عشنا وشفنا

عشنا وشفنا ..واللى يعيش ياما يشوف
دنيا بتألم………………. تغدر تظلم
غيمه بتبعت مطرة خوف
حتى الناس مبقتش خلاص تعرف ايه معنى الاخلاص
واللى يخون دايماً بيكون مرفوع عالعين والراس
واللى نحبه ونشترى قلبه بيغرس جوه قلوبنا سيوف
عشنا وشفنا واللى يعيش ياما يشوف
ليه يا زمان
ليه الظلم وليه الغدر …ليه الجرح وليه الدمع
ليه يا زمانى بنزرع بذر…يطرح شوك وجراح مش زرع
كل حياتنا جراح وعذاب…كل أمالنا عماله تضيع
كل ما نوفى لاى احباب…لازم يوم احبابنا تبيع
كل حياتى ماليها الحزن…ليه يازمانى بتقسى عليا
كل ما اجى ارمى القلب فى حضن..عمر الحضن ما يسأل فيا
حتى الجرح رايح جاى زى الطير ملهوف
عشنا وشفنا واللى يعيش ياما يشوف