القسم الادبي
مسمار صُلب
لا ببيع كرامتى لاجل حُب
ولا بنحنى
ومبنهزمش
وقلبى انا مسمار صُلب
ينتنى
ولا ينكسرش
وانا مش هنكر انى بكيت
لما قسيت ونسيت وجنيت
واتهزيت قوى واتمنيت
انهى حياتى ومكملش
بس انا قلبى فى قلبه عزيمه
ومش هرجعلك
ولا لعادتها هترجع ريما
دا انت فى نظرى سمكه يتيمه
مش تاخد غلوه مع القرش
بنيت بهلاكك ليا قصور
وباسلاكك حاوطت السور
وماصدق طار العصفور
ومش راجع ابداً للعش
وانا مش اسلم مهما بكيت
ومش هستسلم لو حنيت
وخليك فاكر بس يا ريت
ان انا قادر مستسلمش
وقلبى انا مسمار صُلب ينتنى ولا ينكسرش
مع تحياتى/
الشاعر/ رامى فايز
