عملها البابا

فى البداية انا شفيعى مارجرجس والعدرا مريم وفى يوم انا كنت مأجر محل مأكولات ايجار جديد بمبلغ وقدره وده من حوالى 5أو 6 سنوات تقريبا وكان المحل ده امام مدرسة وكان الشغل كله على المدرسة يعنى كنت بزعل من يوم الجمعة لانه جاى عليا بخسارة وكان لى صديق دائم التحدث عن البابا كيرلس وفى يوم كنت جهزت شغل اليوم التالى وفاجئة لاقيت الطلبة خارجة من المدرسةبتقول بكرة اجازة بمناسبة رأس السنة الهجرية وطبعا دى اجازة رسمية مافيهاش كلام انا تضايقت جدا لدرجة انى جالى صداع كان بيألمنى لدرجة كبيرة ولاقيت نفسى بقول كدة يابابا كيرلس ده الظروف مش مساعدة واليوم ده كان يوم خميس اللى هو كان اجازة وفوضت امرى الى الله وسكت ولما روحت بليل كانت المفاجئة الكبرى اللى هى حقيقى معجزة ومش اى معجزة اعلن التلفزيون المصرى فى نشرة الساعة التاسعة تقرر الغاء اجازة رأس السنة الهجرية غدا الخميس واعطائها السبت بدلا منه ودى مرة من المرات النادرة اللى بيأجلوا يوم اجازة وانقذنى البابا كيرلس من خسارة مؤكدة شفاعته ومعونته وصلواته تكون معنا جميعا امين ثم امين