موضوع مضيقنى اوى
السجاير
انا حبيت اتكلم عن الموضوع دة خصتا لانة مضيقنى
الشباب اللى بيشربو السجاير نفسى اسالهم سوال
السجاير بتعملكم اية
مثلا :
لو انت مضايق وهم الدنيا فوق دماغك
طبعا سعتها بتشرب سجاير
ياترى السجاير دى بتشيل الهم عنك ولا بتسبرك
طبعا اللى يقول كدة يبقى بيخترق
لان السجاير مجرد دخان يدخل ويطلع مش اكتر
ياريت انتم كمان يشباب تقتنعو ان السجاير دى ملهاش اى لزمة
انا عندى فكرة حلوة هى فكرة مضحكة بس هقولها
ممكن تاكل مستيكة مثلا او تاكل لب
لان معظم الشباب بيقولو ان السجاير دى تسلية ولو السجاير تسلية
فى حاجات تانية كتير تسلية برضة
انصح كل شب نصيحة وبجد النصيحة دى هتفيدة اوى اوى
ياريت لما تكون مضايق او زعلان اعمل حاجة جميلة اوى بدل السجاير
امسك صورة المسيح اشكيلة همك سعتها بقى المسيح هرد عايك مش دخان اللى هيرد عليك
جربو لان المسيح بيقول ((من يقبل الى لا اخرجة خارجا))
انتو متعرفوش انكم بتاذو نفسكم باللى انتم بتعملوة دة ومش كدة وبس
انت بتاذى اللى قدامك كمان
حولو انكم تقتنعو انها حاجة ملهاش لزمة
انا كل مااكلم حد يقولى اصلى مضايق
ارد علية واقولة السجاير هى اللى هتمنع المضيقة ومش لاقى رد يردة عليا خالص
ماهى لو السجاير دى بيتمنع المضيقة
انا مستعدة انصح كل شب انة يشرب 5 علب فى الساعة
غير كدة كمان لو بصيتم على العلببة نفسها هتلاقى
احترس التدخين لانة يضر بالصحة ويسبب الوفاة
ياحول اللة يارب طيب بتشربوها لية
يجماعة ارجوكم
هقلكم على حاجة وجربوها لو منفعتش معاكم ارجعو للسجاير تانى
لما تكون مضايق او حزين الجا لرب المجد وهو هيكون معاك
((تعالوا اليا ياجميع المتعبين وثاقلين الاحمال وانا اريحكم))
واللى اغرب من كدة انهم بيشربوها بعد الاكل مباشرا
على فكرة السجاير دى لو مش عارف تبطلها
روح للبابا كيرلس
انا هحكلكم معجزة صغيرة وهمشى لانكم زهقتو منى
كان فى بنت عندها حوالى 18 سنة
وكانت بتشرب سجاير كتير
وراحت دير البابا كيرلس ودخلت المزار بتاعة وقلتلة
يابابا كيرلس انا مش عارفة ابطل السجاير دى خالص
وانا كبنت نفسى ابطلها ساعدنى يابابا كيرلس
وبعد كدة طلعت برة الدير وولعت سيجارة لقت نفسها مش ضيقاها خالص ولا ضيقة ريحتها
ودى كانت طلبة للبابا كيرلس
الجا لاى قديس واشكيلة تعبك وهمك وهو هيساعدك
وعلى فكرة ياشباب انا مش هسبكم وهفضل وراكم
لغاية ماتقتنعو باللى انا قلتة
وهاول كمان اجبلكم قصص على الموضوع دة
وكلمة اخيرة حافظ على نفسك لاجل الاخرين
اختكم فرررح
