انا نبتة من غرس سيدي بقولها وبدون خوف او فتور

كل دة علشان عاوزين ايمانا يخور

حروب وقتال ودماء شهدا بحور

بلا زمب دول في الكنيسة وداخل السور

لا كاميليا اسلمت ولا غيرها دة تلفيق امور

مفيش حاجة تفصلنا عنك يا الهي حتي لو الدم مهدور

دم اولادك عندك غالي انا مش راح ابات محصور

حزينة عليكي يا مصر يا اللي باركك يسوع وام النور

عقدوني منك سلفي وسني وشيعة وعقول صايبها دمور

كنت بحب فيكي الامان يا بلدي وبزرع فيكي الزهور

اصبحتي تستبيحي دمي وتشربية وتتكيفي كما الخمور

دم مينا وابانوب ومايكل مش رخيص ومش للقبور

دة مكانتهم عالية جدا دول شهدا ومنار ونور

ولو فضلتوا يا سلفين تموتوا فينا ودمانا صارت بحور

هنفضل مسيحين لاخر نفس ودنيتكم دي تغور

انا نبته من غرس سيدي بقولكم بكل ايمان وبدون فتور

ولا هنخاف ولا هنتاثر والايمان هيكبر وحبنا ليسوع والشعور

جوايا الم ونار مع فرق التشابة لما كانت شايفة العزابات ام النور

دمك يا حبيبي مش غالي علي الهك هو قبلك نزفها بسرور

وانا لو هستخسرك فية ابقي مسحقهوش ولا في قلبي نور

هو اللي قال وعلمني في الكتاب المقدس منار العصور

مش جديد علينا وعلي كنيستنا الام العظيمة الطهور

انك تضطهدي ويذبحوا ولادك ويفكروا كدة بيبنوا في الجنة القصور

كنيسة القدسين ونج حمادي وامبابة ويا تري مين علية الدور

نفسي اكون شهيدة واخد معاكم البركة العظيمة بسرور

بس اكون معترفة وتايبة وذاكرة كل هفوة لابونا ومعدية الجسور

علشان اقابل سيدي بمصباح مضاء واكون نور من نور

اخواتي دة احساسي لما سمعت الخبر دلوقتي بتاع كنيسة امبابة

سامحوني كلام بدون ترتيب وخلطبيتة عامية علي فصحي

انا عارفة ان اللي بيكتبو شعر مشاعرهم رهيفه وحساسة واكيد بيتاثرو بالاخبار دي

لو اي حد دخل الموضوع وحابب يخرج اللي حاسس بية هنا اتمني ذلك

نبتة من غرس يمينة
201157