نفسى…
نفسى فى يوم الاقى روحى
و أعيش حياتى وياك
و أروح الكنيسة علشانك
مش علشان الناس الى هناك
و أصلى و أصوم من قلبى
و أستنى حياتى معاك
نفسى أكون شوكة أو مسمار
علشان أتعذب و أحتار
أحتار فى قوة ناسوتك
و جباروت لاهوتك
أرجوك أقبلنى تحت رجليك
و أنا طول عمرى ها عيش ليك
نفسى أكون كرباج أو حربة
أحسن من توهتى فى الغربة
غربة شديدة فى دنيا بعيدة
جرفتنى بقوة عنيدة
صحيح الشر أيده قوية
لكن أيدك أدتنى قوة خفية
نفسى أكون خشبة فى صليبك
و أحاول أطيب جرح يصيبك
ياريت يارب شر قلبى يزول
و أفضل قاعد جنبك على طول
جرحى ليك مالوش دوا
و أنت الى مالك المية و الهوا
نفسى أتعلم منك الحب و الطمأنينة
ما أنت دايما محوط علينا
لازم أحاول طول عمرى
أكفر عن زنبى و جرمى
و أشوف حياة جديدة ترضيك
و تحيا فيا و أحيا فيك
نفسى أكون منديل على وشك
أحسن ما أنا عمال أغشك
و أكدب على نفسى وعليك
و مفهمهم أنى عايش ليك
زنوبى كترت على كتافى
و لو بكيت طول عمرى مش كافى
نفسى تخبط على بابى و أسمعلك
و أروح جرى و أرجعلك
أخواتى وزعوا الميراث و ماعملوش حسابى
و أنت الوحيد الى حاسس بعذابى
علشان العالم همه جمع الفلوس
و انت الى يهمك خلاص النفوس
نفسى أكون أرمل أو جعان
علشان تحن عليا و تخلينى شبعان
تشبعنى من كلامك الدافى
الى لو أتأملت فيه عمرى كله مش كافى
حضنك ليا دفا وحنان
و أنا طول عمرى حاسس معاك بالأمان
نفسى أكون فرحان و سعيد
لما يجى يوم العيد
العيد فرحة للى معاك
و يتمنى حياته وياك
أما الى همه جمع الفلوس
فالعيد بالنسبه له كابوس
