مساء الورد والفل على احلى اعضاء
النهاردة ميعاد لقائنا الخامس عشر من برنامج الوجه الاخر
عضونا النهاردة عضو مش عادى اب روحى لاعضاء كتير
اخ كبير لينا كلنا
انا كنت سعيدة جدا بلقائى معاه على الاميل
وحقيقى هو شخصية رائعة جداااااااا
كنت عاجزة عن انى الاقى ردود لكلامه
عضو النهاردة عدد مواضيعه
1.881
عدد مواضيع هايل جدا
اجمالي مشاركاته
15.436
عدد اصدقائه
98 صديق
عضو حلقتنا النهاردة
aymonded
zaza : مستر ايمن نورت برنامجنا اهلا وسهلا بيك معانا
مستر ايمن: حللت أهلاً ونزلت سهلاً ، والنور نورك يا محبوبة الله الحلوة
zaza: مستر ايمن فالبداية نحب نتعرف على حضرتك اسمك؟
zaza: مستر ايمن فالبداية نحب نتعرف على حضرتك اسمك؟
مستر ايمن: ايمن فايق - صاحي يعني مش نايم
zaza: ههههههه سنك؟
مستر ايمن: 43 سنة مع الشغل والنفاذ
zaza: ربنا يديك طولة العمر طيب المؤهل؟
مستر ايمن: ربنا يخليكى يا محبوبة الله ، ومؤهلي المؤهل الشعبي : تجارة.
zaza: وظيفة حضرتك؟
مستر ايمن: لا دى يطول شرحها لأنى بعمل فى مجالات كثيرة كلها خاصة
يعنى شغال عندى ، والأساس طباعة سلك اسكرين والتصميم
يعنى شغال عندى ، والأساس طباعة سلك اسكرين والتصميم
zaza: مستر ايمن عرفنا على عايلتك؟
مستر ايمن: عندى زوجة وولد اسمه شادى وابى وامى.
zaza: مستر ايمن مين مثلك الاعلي؟
مستر ايمن: لا دول بقى كتير اوى مش حد فيهم معين له التوب
وصعب احصرهم لأن ليهم تأثير قوي في حياتي الشخصية فعلا
وصعب احصرهم لأن ليهم تأثير قوي في حياتي الشخصية فعلا
zaza: مستر ايمن ايه هى هوايتك؟
مستر ايمن: كتير برده ، منها التصميم والتفصيل والمطبخ والقراءة والاعمال الفنية عموما والنحت على الاسفنج.
zaza: طيب ازاى بتنمى مواهبك ؟
مستر ايمن: بالعمل المستمر فيها
لأن أي موهبة بتنمو بالعمل الدائم والدراسة المستمرة والثقافة العامة فيها
وأي توقف بيأثر ويضعفها
zaza: مستر ايمن حضرتك خادم ولو خادم ايه نوع خدمتك؟
مستر ايمن: ايوه
خدمة الخدام وأحيانا في لقاءت الخدمة واجتماع الشباب
zaza: وياترى ايه هدفك من خدمتك؟
مستر ايمن: معرفة الله كشخص حي وحضور مُحيي والدخول في دائرة محبة الثالوث القدوس
zaza:طيب من وجهة نظر حضرتك ايه السلبيات الموجودة فالخدمة؟
مستر ايمن: السلبيات الرئيسية
هو عدم الخبرة مع الله كشخص حي وحضور مُحيي في حياة الخادم
وكثرة الفلسفة والنظريات
هو عدم الخبرة مع الله كشخص حي وحضور مُحيي في حياة الخادم
وكثرة الفلسفة والنظريات
zaza: طيب ازاى ننمى خدمتنا نصيحة منك لينا كخدام صغيرين؟
مستر ايمن: الأساس هو عمل علاقة حية في المخدع بالصلاة ولقاء حي مع كلمة الله يومياً
وحياة التوبة المستمرة والاعتذار عن أقل هفوه في حياة الإنسان أمام الله
والتشرب من النعمة والملئ بالروح القدس
والتشبه الدائم بحياة الآباء والقديسين من جهة استلام الخبرة منهم
وقراءة كتابات القديسين لا من جهة المعجزات إنما من جهة التعليم
ده باختصار شديد والنقط الهامة لكل خادم حقيقي
zaza: مستر ايمن فاكر اول قصة حب عشتها؟
مستر ايمن: مش فيه غير قصة حب واحدة فقط كانت في حياتي وهي زوجتي لأنها كانت فعلاً أول وآخر قصة
أصلي بصراحة طول عمري مش كنت مشغول بحاجة تانية غير الكتب
بتاع كتب بقى فمش فضيت احب حد من الأساس هههههههه
zaza: هههههههه طيب ايه هي العوامل اللى ساعدت علي نجاح علاقتك مع زوجتك او وقتها كانت حبيبتك
مستر ايمن: البساطة والتلقائية الشديدة
zaza: ايه رايك فى الحب اليومين دول؟
مستر ايمن: مش اقدر أبدي رأي قوي لأن معظم اللي عرفتهم حبهم مش حب أصلاً وقليل من اللي عرفتهم حبوا فعلاً
وكل جيل يختلف في التعبير عن الجيل السابق له
zaza: طيب الناس كلها بتقول مفيش حب فالزمن ده ايه رايك فى الكلام ده؟
مستر ايمن: مستحيل طبعاً
أكيد فيه حب وباشوفه عند البعض فعلاً
فالكلام ده بيجي بسبب عدم اختيار شريك الحياة المناسب
أو بسبب الحب المراهق عند الكثيرين
واوعي تصدقي ان مش فيه حب
zaza: مستر ايمن طيب في سن مناسب للارتباط؟
مستر ايمن: يفضل دائماً ومش قانون بعد بعد سن 24 بالنسبة للولد
علشان بس على الاقل يكون فيه شويه نضوج عاطفي
علشان بس على الاقل يكون فيه شويه نضوج عاطفي
والبنت برضو بعد 23 لنفس ذات السبب
طبعاً كلامي مش قانون ولكن من جهة التفضيل
لأن من خلال خبرتي
كل قصص الحب للسن الأقل معظمها مراهق شوية وبتفشل
ويقولوا في الآخر مافيش حاجة اسمها حب بسبب الفشل الطبيعي أنه يحصل في هذه السن
zaza: اوصفلنا صفات شريكة حياتك في 3 حاجات؟
مستر ايمن: بسيطة - غير متكلفة - مترددة أحياناً كثيرة جداً
azaza: مسترايمن الناس دلوقتى تختلف عن زمان كتير ايه كان موجود زمات ودلوقتى مات؟
مستر ايمن: الاهتمام الاجتماعي وكثرة الزيارات واللقاءات الثقافية وتبادل الخبرات
zaza: لو طلبنا من حضرتك تتمنى حاجة واحدة ترجع لزمنا تختار ايه؟
مستر ايمن: العقل المنفتح والذهن المستنير
هما دول بصراحة حاجتين متلازمتين وصعب الفصل بينهم العقل المنفتح والذهن المستنير
zaza: ايه هو هدف حضرتك فالحياة؟
مستر ايمن: الامتلاء من محبة الله باستمرار وبلا توقف لأنها نهر سباحة لا يُعبر
zaza: طيب ايه سر ثقافة حضرتك الكبيرة دى؟
مستر ايمن: السر كله في الله وحده وانفتاح الذهن بالروح يعني مش ليا فيها أي فضل فعلاً
أنا كان آخري زمان ميكي جيب وكنت أكره القراءة جدا
zaza: ايه قربك من القراءة؟
مستر ايمن: لقائي الخاص مع شخص المسيح
zaza: ممكن توضحلنا اكتر؟
مستر ايمن: اعفيني من التوضيح ولكن كل اللي اقدر أقوله
عندما ينفتح الذهن بسر عمل الله في القلب
يتلقف المعرفة باستنارة الروح القدس
وبعد كده يستمر في المعرفة والفهم بإرشاد الروح القدس
ومش يقدر بعدها الإنسان يكف عن البحث والتفتيش بشغف ولهفة
لأن الله يحرك فيه المعرفة بعمل الروح القدس
فتستنير النفس وتتحول فيها المعرفة لعمل وحياة
zaza: طيب ايه اكتر انواع الكتب اللى بيشدك؟
مستر ايمن: الكتب اللاهوتية والآبائية بعشقها عشق خاص مع تاريخ الكنيسة وسير الآباء مُعلمي الكنيسة
zaza: مستر ايمن ايه شدك ل منتدى ارثوذكس؟
ومين اول عضو لفت نظرك فالمنتدي
مستر ايمن: يااااااااااااااه رجعتيني لأيام زمااااااااااااااااااان
ابدا كل اللي خلاني ادخل كنت بابحث عن موضوع معين وصادف أنه في أرثوذكس
وبعدين اتعرفت على هيما اول مرة
حينما ذهبت للقاء واحد اعرفه في الكاتدرائية
وبعدين هيما دبسني في المنتدى كمشرف عام
ههههههههههههههه فكرتيني ليه بس
هههههههههههههههههه ربنا يسامحك يا هيما
اول عضو لفت نظرى طبعاً ميكي هايكون مين غيره
بالإضافة كان فيه ناس
وكانوا رائعين في المنتدى
زي إرميا وبولا
بس دول حالياً غير متواجدين من سنتين تقريباً
مش بولا بتاعنا ده بولا تاني
ولا إرميا اللي موجود مشرف حالياً ده إرميا تاني خالص
zaza: مين اكتر عضو مفتقده ونفسك يرحع تانى؟
مستر ايمن : بصراحة كتير مش قليلين
واحد زمان اسمه ماجد وبولا غير إرميا وبوبا ومرمورة ولستة كبيرة تتعدى ال 90 شخصية مختلفة
بس كان ليهم اثر في المنتدى حلو
وكان عندهم ثقافة وحب معرفة واطلاع جميل ورائع
zaza: تمام طيب مين اقرب عضو لقلب مستر ايمن؟
مستر ايمن: لأ دول كتير قوي بصراحة
يعني ممكن أذكر لو فيه مكان أكثر من 350 عضو بس
zaza: طيب هديك شوية صفات شوف هتديها لمين؟
نشيط
شاعر
غيور
عصبى
متحمس
مستر ايمن:
نشيط: هيما
شاعر: عماد حسنى
غيور: كراكيب - غيور على عمل الله طبعاً
عصبى: عادل هههههههه معلش يا اجمل عدول جت فيك
متحمس: مجدى لازم نجيب سيرته
zaza: مستر ايمن دمعتك قريبة؟
مستر ايمن: لأ صعبة حبتين ومش تيجي إلا في الشديد القوي
لما تيجي ظروف صعبة جداً
انا مش باتكسف طبعاً اعيط قدام حد
ده عادي جدا بالنسبة ليا
مش عندي حساسية من ده خالص
لسبب أني إنسان تحت ضعف زي اي حد
يبقى ايه اللي يخليني أخجل من ضعفي أو حتى من بكائي
zaza: حسيت بالظلم قبل كده؟
مستر ايمن: مع أني اتظلمت بعدد شعر راسي ولكن عمري ما حسيته كأحساس يجعلني أتاثر أو أبكي بسببه
بل الموضوع عدى ببساطة شديدة عندي، وفرحت واتعزيت بقوة وعبرت عليه ببساطة
zaza: مستر ايمن اوصفلنا شخصيتك؟
مستر ايمن: باختصار وبدون لف ولا دوران وبكلمتين مختصرتين اقدر اعبر فيهم عن نفسي بوضوح شديد وببساطة
أنا الخاطي اللي حبه يسوع
بس هي دي شخصيتي كلها
zaza: مستر ايمن ايه رايك فى سياسة البابا شنودة فالتعامل؟
مستر ايمن: هو دائماً بيتعامل بحكمة في أشد الحالات ثورة
والله فعلاً يكون في عونه
لأن الحمل عليه كبير وثقيل ولا أعتقد أن في حد يستحمل ما يحمله من ثقل
المفروض أن الكل يصلي من أجله - الشعب كله
من أجل أن يعطية الله قوة لاحتمال المشقات بصبر
zazazaza: مستر ايمن بتحب الرياضة؟
مستر ايمن: لأ خالص دية الحاجة الوحيدة اللي لا اطيقها ولا احب اسمع عنها خالص
zaza: مستر ايمن ايه مبدئك فى الحياة ؟
مستر ايمن: حب الرب إلهك من كل قلبك ومن كل فكرك ومن كل نفسك ومن كل قدرتك
zaza: مستر ايمن تقول ايه لاعضاء منتدانا؟
مستر ايمن: أقول منورين المنتدى بوجودكم المشرق فيه فأنتم شمسه التي إن غابت
يصبح ظلام دامس وليس له إشراقة حياة
zaza: تقول ايه ل هيما؟
مستر ايمن: المسيح يسوع ملك المجد وسر خلاصنا وشفاء قلوبنا الحقيقي يعينك جداً على حملك
ثقل المنتدى ، والعمل الدائم فيه ليكون أفضل
ويهبك حكمة ورؤية متسعة للعمل الدائم لأجل مجد اسمه
zaza: لو طلبنا من حضرتك نصيحة لينا كشباب تقولنا ايه؟
مستر ايمن: انتبهوا جداً لهذه الأيام لأنها صعبة للغاية
أن لم تأخذوا حذركم هاتضلوا لأن لقمة العيش صعبة والميديا بقت خطيرة
لأنها تبث شرور تفسد طبيعة الإنسان الصالحة
ومن كثرة الأثم تبرد محبة الكثيرين
فانتبهوا لحياتكم الروحية واعطوا قلوبكم لله لأنه قريب
لو ولاده طبعاً مسكوا فيه هايحميهم
اما لو تركوا يده باختيارهم وحبوا الأثم
فكيف يحميهم
zaza: طيب كلمة اخيرة لبرنامجنا؟
مستر ايمن: برنامج رائع يقرب الأعضاء من بعضهم البعض بمعرفة شخصيتهم
فحافظوا على استمراريته بلا توقف ودائماً تابعوه بالتطوير
من جهة الشكل والمضمون
وصلوا كثيراً
حتى تمجدوا الله من خلال كل لقاء
لتظهروا جوانب الشخصية من جهة الجمال الإلهي الموضوع فيها بالسر
لأن كل نفس لها سرها الخاص
والجانب الإلهي فيها
لأن صورته في داخلها
وباعتذر عن تطويلي في الكلام
zaza: لا خالص انا متشكرة جدا على اللقاء الجميل ده نورتنا
مستر ايمن: عموما سرني هذا اللقاء لأنه مع أجمل أخت حلوة
الكل يحترمها ويقدرها
أنا اللي أشكرك باسم ربنا يسوع على محبتك الأخوية التي تنبع من رب المجد الذي فاض بروحه فينا روح المحبة الحقيقية
بارك الله عملكم وقواكم بغنى نعمته
غنى نعمة ربنا يسوع تفيض في داخلكم مسرة وفرح المحبة
دلوقتى الميك معاكم انتم عاايزين اسئلة جامده للضيف اللى معانا واخيرا نامل ان تكون الحلقه نالت اعجبكم وصلوا من اجلنا كثيرا
انتظروا عضو حلقتنا القادم
عضو حابين نعرف عنه اكتر من على قرب
انتظرونا الحلقة القادمة
اميل البرنامج
[email protected]
مع تحيات