القسم الادبي
ليه؟
ليه مصمم أتوه من عنوانى؟
و أنت ياربى جوه قلبك مكانى
عاوز أفهم نفسى.و لا كده هبقى أنانى؟
عارف أنك فاهمنى و أنى مش وحدانى
طب هفضل أدور على نفسى و لا أنسانى؟
و أدوب جواك و أختفى و تعيش أنت مكانى
لحد أمتى هتفضل نفسى و دماغى محيرانى؟
عمال بضيع فى سنين عمرى كده و أنا الجانى
بس أنت مش هتسيبتنى فى حيرتى و توهانى
ده أنت جيت و أتصلبت و أتحملت كتير علشانى
جوه قلبك ده مكانى
بس أنا تايه من عنوانى
و دنيتى معذبانى
وسكتى مبهدلانى
وصلنى أنت لعنوانى.
