وبعدين يا مار مينا

وبعدين يا مارمينا…
كنيستك في صول وكمان كنيستك في إمبابة
هو المسيحيين دول غلابة !
ولا ال مسيحيين دول يتامى !
المسيحيين دول دم المسيح عليهم علامة
المسيحيين دول دم يسوع عليهم حماية
هو أنتوا يا مارمينا مش حوالينا عاملين سحابة ؟!
يعني يتقال على المسيحيين مالهمش صاحب وإنكوا مابتعملوش حاجة
يعني إبليس يعمل لة من أعوانة سحابة سودا !
مين يسكت الأصوات الكدابة ؟
وإنتوا يا سحابتنا وشفعاءنا كأنكوا ولا تعرفونا
وفي الظلم و الإضطهاد تسيبونا

دة اللي الشياطين عاوزين بية يوهمونا
دة اللي الشياطين بية عايزين يذلونا
دة كلام مايرضيش رب القوات أبونا
اللي الواحد من أولادة عندة , ثمنة أغلى من كل اللي بيتعبونا
يا ربي يسوع مدإيدك بشفاعة البابا كيرلس ومارمينا