الصيام النص نص خلص، يلا نبدأ نصوم بقى!

X الحقيقة ان الفترة اللى فاتت كان من ضمن الصيام طبعاً .. بس معلش الصيام مش مجرد صيام عن الاكل .. الصيام هو تدريب الروح كى تستعبد وتمسك زمام الجسد، عملاً بالآية القائلة: "بل اقمع جسدي و استعبده"، الصيام تدريب لترك ذات النفس والتلذذ بذات الله نفسه، الصيام تدريب للجهاد العنيف ضد الخطايا عموما والخطايا المتسلطة خصوصاً .. الصيام هو فترة نقاهة الروح من فساد طبيعتها الحادث بفعل الخطية.X واذا اعتبرنا ان صيامنا هو صيام الاكل والشرب يبقى احنا لسه معرفناش يعنى الصيام ولسه مستفدناش منه.الحقيقة ان الصيام يشمل ايضاً البعد عن كل ما يستعبد الجسد حتى لو كان فى نظرك مش خطية (زى الصداقة الحميمة – التعلق بانسان بطريقة زائدة – الاهتمام بأمور الحياة بطريقة مستمرة – حب اللهو والخروجات الدائمة – ادمان بعض المأكولات او المشروبات حتى وان كانت صيامى – ادمان الافلام او النت او التليفزيون …)، بس هو بالفعل خطية لأن جسدك وروحك هم ملك خالقهما ومفيش لأى شئ آخر حق انه يستعبدك غيره .. بس هو مش هيستعبدك بالعافية، هو عايزك انت تروحله برجليك وتطلب منه بالاحاح انه يتغاغل جواك ويطرد كل ما هو ردئ وفاسد بعقلك، فتقول مع المزمور: "تغسلنى فابيض اكثر من الثلج – تسمعنى سروراً وفرحاً فتبتهج عظامى المنسحقة".X يبقى كده نلخص الكلام بأن الصيام مش مجرد صيام عن الاكل او الشرب او حتى الخطايا، انما هو صيام عن كل ما يتعلق به الانسان بشدة او بمعنى آخر صيام عن كل اللى بتحبه .. طيب هل انتهى دور الصيام عند هذا الحد، طبعاً لأ، الصيام عبارة عن جناح لطائر، الطائر ده محتاج لجناح تانى ومحتاج لطاقة داخله عشان يقدر يطير، وده نقدر نمثله كالآتى:الجناح الآخر: هو "الاتصال بالله"، لم اقصد الصلاة بس .. فالصلاة عبارة عن اتصال فردى، لكن لازم الاتصال يبقى اتصال ثنائى عن طريق قراءة الكتاب ومحاولة فهم كل جزئية نقرأها عن طريق تفاسير الكتاب وديه متاحة على النت عن طريق برامج او كتب ممكن نشتريها.الطاقة: وديه عبارة عن الاسرار المقدسة، وطبعاً الانسان عشان يحقله التناول لازم يبقى تايب عن كل شر .. يعنى يسبق التناول حاجتين: التوبة القلبية والاعتراف عند الأب الكاهن.X أغلب اللى رغيت فيه ده معروف عندنا كلنا، وده الصيام اللى المفروض نطبقه طول الفترة اللى قضيناها. إنما ايه الجديد فى الموضوع… الجديد ان اللى فات كوم، واللى جاى كوم تانى!!X اللى جاى هو اسبوع البصخة المقدسة، الاسبوع ده احنا بنعلن تجديد طبيعتنا الفاسدة بطبيعة جديدة، بنعمل عملية تطهير بشعة لحياتنا بحلوة ومرها لتصبح حياة تانية من نوع تانى، طب ليه .. عشان فى عملية الفداء حصل "مصالحة" يعنى أخذنا لقب ابناء الله من جديد بعد ما أتاخد مننا بسبب خطايانا.طيب ايه بقى اللى المفروض نعمله فى الاسبوع ده تحديداً .. الامتناع الشديد عن كل السقطات والصغرات والخطايا المفضوحة والمستترة، والخطايا الكبيرة والهفوات.وضع الله فى المرتبة الاولى والالتزام بصلوات الاجبية مع الصلوات الارتجالية.الصيام الانقطاعى لفترات متأخرة، والافطار عليه طعام قليل وغير شهى، وعدم تجهيز اصناف كثيرة على المائدة.الالتزام بحصور جميع البخصات فى مواعيدها، وذلك مشاركة منا فى التأمل فى آلام المسيح من أجلناالتحلى بالصمت لفترات كويلة ومراجعة الذات وفحص القلب والانسحاق طلباً للغفران واستمطار مراحم الله، لأننا جميعاً اشتركنا فى صلبه بسبب خطايانا المستمرة.الالتزام بالميطانيات اليومية بخشو وتركيز وانسحاق.مواصلة قراءة الكتاب ويفضل قراءة كتب وتأملات عن الصليب وذلك لمعايشة الجو الروحىالابتاد عن كل المعثرات المحيطة وعن كل شكل من اشكال الفرح الأرضى (يعنى مفيش تليفزيون، مفيش اغانى، مفيش صحاب، مفيش خروجات، مفيش فسح، مفيش shopping، مفيش شرا لبس عيد دلوقتى ….)على فكرة فيه ناس كتير بتصوم انقطاعى وتفطر على عيش وملح الاسبوع ده، ناس كتير بتقلل حتى من شرب الميه بعد الفطار … ده تحكم فى الجسد واذلاله لصالح الروح.كل اللى فات ده نموذج لمعايشة اسبوع البصخة ومش تقييد او ذل للانسان … انما ده تدريب روحى مهم لكل واحد، الكويس والوحش والنص نص … وهو ده الاختلاف عن الصيام اللى فات .. والصيام اللى جاى ,,, اللى هو على حق ربناربنا معاكواااا