القسم الادبي
لازم يارب
لازم ياربى تدخل
ربى يسوع المسيح احنا ولادك ومحتاجينلك اوى اوى اوى ولازم تدخل
+ لما يكون شاب فى اول عمره.. و مرضهُ خطير وهايقضى بعمرهُ .. و انت وحدك اللى تخفف ألمه
وملوش غيرك
يبقى لازم ياربى تدخل
وملوش غيرك
يبقى لازم ياربى تدخل
+ لما يكون شاب بيشقى كتير ورزقه قليل .. ومش عايز يعمل حاجه تزعلك ..كل امله انه يفرح ويفرحك
وملوش غيرك
يبقى لازم ياربى تدخل
وملوش غيرك
يبقى لازم ياربى تدخل
+ لما يكون اتنين من ولادك بيحبوا بعض .. وانت يارب بحبهم سمحت .. وفى بينهم سدود وموانع ..
وفى نفس الوقت مفيش حل نافع
وملهمش غيرك
يبقى لازم ياربى تدخل
وفى نفس الوقت مفيش حل نافع
وملهمش غيرك
يبقى لازم ياربى تدخل
+ لما الخصام والزعل يوصل بين ولادك لاكبر حد.. يوصل للتجريح للاهانات و للمحبه يهد ..يوصل لعدم مراعاه كل شىء بجد
وهما فى الاخر كلهم ولادك
يبقى لازم ياربى تدخل
وهما فى الاخر كلهم ولادك
يبقى لازم ياربى تدخل
+ لما نشوف اولاد ليك مليهم الحقد .. على اخواتهم قاسين بالبعد .. وقلبوهم كلها مليانه بالشر.. كره وشيطان ماليهم بالمكر
والضعف فيهم وملهمش غيرك
يبقى لازم ياربى تدخل
والضعف فيهم وملهمش غيرك
يبقى لازم ياربى تدخل
+ لما نلاقى ولاد ليك مابيغفروش.. بيشوفوا خطايا غيرهم وخطاياهم مابيشفوش
ودول ودول ولادك ياربى
يبقى لازم ياربى تدخل
ودول ودول ولادك ياربى
يبقى لازم ياربى تدخل
+ لما التجارب تزيد فوق الاحتمال .. وتقف كل الحلول الارضيه وتقول محال
والتعب فى حياه ولادك بأستمرار
يبقى لازم ياربى تدخل
والتعب فى حياه ولادك بأستمرار
يبقى لازم ياربى تدخل
+ لما ابن ليك يفكر كتير ..عايز حل لتعبه ومش لاقى تفسير.. لما الدموع تملا عنيه ليل نهار.. الكل عليه وهو ينهار
وبرده ابنك وملوش غيرك
يبقى لازم ياربى تدخل
وبرده ابنك وملوش غيرك
يبقى لازم ياربى تدخل
+ لما نلاقى كنيستنا وبيتنا وكل حياتنا .. مليانه انقسامات ومجادلات هاضيع فى حياتنا
ومفيش رجوع للحق والكل بكلامه شايف انه احق
يبقى لازم ياربى تدخل
ومفيش رجوع للحق والكل بكلامه شايف انه احق
يبقى لازم ياربى تدخل
+ لما نشوف طفله عيانه .. مريضه ومن حزنها مليانه .. لا طبيب ولا علاج نافعها ..
دموعها تقطع اللى يعرفها
يبقى لازم ياربى تدخل
دموعها تقطع اللى يعرفها
يبقى لازم ياربى تدخل
+ لما نشوف ام على ولادها حيرانه .. ليل ونهار عليهم شقيانه .. تربى وتكبر بكل أمانه ..
تحزن وتموت من ظلم الدنيا .. لما تلاقى ولادها حزانا
يبقى لازم ياربى تدخل
تحزن وتموت من ظلم الدنيا .. لما تلاقى ولادها حزانا
يبقى لازم ياربى تدخل
+ لما الضمير يتعب كتير .. يبقى فى ضلمه وامره خطير .. عايز ينفذ كل كلامك
وكل مايطلع يقع فى بير
يبقى لازم ياربى تدخل
وكل مايطلع يقع فى بير
يبقى لازم ياربى تدخل
+ لما نشوف بنات بتروح .. بتسبب للكل اللآم وجروح .. تبقى بنتك وتسيب فى مجدك
ونفضل فى آهات نصبح ونبات
يبقى لازم ياربى تدخل
ونفضل فى آهات نصبح ونبات
يبقى لازم ياربى تدخل
+ لما اجيلك ليل نهار .. تعب وحزن اخر دمار .. الف مليون مشوار.. وارجع ابكيلك اخر انهيار
يبقى لازم ياربى تدخل
يبقى لازم ياربى تدخل
+ لازم ياربى تدخل .. احنا تعبنا اوعى تتاخر .. مش هانهون عليك ملناش غير ايديك
هى اللى تطيب .. هى اللى تحرر
هى اللى تطيب .. هى اللى تحرر
+ + + + + +
انا مش هاقدر اقول على الموضوع ده شعر ولا قصيده طبعا
انا حاولت اقول حاجه لربنا
ممكن تكون اقرب للصلاه من الشعر طبعا
