كل واحد له حكايه
كل واحد له حكايه
قصه وسيناريو وحوار
اللي مكتوب عليه النهايه
يفرح واللي مكتوبله المرار
اللي مكتوب يسهر ليله
ويعد نجوم النهار
ودي حكايه قلب حب
وكانت جزاته يعيش في نار
القصه في بدايتها كانت نظره
ضحكه وهمسه في لمسه ايد
كلمه ف وعد وعهد
حلفان ان العمر بدا من جديد
وحبنا درس يتعمله العشاق
مناسبه للاحتفال زي يوم العيد
نحتفل بيها ويا الحب والاشواق
وفي عز الحب والغرام
في عز اجمل الاحلام
قبل ما يتحقق بساعات
وقفت في القلب الدقات
عليت صوت الاهات
وكان يوم الفراق
وقبل نهايه القصه
البطل مكنش عامل حساب النهايه
قبل بدايه القصه خلصت الحكايه
بعد ما قال خلاص بقينا عشاق
مافيش حاجه اسمها فراق
ضاع الحب في لحظه الاتفاق
وضاع الحب وتاه القلب
القلب اللي اتملي اشواق
ضاع القلب وانتهي الحب
ومـــــــات وانهـــــــــــار
قلب اتكوي من نار الفراق
وانتهت الحكايه وخلصت الروايه
ونزلت الســــــــــــــــتار
