ايه هى امنيه حياتك

أختي العزيزه ساره
واضح إني هاكون أول واحد ينال شرف المشاركه في اللعبه دي.و لو كنت فاهم اللعبه صح يبقى لازم دولقت

1) أقول أمنية حياتي ايه؟
2) أجاوب لى سؤالك
3) اسأل اللي بعدي

1) أمنيه حياتي إني يكون عندي طريقه أبر بيها لكل إخواتي بنات المعموديه عن حبي ليهم بشكل عملي. يعني أقوم بواجبات الأخ كما يجب: أخاف عليهم و أهتم بيهم

2) بالنسبه لسؤالك يا ساره،الحقيقه مش عارف لأن أكتر حب حسيت بيه في حياتي كان حبي لأخت لينا في الكنيسه، لأننا كنا متفاهمين لدرجه لا توصف لدرجة إننا ماكناش بنحتاج نتكلم مع بعض من كتر فهمنا لبعض كنا دايماً نقعد مع بعض ساكتين لكن كل ده إتبدد لما إتكلمنا مع بعض و بدأنا نخطط لمستقبلنا كعريس و عروسه. سانها إكتشفت إن حبنا كان و مازال حب إخوات و اللي أكد لي كده إني كنت سعيد جداً يوم فرحها

3) سؤالي للعضو اللي بعدي: إيه رايك في الموضه اللي بنشفها في ملابس المسيحات في الافراح ؟

انا اللى اتشرفت يا استاذ توميان
وربنا يحقق كل امنياتك
اقولك رأى ان المفروض ان كل واحده بتتمثل بالسيده العذراء
وايه يعنى الموضه دى دى حاجات تافه
اللى بعدى ايه اكتر عضو بتحبه او صحبك اوى فى المنتدى؟؟؟؟؟؟؟

ناى حزين - جاسيكا

امنية حياتى انى اسافر

انت بتعيش قصة حب

بجد انا اللى فرحانه بردك الجميل واهتمامك بالوضوعات اللى عملاها
وبعدين المنتدى ده علشان نتعرف على بعض فلازم نكون اصحاب وانا كتير فرحانه ان احنا هنبقى اصحاب ده لو ماعندكش مانع

طبعاً عندي كل الموانع
لأنك ببساطه أخت العزيزه
و لي كل الشرف

اولا ميرسى كتير على ردك الجميل وربنا يحقق لك كل امنياتك
ثانيا مفيش صداقه بين بنت ولد انا عندى بنت صديقتى كانت بتحب ولد وكانت بتحكيله كل اسرارها
بس وبعدين اكتشفت ان الولد بيضحك عليها وسبها بعد ما عرف كل اسررها بس كمان ممكن يكون فى صداقه بس على حدود ومن غير ماتقول الاسرار
اللى بعدى بقى ايه رايك فى المنتدى والمواضيع

مساء الخير يا ساره
على فكره، دي فلاً صدفه بجد مش قصدي إني اتتبع مواضيعك.
المنتدى جميل و لذيذ جداً . ربنا يبارك القائمين عليه.
و سؤالي: إزاي اضيف موضوع؟

لا يابنى عادى احنا هنا اصحاب مع بعضينا
ويبقى رد برحتك انت عايز تعرف ازاى تضيف موضوع
اولا تجيب المنتدى العام هتلاقى على جنب من فوق
كلمه موضوع جديد تدوس عليها وتكتب الموضوع بتاعك
واسمه وبعدين تدوس ارسال ولو عايز تشوفه قبل ماتبعته
تدوس معاينه
اى خدمه يااستاذ توميان

ميرسى كتير اقوى ياباشا

إحــــم
مـــــرفــــــــــــــــــوض
أختي حبيبتي ما تشكرنيش ابداً