا هايعمل حاجة حلوة ده إحساسى حاليا يارب يكون الإحساس ده من عنده

[MICKEY]

المسيح : سما حبيبتي عامله ايه الوقتي
سما : تعبانه يارب
المسيح : متخفيش هتخفي قريب اوي اوي ياحبيبتي وتجري وتلعبي مع العيال كمان
بس قولي لبابا يخف عليا شوية لحسن فضحني علي المنتدي
سما : اصله يأس يارب لأنه مش شايف ايدك لحد الوقتي في الموضوع
المسيح : طيب هو فين ادخل اقوله كلمتين
سما : جوه يارب في غرفته

المسيح : انا جاي اقولك كل سنة وانت طيب ياجورج ومتخفش انا مش هسيبك
جورج : وانت طيب يارب وانا واثق في وعودك ليا

هو ده الكلام وهو ده الايمان
والشفاء قريب
وكل سنة وانتي طيبة يااحلي سما عرفتها
وكل سنة وانت طيب ياجورج انت والمدام

اخوك مايكل

[كيرو رافت]

الله عليك يا ميكى
بجد انت انسان جميل ورائع
استاذى الغالى جورج
حبيبتى الغاليه جدا جدا على قلبى وروحى سما ملاكى الصغير
كل سنة وانتم بخير وسلام وان شاء الله يا سما ربنا هايخفف عنك صليبك اللى حملتيه بشجاعة ولم تتذمرى
كل سنة وانتى بخير يا اغلى من روحى بجد يا سما انا بقيت متعلق بيكى بطريقه موش عاديه وبطلب من ربنا دايما يشفيكى وترجعى تنورى الدنيا كلها بلعبك وشقاوتك
يا رب دا موش كتير عليك يا رب زى ما قمت من بين الاموات قادر انك تقومها من مرضها
بحبك قوى قوى يا ملاكى الصغير سما

[جورج أنور جورجي]

بأمانة بتقطع مصارينى يا ميكى
حرام عليك اللى بتعمله فىَّ ده
بتجيب الكلام ده منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
كل سنة وإنت طيب

[جورج أنور جورجي]

وهىَّ لو عرفتك يا كيرو هتحبك أوى أوى

[MICKEY]

بأمانة بتقطع مصارينى يا ميكى حرام عليك اللى بتعمله فىَّ ده بتجيب الكلام ده منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟ كل سنة وإنت طيب

انا اسف لو كلامي بيضايقك او بيجرحك
حقيقي اسف بجد

[جورج أنور جورجي]

"بس قولي لبابا يخف عليا شوية لحسن فضحني علي المنتدي"
على فكرة يا ميكى دايما أكلم ربنا وأقوله أنا مش علشان سما .. أنا على سمعتك اللى الناس كلها عارفاها خايف عليك !!!!!!!!