القسم الادبي
نداء قلب
الهي…من كتر بعدي
غاب السلام, زادت الآلام, صعبه الايام
الهي… محتاج اليك
تمسح دموعي, تجّبر ضلوعي, تقودني لرجوعي
الهي… انا في اشتياق
ارجع اليك,تمسكني باديك, واسند عليك
الهي… انا صنعة اديك
ياعلم بضعفي, يا شايف اللي مخفي, يا حنين وتشفي
الهي… غرقان في ظلمه
من كتر آثامي بافكاري وكلامي اظلمت ايامي.
الهي… مين لي غيرك
يرفع احمالي, يجدد آمالي, شاريني بالغالي
الهي… انا بالجأ اليك
يا حصني المنيع من كل مُريع في حضنك يضيع
الهي… يا سند الضعيف
دعيتك في ضيقي تنور طريقي وتكون لي صديقي.
