يوم ميلادك
ليه عشانى.. رغم قلبى….. كل يوم بينكرك
سبت سماك..تركت علاك..اخترت هناك
جوة المزود مولدك
+سمعت صوتك رد علىّ ….انت يابنى غالى علىّ
علشانك خلقت الدنيا….واديتك من عندى حياة
لكن انت ناويت النية…مع قلبى كسرت الوصية
لما سمعت كلام الحية ..كلامى نسيته أنا الاله
ولسة يابنى بتسأل ليه
يوم ميلادك.. جاى ياربى ..بين ايديك أسألك
ليه عشانى.. رغم قلبى….. كل يوم بينكرك
سبت سماك..تركت علاك..اخترت هناك
جوة المزود مولدك
+سمعت صوتك بيقول…فى ايدين ابليس المرذول
كنت هناك يابنى مذلول ..لازم أجيلك علطول
لا ملاك ولا حتى رسول..عن خلاصك أنا المسئول
ماهو كمان مش معقول..أسيبك تانى فى ايده يوم
ولسة يابنى بتسأل ليه
يوم ميلادك.. جاى ياربى ..بين ايديك أسألك
ليه عشانى.. رغم قلبى….. كل يوم بينكرك
سبت سماك..تركت علاك..اخترت هناك
جوة المزود مولدك
+سمعت صوتك بينادينى..يابنى ارجع هتلاقينى
فاتح حضنى ومستنيك…يوم ماترجع من بعيد
يابنى ارجع لى من تانى..أنا معايا خلاص مجانى
يوم ميلادك كان يوم ميلادى..فيه كان ليك ميلاد جديد
ولسة يابنى بتسأل ليه
يوم ميلادك..جاى ياربى.. بين ايديك أشكرك
ده أنت عشانى..رغم قلبى..كل يوم بينكرك
سبت سماك..تركت علاك ..اخترت هناك
جوة المزود مولدك
