مرفوع متهان فوق الصليب
مضروب متعذب وما فيه طبيب
الكل بعد عنه وسابه حتى اقرب الناس ليه
شافوا حبه وحنانه وعمل معجزات كتير
وفى وقت المه وجراحه الكل يبعد مالهم ساعتها حبيب
شايفين جراح والام وصرخة اه بتدوى
شايفين مسامير وشوك وقلب ام من جرح بيدمى
واللى بعد ماكان معاه فى اقرب طريق باعه
سابه وكأنه ماشافه وبيطالب كمان بصلبه وزيادة جراحه
اصحى ياانسان فوق ده اللى خلقك بايديه
جاى دلوقتى تسمرها وناسى الهك واللى عمله ليك؟
زمان بلسانه قال انه ندمان على الانسان
واداله مليون فرصة وفضل زى ماكان
وياريته فاهم وعارف وشاف ده لسه زى ماهو من زمان
قلبه مليان قسوة ولا عرف لحظة الحنان
ومع كل ده ربنا نزل من اعلى سماه علشان قلبه المليان حنان
ولاده ماهانوش عليه رضى هو بالهوان
واهو مرفوع متهان فوق الصليب
مضروب متعذب وما فيه طبيب