القسم الادبي
جواااااااااااااااب
جواب
مش هاقدر ياربى أتكلم .. ولا هاقدر أقف قدامك
لكن اللى مخلينى بحاول .. طيبه قلبك وحنانك
مش هاقدر أبص فى عينيك .. ولا أرفع حتى ف عينياّ
بس كلامى هاكتبه ليك .. وانت حاسس باللى بيا
هاكتبلك ياربى جواب .. هاكتبلك بكل ما فيّا
وسامحنى على الغياب .. أبن وتاه عن الراعيه
صدقنى مش قادر أتكلم .. عايز ارجع تانى لمكانك
أفضل أبكى وأبكى وأبكى .. محنى براسى على أقدامك
محنى بس مقرب ليك .. اغسل بدموع عينى رجليك
حتى لو مش هاتمد إيديك .. كفايه عليا تشوفنى عينيك
تشوفنى يارب بكل جروحى .. جروح جرحتنى وانا بعيد
بعيد عن مصدر نفسى وروحى .. جروح خلتنى ابقى وحيد
ايوه ياربى انا هاكتبلك .. مش بالألم ولا بالعذاب
هاكتبلك على انى انا ابنك .. وهاتفتحلى كل الابواب
انا هاكتبلك ومستنى الرد .. مش هاستنى من اى حد
هاستنى بإيمان صاحب الحنان .. هاستنى الرحمه وإعاده البنيان
