+++ضد التيار++قصة تهمك

خلوني دايما محتار
مش قادرين ليه يفهموني
ما بقيتش لاقي لهم أعذار
قررت أحول عنهم عيوني
و أصارع ضد التيار

مرات تشدني موجة يأس
وأقضي يومي كله حزين
أقع في فخ رثاء النفس
وأرمي ملامي على التانيين

والمشكلة مش فيهم هما
في كتير غيري تعبانين
بس السر وحل الأزمة
في الضيقة بصيت على مين

ساعتها لازم أفكر فيك
ما ستناش حاجة من حد
انتظر الخير من ايديك
وأبطل شكوتي والعند
علطول أحيا ونظري عليك
وعمرك ليّ ما مرة تصد
بيبو كوتش