القسم الادبي
ناسى أنجيلى
ناسى أنجيلى
فين الحب اللى حبتهولك..شوف صليبى عليه قايلهولك
فين وصايايا وفين تعاليمى..ليه بعيد وناسى أنجيلى
فين يا أبنى هى أعمالك..ليه فى الشده سايب أخواتك
لو هتدى أنسان محتاج..كأنك بتدينى كل اللى معاك
أنا وصيتك على أولادى..يوم ما هاتعطى ده من خيراتى
ليه سايب أبنى حزين..فى برد وجوع وكله أنين
تعالى وقدم صدقه بحنان..أدى المسكين وخليك فرحان
يوم ما تحس بأبنى التعبان..هاعوضك أضعاف وزياده كمان
ليه قاسى دايماً ع الناس..بتحكم وتدين من غير أحساس
ناسى خطاياك وبتهلك نفسك..بعملك هتدوق نفس الكاس
سامح وحب حتى عدوك..بارك وأستر اللى يضرك
لو العالم هيكون ضدك..أغفر وأعفى من كل قلبك
أوعى يا أبنى تكون مغرور..وأفتكر فى طريقك نهايته قبور
صلى وصوم وأعطى بسرور.. تبقى جنبى من أبناء النور
