عالم فى صراع

عالم فى صراع بيعانى
وكتير منا فى أزمات
حاله وكتير عايشينها
واقع مليان انقسامات ..

ولادك فى شىء خوفهم
بس منهم لسه فى ثبات
كتير الرعب ماليكهم
وكتير مليان تعزيات ..
مش هانقد واقول دول ضعفا
مانا منهم مليان ضعفات ..

أنا هاسكت واستنى كلامك
ومن امتى أنا اتكلمت
لمشيئتك وتدبير أحكامك
عمرى وحياتى سلمت
خايف تعبان قلقان
ده طبعى انا الانسان
ما الابن بينسى وبيضعف
والأب يقوى ويحب ..
ـــــــــــــــ
فلتكن مشيئتك