معقول دا قبر .. !

معقول دا قبر .. عند الفجر .. تشرق فيه شمس حياه

ملاك وصخر .. صوت النصر .. منه بيضوي يصرخ وياه

بعد الدفن تلاتة أيام .. !

مريمات وحنوط .. كفن محطوط .. تلميذ بيجري والتاني وراه

في معاد مظبوط .. إبليس مربوط .. حراس مرعوبة من برق ضياه

ملكنا وهبنا عهد سلام .. !

مكان للموت .. صبح ملكوت .. بركة ونعمة لكل الناس

علي الصوت .. بعد الصلبوت .. قيامة ونصرة دقوا الأجراس

نام الليل والنور دام .. !

يوم الأحد .. عنوان المجد .. فخر يهوذا .. عليه اتكتب

فاق الحد .. أخد ورد .. قبر الحي .. فضة ودهب

بهجة ورهبة .. ما فيش كلام .. !

رنة فرح .. الشر إنطرح .. بلابل سرور .. إلهنا غلب

زي ما شرح .. قبر إنفتح .. سلاسل نور .. واللي إتصلب

إللي فدانا حي وقام .. !