القسم الادبي
لما بريق الشر بيضوى
لما بريق الخوف بيضوى …………………. لما زئاب الشر بتعوى
بلقى ايديك ياربى بتشفى ………………… خوفى وتزرع قلبى سلام
*******************************
لما اتوه بين حزنى وضيقى …………….. واما يتوه قدامى طريقى
بتمد ايديك وتمسك بأيدى ………………… وتوصلنى لبر امان
*******************************
لما تضيق الدنيا عليه …………………… ودمع الحزن بيملى عنيه
بلهفة وحب بتجرى عليه ………………… وتحلى مرارة الايام
*******************************
مهما العند ياخدنى بعيد ………………… مهما القسوة فى قلبى تزيد
تيجى تفرد درعاتك ليه ………………… اترمى فى حضنك وانام
*******************************
لو احلامى تضيع قدامى ………………… واليأس يسود ايامى
لحظة احس برضاك عنى ……………….. بتعوض كل الاحلام
يارب تعجبكم
ناجى عجيب
