القسم الادبي
محتاجاكى يا امى
وقفت قدام صورتها
محتارة اطلب منها
وقفت قدامها وسكت
كلمتها بدموع عينيا
قلتلها يا ام النور انجدينى
يا ام المخلص اسندينى
بنتك فى شدة وضيقة
بنتك فى شدة وحيرة
محتاجة ايدك معايا
محتاجة وقفتك ويايا
انجدينى يا ام النور
تعالى ضمينى فى حضنك الحنون
كل ده بدموعى
قلتلها محتاجاكى محتاجه اكون وياكى
بصيت ليها وسكت
ماهى حاسة بضيقى وتعبى
حاسة بالمى وذلى وضعفى
مكنتش عايزة امشى من قدامها
كان نفسى اروحلها
اشوفها واتمتع بوجودى فى حضنها
اترمى فى حضنها
اقولها
شفاعتك يا امى
اقولها
ساعدينى يا امى
